【日本】關西交通懶人包 文字


好多人去關西都想一次過去晒大阪、京都、奈良、神戶,但係京阪神奈私鐵、JR Pass、城市限定周遊卡應該點揀?KKday已經幫大家準備好關西交通懶人包,去京阪神奈之前一定要睇!
一、京阪神奈私鐵
【我想去大阪、京都!】
1. 京阪電車:京都、大阪觀光一日券、二日券
圖片來源|Ashley Hsu如果淨係去大阪、京都,買京阪電車嘅一日券、二日券就最抵玩!如果由大阪去京都,撘JR都要¥1120,用京阪電車乘車券就平好多。除咗撘車平啲,用乘車券仲有其他優惠,好似下鴨神社、平等院嘅門票優惠同贈品,仲有和服出租嘅折扣。
▶︎乘搭範圍:京阪電車全線(淀屋橋、京橋、宇治、伏見稻荷、祇園三条、出町柳等)
▶︎票價:
一日券 700日圓(大人)350日圓(小孩)
二日券 1000日圓(大人)500日圓(小孩)
▶︎購買地點:關西機場、大丸心齋橋、京都關西旅遊資訊服務中心、三条觀光資訊區、網上購買、京都同大阪嘅部分酒店(詳情請參考官網
▶︎詳細資訊:京阪電車官網
2. 京阪電車:京阪 + 大阪市營地鐵 觀光乘車券
圖片來源|Fotolia呢款觀光乘車卷除咗京阪電車,仲可以同時撘大阪市營地鐵、巴士。仲有京阪電車同大阪地鐵提供嘅景點優惠,好似大阪城天守閣、大阪生活今昔館,都有門票折扣。
▶︎乘搭範圍:京阪電車全線、男山纜索鐵道(大津線除外)、大阪地鐵、NEW TRAM、巴士全線
▶︎票價:1200日圓
▶︎購買地點:關西機場、大丸心齋橋、京都關西旅遊資訊服務中心
▶︎詳細資訊:京阪電車官網
【我想去大阪、京都、奈良!】
近鐵周遊券(KINTETSU RAIL PASS)
圖片來源|Fotolia去完大阪、京都,仲想去奈良睇下可愛嘅小鹿?買近鐵周遊券就啱!大阪嘅道頓崛、黑門市場,京都嘅清水寺、伏見稻荷神社,奈良嘅東大寺、春日大社全部都去到,仲有BIC CAMERA免稅同94折優惠。
▶︎乘搭範圍:近鐵電車、部分奈良交通巴士(一日券同二日券所適用嘅區域有不同,請參考官網
▶︎票價:
一日券 1500日圓(大人)750日圓(小孩)
二日券 2500日圓(大人)1250日圓(小孩)
▶︎購買地點:關西機場、大丸心齋橋、京都關西旅遊資訊服務中心、大阪難波站、上本町站、阿部野橋站、京都站、部分酒店(詳情請參考官網
▶︎詳細資訊:近畿日本鉄道官網
【我想去大阪、神戶!】
阪神全線乘車券(HANSHIN TOURIST PASS 1day)
圖片來源|Fotolia如果你酒店喺大阪難波或者梅田附近,買阪神全線乘車券就可以輕輕鬆鬆去神戶一日遊。來回一次難波同神戶三宮就已經可以回本,順路去埋棒球聖地嘅甲子園、神戶唐人街嘅地元町,就最抵玩!
▶︎乘搭範圍:阪神電車沿線(大阪難波、梅田、甲子園、神戶三宮等)
▶︎票價:700日圓
▶︎購買地點:關西機場、大丸心齋橋關西旅遊資訊服務中心、大阪旅遊資訊服務中心、阪神電車服務中心(阪神三宮站)、阪急旅客服務中心(大阪梅田)、BIC CAMERA難波店、大阪部分酒店(詳情請參考官網
▶︎詳細資訊:阪神電車官網
【我想去大阪、京都、神戶!】
阪急全線乘車券(HANYKU TOURIST PASS)
圖片來源|Fotolia想玩晒京阪神,買阪急電鐵推出嘅全線乘車券就啱!除咗可以去好多百貨公司林立嘅神戶三宮、河原町,仲可以去嵐山搭小火車賞櫻賞楓。不過有啲地方阪急電鐵全線乘車券去唔到,買埋上面嘅阪神全線乘車券一齊用,就會方便啲。
▶︎乘搭範圍:阪急電鐵全線(神戶三宮、伊丹、阪急梅田、河原町、嵐山等),但不含神戶高速線
▶︎票價:800日圓(一日券)1400日圓(二日券)
▶︎購買地點:阪急旅客服務中心(大阪梅田)、阪急京都觀光諮詢服務中心、大阪京都部分酒店(詳情請參考官網
▶︎詳細資訊:阪急電鐵官網
【我想去關西全區!】
關西周遊券2日券 、3日券(KANSAI THRU PASS)
圖片來源|KKday關西交通好複雜好麻煩!咁不如買關西周遊券就唔洗煩,周圍都去到!京阪神奈、姬路、和歌山大部分嘅交通工具都可以撘,尤其係一落飛機就可以撘南海電鐵,完全唔洗煩!
▶︎搭乘範圍:京阪神奈、姬路、和歌山、高野山等關西一帶嘅地鐵、私鐵、巴士(詳情請參考官網
▶︎票價:
二日券 4000日圓(大人)2000日圓(兒童)
三日券 5200日圓(大人)2600日圓(兒童)
▶︎購買地點:關西機場、大丸心齋橋關西旅遊資訊服務中心、大阪旅遊資訊服務中心、阪急旅客服務中心(大阪梅田)、難波旅遊服務中心、南海電鐵關西機場站櫃枱、京都站前公車綜合服務處等。(詳情可參考官網
▶︎詳細資訊:スルッとKANSAI官網
▶︎不如出發前係網上買!關西周遊券 KANSAI THRU PASS 2日券 / 3日券

二、關西JR PASS
1. JR PASS 關西地區鐵路周遊券
用JR PASS最方便就係一出機場就用得,可以撘晒JR西日本嘅新快速、快速、普通列車、關西機場特快HARUKA號嘅普通車廂非指定座席。小編建議大家可以喺各大旅行社買JR PASS(例如:KKday),或者喺網上預約,然後去JR西日本嘅售票處取票,如果直接係JR西日本售票處會比較貴。
▶︎乘搭範圍:大阪、京都、神戶、奈良、姬路、和歌山、敦賀、伊賀上野等(詳情請參考官網
▶︎票價:
一日券 2200日圓(大人)1100日圓(小孩)
二日券 4300日圓(大人)2150日圓(小孩)
三日券 5300日圓(大人)2650日圓(小孩)
四日券 6300日圓(大人)3150日圓(小孩)
▶︎購買地點:JR西日本售票處(京都、新大阪、大阪、神戶、姬路、奈良、JR難波、和歌山等)、關西旅遊訊息服務中心
▶︎詳細資訊:JR西日本官網
▶︎JR PASS 關西地區鐵路周遊券 KKday購買最方便!
2. 日本JR PASS 關西廣域鐵路周遊券
關西廣域鐵路周遊券同上一個關西鐵路周遊券好似,但係可以去到多啲地方,最遠可以去到岡山,仲可以去歌山縣嘅紀伊勝浦站欣賞日本三大瀑布之一嘅那智瀑布。不過關西廣域鐵路周遊券淨係得五日券,而上一個關西鐵路周遊券就可以揀一至四日卷,比較少彈性。不過如果你喺火車迷嘅就一定想買呢款周遊券,可以坐晒山陽新幹線、HARUKA、KUROSHIO、THUNDERBIRD、KOUNOTORI、SUPER HAKUTO等多種類型嘅特急列車!
▶︎搭乘範圍:京阪神奈、和歌山、敦賀、草津、岡山(詳情請參考官網
▶︎票價: 9000日圓(大人)4500日圓(小孩)
▶︎販賣地點:JR西日本的售票處(京都、新大阪、大阪、神戶、姬路、奈良、JR難波、和歌山等)、關西旅遊訊息服務中心
▶︎詳細資訊:JR西日本官網
&#x25b6;︎唔洗換票即刻用! 關西廣域鐵路周遊券<
其他JR PASS攻略:
&#x25b6;︎【周遊日本】JR PASS 解密 Q&A
&#x25b6;︎【日本交通】日本JR PASS使用指南
&#x25b6;︎【日本行程安排攻略!】全國JR PASS使用須知

三、城市限定
【我想去大阪!】
1. 大阪周遊卡
圖片來源|KKday大阪周遊卡有一日券、兩日券,兩者可以乘撘範圍有唔同。一日券可以撘阪急、阪神、京阪、近鐵、南海電鐵,但係二日券就唔可以。用大阪周遊卡仲可以免費參觀35 個觀光景點,例如道頓堀水上觀光船、大阪城天守閣、大阪生活今昔館、天王寺動物園等。
&#x25b6;︎優惠景點:海遊館、阿倍野HARUKAS展望台等
&#x25b6;︎乘搭範圍:以大阪為中心,可以無限次乘坐大阪市營地鐵 、新電車、巴士嘅所有線路
&#x25b6;︎票價:2500日圓(一日券)3300日圓(二日券)
&#x25b6;︎購買地點:關西機場、大丸心齋橋、京都關西旅遊資訊服務中心、NEW TRAM 所有站嘅站長室、大阪旅遊服務中心、難波旅遊服務中心、大阪部分酒店(詳情請參考官網
&#x25b6;︎出發前上網買更方便!大阪周遊卡一日券、二日券
&#x25b6;︎詳細資訊:大阪周遊卡官網
仲想知多啲?可以睇下…
&#x25b6;︎第一次遊大阪就上手!教你用盡大阪周遊卡(附行程)
2. YOKOSO!OSAKA TICKET(ようこそ大阪きっぷ)
圖片來源|Fotolia由關西機場去大阪難波,最方便就係撘南海電鐵。YOKOSO!OSAKA TICKET套票可以撘南海電鐵嘅特急車次,好快好輕鬆就直接坐到大阪,仲可以一日無限搭乘大阪市營地鐵、巴士,好適合行程第一站去大阪嘅朋友。
&#x25b6;︎乘搭範圍:南海電鐵單程特急乘車劵(關西機場至難波)、無限次乘坐大阪市營地鐵 、新電車、巴士所有線路一日券
&#x25b6;︎票價:1650日圓
&#x25b6;︎購買地點:關西機場站南海票劵辦公室、各大旅行社購買
&#x25b6;︎詳細資訊:南海電鐵官網
3. 大阪海遊票 Osaka Kaiyu Ticket
圖片來源|Fotolia大阪天保山嘅海遊館係全世界最大嘅水族館之一,館內有四層樓高嘅超大型水槽,可以順著設計嘅路線由下往上參觀。大阪海遊票包含一張海遊館入場券同大阪地鐵、巴士嘅一日無限乘搭券,去完海遊館,仲可以去其他大阪嘅景點。
&#x25b6;︎乘搭範圍:海遊館入館券、無限次坐大阪市營地鐵 、新電車、巴士嘅所有線路一日券
&#x25b6;︎票價:2550日圓(大人)1300日圓(小孩)
&#x25b6;︎購買地點:關西機場、大丸心齋橋、京都關西旅遊資訊服務中心、大阪市遊客指南中心(梅田、難波)、地下鐵各車站售票處
&#x25b6;︎詳細資訊:大阪海遊館官網
【我想去京都!】[/b]
1. 京都市營巴士:京都巴士一日券
圖片來源|Ashley Hsu去京都嘅話,小編推介大家撘巴士去上賀茂神社、下鴨神社,呢兩個世界遺產比較少遊客去,而且每個月都有手作市集。再用埋巴士一日券,撘3次就可以回本,係最精明嘅選擇
&#x25b6;︎乘搭範圍:均一區間內嘅市巴士、京都巴士
&#x25b6;︎票價:500日圓(大人)250日圓(小孩)
&#x25b6;︎購買地點:地鐵窗口(只限大人票)、市巴士售票機、市巴士/地下鐵案內所、京都巴士案內所、市巴士定期券發售所、市巴士營業所、京都巴士營業所、市巴士同京都嘅巴士車內
&#x25b6;︎詳細資訊:京都市交通局
2. 京都地鐵一日券
圖片來源|Fotolia京都地鐵有好多沿路設施嘅優惠,好似二条城、京都水族館、東映太秦映画村都有折扣,都幾抵。
&#x25b6;︎乘搭範圍:京都市營地下鐵全線
&#x25b6;︎票價:600日圓(大人)300日圓(小孩)
&#x25b6;︎購買地點:地鐵窗口、市巴士/地下鐵案內所、定期券發售所
&#x25b6;︎詳細資訊:京都市交通局
3. 京都觀光一日券.二日券
圖片來源|Fotolia撘巴士又驚撘得耐,撘地鐵去某啲景點唔方便,不如買京都觀光一日券、二日券!可以撘地鐵、巴士,仲有約60個神社寺廟同觀光設施嘅優惠,又抵買又方便。
&#x25b6;︎搭乘範圍:京都市營地下鐵全線、市巴士全線、京都巴士指定範圍內路線
&#x25b6;︎票價:
一日券 1200日圓(大人)600日圓(小孩)
二日券 2000日圓(大人)1000日圓(小孩)
&#x25b6;︎購買地點:地下鐵站售票機、市巴士營業所、市巴士/地下鐵案內所、定期券發售所、京都巴士案內所、京都巴士營業所
&#x25b6;︎詳細資訊:京都市交通局
4. 嵐電一日券
圖片來源|Fotolia嵐電係京都唯一嘅路面電車,除咗賞櫻賞楓嘅嵐山,沿線仲有天龍寺、龍安寺、金閣寺等景點。
&#x25b6;︎乘搭範圍:嵐電嵐山本線、北野線
&#x25b6;︎票價:500日圓(大人)250日圓(小孩)
&#x25b6;︎購買地點:四条大宮站、帷子之辻站、嵐山站、北野白梅町站、京都部分酒店(詳情請參考官網
&#x25b6;︎詳細資訊:嵐電官網
另外,嵐電亦有同京都巴士、地下鐵所各自推出一日券。大家可以睇下將會去邊個景點,再決定邊款套票比較方便。
#市巴士、京都巴士、嵐電一日乘車券
&#x25b6;︎搭乘範圍:嵐電嵐山本線、北野線、均一區間內嘅市巴士、京都巴士
&#x25b6;︎票價:1000日圓
&#x25b6;︎購買地點:四条大宮站、帷子之辻站、嵐山站、北野白梅町站、市巴士/地下鐵案内所、定期券發售所
&#x25b6;︎詳細資訊:嵐電官網
#京都地下鐵、嵐電一日券
&#x25b6;︎搭乘範圍:嵐電嵐山本線、北野線、京都市營地下鐵烏丸線、東西線
&#x25b6;︎票價:1000日圓
&#x25b6;︎購買地點:四条大宮站、帷子之辻站、嵐山站、北野白梅町站、京都地下鐵各站窗口、京都部分酒店(詳情請參考官網
&#x25b6;︎詳細資訊:嵐電官網
四、番外
1. 奈良.斑鳩一日券

圖片來源|Ashley Hsu奈良.斑鳩一日券有好多種類,主要係以近鐵奈良同奈良交通為主,再配撘其他交通工具推出唔同版本,好似大阪市交通局版、京阪電車版、京都市營地下鐵版。如果想買嘅,建議先上網查好想要嘅版本同購買地點,小心唔好買錯。
&#x25b6;︎詳細資訊:近畿日本鐵道官網
2. ICOCA交通卡
圖片來源|JR西日本ICOCA係JR西日本發行嘅IC卡,好似東日本嘅Suica(西瓜卡)、香港嘅八達通。除咗JR西日本嘅路線,仲可以用ICOCA撘地鐵、私鐵、巴士,一卡闖天下!
&#x25b6;︎搭乘範圍:東日本、東海、關西地區凡標示 ICOCA 交通工具、商店皆可使用(詳請參考官網
&#x25b6;︎購買地點:JR西日本售票機、網上訂購
&#x25b6;︎ICOCA交通卡關西一卡通
3. ICOCA & HARUKA
圖片來源|Fotolia只要出示ICOCA卡,就可以以優惠價購買HARUKA單程、來回票,不過要留意來回票得14日有效期。
&#x25b6;︎搭乘範圍: HARUKA自由座特急券、東日本、東海、關西地區凡標示 ICOCA 交通工具、商店皆可使用(詳請參考官網HARUKA乘車區域
&#x25b6;︎購買地點:關西機場JR窗口櫃檯(若淨係想買回程票,可以去大阪、新大阪、天王寺、JR難波、京都、三之宮、奈良車站購買)
&#x25b6;︎詳細資訊:JR西日本官網
去關西之前一定要準備:
&#x25b6;︎$13/日!超抵無限流量日本4G Wi-Fi機租借
&#x25b6;︎著住和服遊京都,好靚啊!
&#x25b6;︎TourTalk 真人即時翻譯,唔洗驚喺日本溝通唔到
睇埋其他關西攻略:
&#x25b6;︎【旅遊達人推薦】日本必備交通APP
&#x25b6;︎日本大阪5日4夜自由行攻略
去旅行,成日都要搭車又搭船 覺得悶? 點少得本地薑「MOOV」呢?即使喺海外 都可以隨時隨地收聽已下載歌曲,仲集齊哂廣東、華語 、日韓、外語歌等,大部份都係HiFi 無損音樂添!依家仲可享$38/首月(原價$49) 試玩優惠,立即點擊https://goo.gl/cpJ27g ! 帶住MOOV同你環遊世界啦!
認識KKday
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
關注KKday動向:
FacebookInstagramYouTube旅友討論區
《生化實驗室 - Ep01 情人節朱古力篇》

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→