【日本】2018東京迪士尼陸地最強總攻略

跟著KKday去旅行 於 24/04/2018 發表 收藏文章
一場去到東京點可以唔去最經典嘅東京迪士尼樂園呢?小編今日就奉上東京迪士尼樂園(Tokyo Disneyland)陸地園區嘅終極攻略,一次過睇哂必玩設施、必買商品、必吃美食,仲包埋KKday小編獨家Fast Pass 攻略,快啲抄低筆記啦!(Source:KKday)


引用東京迪士尼有限制每日入園人數,想要保證入園就要先買左飛後研究喇~

唔洗早起身排隊買飛,超方便嘅東京迪士尼電子門票

唔洗擔心交通,單程接駁巴士送你到樂園,連東京迪士尼樂園/海洋一日券

一、東京迪士尼陸地交通

Source:KKday
1. 巴士

喺新宿巴士轉運站(新宿車站)乘搭巴士至東京迪士尼樂園2號候車區,全程約50分鐘。成人票價1000日圓,兒童票500日圓。

註:成田機場、羽田機場、池袋、秋葉原、橫濱、東京等車站都可以搭巴士,詳細資訊可查詢官網

2. JR電車

搭JR電車至東京車站,轉搭JR京葉線或JR武藏野線去到舞濱。入列度假區後,可以乘搭園內單軌電車或巴士至東京迪士尼樂園站。

註:樂園內單軌電車需另外俾錢,單程票價為260日圓,可使用PASMO、Suica卡搭乘。

二、推薦設施

【明日樂園】

1. 怪獸公司「迷藏巡遊車」

Source:KKday
喜歡毛毛同大眼仔嘅朋友仔,小編估你一定好想即刻衝入去玩喇!走入怪獸電力公司世界,坐上迷藏巡遊車展開歷險,你可以拎住車上嘅電筒照住,沿途仲有怪獸電力公司mark帽,仲可以睇到可愛角色人物添。

2. 巴斯光年星際歷險

Source:KKday
巴斯光年星際歷險作為一種室內射擊遊戲,故事情節為巴斯光年正招募太空騎警隊嘅同伴們(亦即係我地)一起拎起光線槍尼打低索克天王,俾你可以體驗番香港迪士尼玩嘅回憶。

3. 飛越太空山

Source:KKday
如果比較鐘意玩刺激遊樂設施嘅朋友仔就唔可以錯過飛越太空山!室內全黑嘅雲霄飛車岩哂追求速度感嘅你~

4. 星際旅行:冒險續航

Source:KKday
星戰迷粉絲想不想同劇中主角一齊喺銀河探險呢?快啲戴上3D眼鏡,坐上星速1000號太空船,感受故事情節、精緻畫面同飛船嘅完美配合啦!推薦大家抽完飛越太空山嘅Fast Pass之後直接轉身尼排隊喇!

【西部樂園】

豪華馬克吐溫號

Source:KKday
乘搭豪華郵輪馬克吐溫號,一邊吹風聽著音樂,一邊沿途欣賞著擬真的動物、印地安人等景色,順著河環繞一圈感受下時光100多年前美國中部密西西比河流域嘅場景。另外,夜晚開左暈黃燈光嘅馬克吐溫號仲係浪漫打卡影相spot添~

巨雷山

Source:KKday
嫌飛越太空山唔夠刺激?位在西部樂園嘅巨雷山係有好大高低起嘅過山車,岩哂大膽仔女們,巨雷山亦係高人氣嘅Fast Pass 設施尼嫁!

【動物天地】

飛濺山

Source:KKday
設施裡面可以睇到迪士尼舊時電影《南方之歌》嘅靚場景,不過唔好只係顧著欣賞,因為突然之間會有45度俯衝,有強心藏嘅朋友可以去挑戰下~



【夢幻樂園】

1. 小熊維尼歷險記

Source:KKday
作為夢幻樂園內人氣高到成為Fast Pass嘅設施,但小熊維尼係尼到迪士尼樂園一定要坐架!同香港嘅園內設施一樣,小編覺得最有趣嘅地方就係跳跳虎蹦蹦跳跳時,大家坐嘅蜜糖罐夜會同時彈跳呀!另外,溫馨提示,雖然裡面小熊維尼非常Kawaii,但記得唔好影相或者錄影啊!

2. 小木偶奇遇記

Source:KKday
除了小熊維尼以外,夢幻樂園仲有好多以故事為主軸嘅造景遊樂設施,好似係小木偶奇遇記小飛俠天空之旅、仲有少少恐怖嘅白雪公主冒險旅程都非常好玩,有時間都可以用新角度重新體驗一次經典童話故事~

3. 小小世界

Source:KKday
Source:KKday
東京迪士尼陸地嘅小小世界重新修整,於2018年4月15日再次登場,相信會有更不一樣嘅體驗同變化。

【卡通城】

1. 米妮公館

Source:KKday
卡通城園區裡有好多米奇好友家族嘅可愛房屋,首先,小編想介紹嘅係許多少女們都為之瘋狂嘅米妮屋企!紫色屋頂配合室內各種夢幻傢俱擺設,最岩影女神相!

2. 唐老鴨汽船、Chip ‘n’ Dale 橡樹屋

Source:KKday
Source:KKday
跟住,想私心介紹小編鐘意嘅角色人物唐老鴨同Chip ‘n’ Dale!唐老鴨嘅屋係以船作為造型,而Chip ‘n’ Dale嘅屋企就佢地嘅個性一樣活潑有趣,喺屋內可以搵到小機關,非常有趣。

【世界市集】

Source:KKday
除左玩園內設施,唔好唔記得到世界市集帶迪士尼公仔番屋企!特別係離開園區之前,一定要買齊戰利品啊~

三、怎麼玩最順?哪些一定要玩到?

Source:KKday
要玩齊熱門迪士尼設施就好似打仗咁,需要好嘅策略先可以盡可能玩哂想玩嘅設施!

東京迪士尼陸地目前有9個可以抽取Fast Pass(快速通關)嘅設施,Fast Pass 可以大幅減少排隊的時間,但記得抽完一張Fast Pass後,要等2個鐘先可以再抽下一張。通常,FP設施都係園內熱門設施,以下小編推薦幾種抽FP行程規劃俾大家參考,希望大家都可以玩到鐘意嘅設施!

FP遊樂設施名單:

西部樂園—巨雷山

動物天地—飛濺山

夢幻樂園—幽靈公館、小小世界、小熊維尼歷險記

明日樂園—、巴斯光年星際歷險、太空山、怪獸公司「迷藏巡遊車」、星際旅行:冒險續航

KKday小編群推薦:小熊維尼歷險記、怪獸公司「迷藏巡遊車」、巴斯光年星際歷險

Source:KKday
【小編實玩經驗—適合唔鐘意刺激嘅朋友們】

一入園,先衝去怪獸電力公司抽Fast Pass,然後直接排附近嘅巴斯光年。之後一路向裡面玩,行去夢幻樂園抽小熊維尼歷險記嘅FP,然後可以排最近重新整修嘅小小世界。

【追求刺激嘅朋友們可以睇依邊】

一入園先飛奔到最入面嘅動物天地,去抽飛濺山嘅Fast Pass,然後到旁邊嘅西部樂園去排巨雷山,最後再去抽太空山嘅Fast Pass,咁之後就可以排隊玩附近嘅巴斯光年、同怪獸公司等等。

四、推薦美食

1. 煙燻火雞脾

Source:KKday
迪士尼樂園嘅煙燻火雞腿係無論係觀光客或係日本人都大力推薦嘅NO.1人氣美食,尺寸有男仔嘅手掌咁大,味道都好好味,攤位幾乎隨時都大排長龍~

販賣地點:探險樂園、西部樂園

2. 米奇米妮造型雪條

Source:KKday
米奇米妮嘅樣為造型嘅雪條喺園區入面好多地方都有販賣,黃色嘅米奇雪條為熱帶水果口味,粉紅色米妮雪條係水蜜桃&雜莓口味。雖然感覺係夏天先會出現嘅甜點,但冬天亦有賣嫁~

3. 造型桶爆谷

Source:KKday
在迪士尼裡面,一定要入園隨俗為自己裝扮增加一啲迪士尼元素啊~如果唔鐘意頭飾的話,亦可以買個造型可愛爆谷桶!

由於每攤賣嘅爆谷口味會不同,如果鐘意攤位爆谷造型桶但唔鐘意規定嘅口味時,可以同店員講唔要爆谷只要爆谷桶,店員就會直接俾你爆谷兌換券,咁你就可以去另一個爆谷攤位兌換,迪士尼陸地同海洋都可使用嫁~

米妮蝴蝶結造型桶爆谷:

口味:焦糖

販賣地點:探險樂園 波里尼西亞草壇餐廳附近

價格:1640日圓

Source:KKday
小飛象造型桶爆谷:

口味:焦糖、牛奶巧克力

販賣地點:西部樂園、夢幻樂園

價格:2300日圓

Source:KKday
灰姑娘馬車造型桶爆谷:

口味:蜂蜜、BBQ

販賣地點:夢幻樂園(小熊維尼獵蜜記附近)、探險樂園

價格:2300日圓

Source:KKday
閃電麥坤造型桶爆谷:

口味:黑胡椒

販賣地點:西部樂園

價格:2300日圓

五、推薦商品

1. 髮飾、特殊造型帽

Source:KKday
為全身裝扮加添夢幻王國原素應該會有啲難度,但只要喺頭上加個耳仔髮飾或特殊造型帽,就可以即刻變身做夢幻王國子民、喺園內盡情影相打卡!

Source:KKday
尤其係米奇家族嘅帽,身體垂喺頭後面真係超級可愛,除左最基本嘅米奇米妮耳仔,依系列嘅帽子係園內有好高人氣架!

2. 小熊維尼系列商品

Source:KKday
小熊維尼歷險記旁邊嘅小熊維尼專賣店亦係超級Kawaii,童話般嘅木頭建築小屋,不入去行陣真係對唔住自己啊!

Source:KKday
Source:KKday
Source:KKday
公仔、吊飾、髮帶、衫、文具、餐具等你想像到嘅維尼商品都可以喺依度搵到,簡直係維尼控嘅天堂啊!

3. 怪獸公司系列商品

Source:KKday
Source:KKday
Source:KKday
玩完怪獸公司設施後向出口走,迎接你嘅就係周邊商店喇~《怪獸公司》周邊亦係尼到東京迪士尼樂園必買手信!

Source:KKday
4. 造型爆米花桶吊飾

Source:KKday
Source:KKday
迪士尼爆谷桶每個都好可愛,小編推薦大家可以買縮小版嘅爆米花桶吊飾,咁就咩造型都拎到番屋企,唔怕唔夠位啦~

六、迪士尼陸地必做之事

1. 搵人氣角色影相

Source:KKday
迪士尼園區內唔定時有各種迪士尼角色走尼走去,而迪士尼陸地亦設有可以同人氣角色合照嘅地點,可以將相機或手機交給俾工作人員幫你影相,同時當地都有迪士尼嘅專業攝影師提供收費嘅紀念照服務。

迪士尼明星見面地點:

世界市集—正門入口:現場揭曉

西部樂園—土撥鼠迎賓小徑:黛絲、唐老鴨

卡通城—米奇公館會米奇:米奇

2. 夜晚城堡煙花SHOW

夜晚嘅重頭戲煙花SHOW係絕對唔可以錯過嫁!Cinderella城堡後面配搭璀璨煙花,《Happiness is Here》、《When you wish upon a Star》等經典歌曲一首一首成為煙花SHOW最好嘅點綴,現場真係好浪漫嫁~

3. 園內遊行

Source:KKday
Source:KKday
Source:KKday
除左城堡前嘅煙花SHOW,迪士尼陸地嘅另一個重頭戲就是園內遊行!一日裡面嘅日間遊行同夜間遊行都各有特色,小編強烈建議喺遊行前40分鐘就要去霸個靚位,亦要準備防曬用品啊!

4. 城堡前拍照打卡

Source:KKday
Cinderella城堡係各地迪士尼樂園最重要嘅地標,唔影相又點對得住自己呢!趁香港迪士尼嘅城堡維修時,一齊去到東京迪士尼陸地城堡前影張相留念啦~

想去埋迪士尼海洋?唔洗擔心,KKday已經為你準備左出迪士尼海洋攻略喇!

【日本】東京迪士尼海洋最強攻略

去開心暢遊迪士尼陸地嘅物品,KKday都幫你整理好~

唔洗早起身排隊買飛,超方便嘅東京迪士尼電子門票

唔洗擔心交通,單程接駁巴士送你到樂園,連東京迪士尼樂園/海洋一日券

暢遊陸地海洋兩大樂園 東京迪士尼兩日電子門票

唔怕玩唔到自己心頭好設施!東京迪士尼三日・四日電子門票・平日夜間入場票

穩定嘅Wi-Fi等你可以隨時些牙喺迪士尼入面嘅開心時光

要玩轉東京,你需要:

【東京台場】交通景點總攻略

【東京近郊】話你知市區外5大玩法

【餓底日誌】東京尋找拉麵之旅

【日本私藏大公開】東京五大文青地

KKday日韓賞櫻精選期間限定折扣指定產品低至8折,立即了解詳情!限量APP專用優惠碼:KRSAKURA20/JPSAKURA15(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!

▲下載KKday App與你同行,發掘更多在地旅遊體驗!

▲訂閱KKday電子報,獲取更多旅遊優惠!

FacebookInstagramYouTubeKKday群組
【Budweiser發光打氣杯 陪你嗌足六十四場!】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→