【昇華友情】同密友去旅行的5大好處 文字


去旅行嘅地點固然重要,但一個好嘅旅伴更可以將每次旅程變得更完滿。好旅伴嘅默契就係我相信你安排嘅所有行程 (又有可能係懶得計劃行程),而你相信我唔會斤斤計較。相比起目的地、行程、住宿,其實旅伴係影響你旅行心情同收獲嘅關鍵。以下列出同「老死」去旅行嘅五大好處,如果你同意嘅話Tag佢入嚟同多謝佢啦!一、YES Man/YES Girl
安排行程已經令人頭痛,如果旅伴同自己興趣不合,而且仲要每樣都Say No,分分鐘未出發就先絕交。相反,擁有一個有共同喜好嘅旅伴,你想去嘅地方同時迎合對方嘅喜好,就可以好簡單就編排到一個完美嘅行程!
二、旅行不等人
「等~~寂寞到夜深~~」
有時候同父母親戚或一大堆朋友去旅行,人太多都幾麻煩!每個人都有唔同嘅喜好,結果能做嘅就只有等……等大姑媽去廁所、等三姨媽買紀念品、等細表姐揀減價手袋,終於等到自己想去嘅地方,發現時間已經唔夠用。同「老死」去旅行又唔同講法,一來大家嘅興趣相近,二來人少少簡易討論行論,可以慳到唔少時間遊覽更多景點啦。
三、拍下最真摰的旅行照
好旅伴唔一定係攝影達人,但心情好就好容易可以影到好相片!而且好朋友嘅風格相似,無論係合照定互相幫對方影相,都會容易影到喜愛嘅風格,重點係如果覺得對方影得唔好,可以要求(或者強迫)影多幾次,直到滿意為止!要影文青相話咁易啦。
四、花錢花得心滿意足
去旅行無論消費高或低都各有佢嘅樂趣,最重要係可以同旅伴一齊享受旅行嘅樂趣!如果一個想在夜市食盡地道小食,一個就堅持要到高級餐廳下午茶,咁就麻煩啦!最好大家嘅旅行預算都差唔多,咁大家就可以同共進退!
五、旅程後賺到更多感情
旅行可以讓你地有一次重新認識對方,可能發現到平時「老死」鮮為人知嘅一面。例如,你會發現佢原來平時訓覺之前係慣左唔刷牙,又或者你會知道原來佢平時一定要攬住公仔先訓到覺,種種生洽習慣同旅行回憶,亦令大家嘅感情深厚咗!
睇完次後仲唔快啲搵埋「老死」一齊去返趟青春嘅旅行啦!
>>【向世界冒險】深入冰島熔岩洞
>>【 芭達雅】人氣深潛體驗
>>【韓劇拍攝地】到訪小王子村
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
FacebookInstagramYouTube旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→