【期間限定】10月遊釜山,一定唔可以錯過嘅兩大慶典! 文字

唔知大家有無睇電影《屍殺列車》呢?《屍殺列車》上畫無耐就成為香港最高票房嘅韓國電影,可想然之有幾受歡迎。小編表示睇完之後應該撘親KTX都會諗起喪屍 XD 不過就快係紅葉季,就算有喪屍都好想去釜山一趟呢~如果你都計劃緊十月去釜山嘅話,咁你就絕對唔可以錯過十月釜山嘅兩大慶典喇!
1.釜山國際煙火節
圖片來源
每逢十月,釜山就會開始熱鬧起黎,世界各地嘅旅客都會湧到釜山,為嘅就係一年一度釜山盛事 - 國際煙花節!釜山國際煙火節嘅起源係為左慶祝2005年APEC高峰會議,於是就喺附近嘅廣安里放煙花,結果大受好評,所以就決定每年10月尾都會舉辦煙花表演喇~去到今年已經係第11年喇!成個表演歷時一個鐘,表演總共分為多媒體煙花表演、華麗音樂雷射燈光表演、海上表演等等多個部份,一定會令你目不暇給。
圖片來源
煙花會喺廣安里海水浴場附近施放,璀璨嘅煙花喺釜山夜景嘅襯托下,特別奪目吸引!當地韓國人甚至會帶埋炸雞同啤酒,一路睇煙花一路食~試下幻想下一啖凍冰冰嘅啤酒,一啖熱辣辣嘅炸雞,再加上璀璨嘅煙花,個feel真係超級正啊!!如果錯過左就要等一年先可以再有架喇~
小貼士:雖然大多數嘅遊客都會選擇喺廣安里嘅海灘上面欣賞煙花,不過小編更加推薦你去附近嘅荒領山、二技台公園,唔洗同人迫之外,視野仲更加廣闊添!唔知道荒領山、二技台公園點去?咁你就要睇番KKday之前為大家整理嘅「初遊韓國必去景點(釜山篇)」喇~

>> 活動日期:2016年10月22日
>> 地址:釜山廣域市水營區廣安海邊路219 (廣安洞)
>> 活動地點:廣安里海水浴場及廣安大橋一帶
>> 交通:搭乘40、41、42、139、1001、1003號市區巴士,到達廣安里後下車。或者可以撘地鐵到金蓮站(3或5號出口)或廣安站(3或5號出口)。
2.釜山電影節
圖片來源
釜山國際電影節由1996年起開始舉辦,宜家已經發展成為韓國規模最大嘅國際電影節,亦都係世界矚目嘅電影盛會之一~每年釜山電影節都會邀請到重量級嘅韓國明星,好似今年就有因為電視劇《W》而人氣急升嘅女主角韓孝周做司儀~如果十月計劃要去釜山嘅朋友,不妨試下黎電影節舉辦嘅場地碰下運氣,話唔定可以遇到你嘅男神、女神!而且影展期間都會播放各國嘅精彩電影,鐘意電影嘅你一定唔可以錯過!
圖片來源
唔講唔知,就連舉辦釜山國際電影節嘅地方,都係釜山嘅知名建築。場館有世界最大規模嘅屋頂建築設計,每當夜晚燈光著起,再同附近江邊、公園嘅夜景交織埋一齊,就好似夢裡面嘅場景一樣咁靚~~

>> 活動時間:2016.10.06 ~ 2016.10.15
>> 地址: 釜山廣域市海雲臺區佑洞
>> 交通:撘釜山地鐵2號線,到Centum City站,再轉5-1、36、39、40、63、115、139、141、155、181、307、1001、1002號巴士,喺新世界百貨公司前落車後,行5分鐘。

如果十月份去釜山嘅話,就千祈唔好錯過依兩大盛典喇!

>>>【釜山出發】韓國楓葉必賞之地—內藏山一日遊
>>>【自由行必備】釜山觀光巴士 一次過走遍必去景點!
>>>【KKday獨家優惠】釜山一日遊都OK! 韓國鐵道周遊券Korail

▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的 喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com
KKday Facebook: KKday

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→