【格蘭坪國家公園|大洋路】墨爾本近郊必去景點 文字


厭倦咗城市嘅摩登景色?今次KKday就帶你走訪最靚嘅墨爾本大自然風景,一次過整理哂格蘭坪國家公園、大洋路嘅必去景點同埋路線安排!無論係去格蘭坪國家公園行山,抑或係開車遊墨爾本大洋路,都可以令你遠離塵囂,享受最寧靜嘅治癒時光!
1. 格蘭坪國家公園

位於墨爾本西北方嘅格蘭坪國家公園 Grampians National Park,一直係登山、自然美景、攀岩、露營愛好者嘅首選!擁有各種奇岩怪石、壯麗瀑布、野生動物等生態嘅格蘭坪國家公園就如同一個野外嘅地理教室,令你唔單止可以貼近自然,仲可以了解當地原住民嘅生活文化,對於深入遊玩墨爾本係個唔錯嘅選擇!
#Halls Gap
圖片來源|FotoliaHalls Gap 係位於格蘭坪國家公園山腳下嘅一座小鎮,整個小鎮都被群山所環繞,如果想深入欣賞格蘭坪國家公園,咁Halls Gap會係一個唔錯嘅停留點,你亦可以喺呢座小鎮上搵住宿或者餐廳。
圖片來源|FotoliaHalls Gap 都有好多營地,所以有唔少嘅墨爾本家庭會選擇喺週末時前往露營、放鬆,或是燒烤(澳洲人平日嘅休閒活動就係燒烤啊~~)仲有好多野生袋鼠等住你嘅造訪!加上Halls Gap唔似其他大城市會受到光害,所以一到夜晚就可以見到天空佈滿繁星,令人瞬間得到治癒。
#Brambuk – The National Park & Cultural Centre、The Pinnacle

圖片來源通常大家到達格蘭坪嘅第一站都會係Brambuk – The National Park & Cultural Centre,主題係原住民文化,仲會附送迴旋鏢彩繪體驗,呢度嘅建築低調得嚟亦能和諧咁融入週遭環境,帶有一種沉穩美。
圖片來源|Fotolia參觀完原住民文化中心後就會繼續行到The Pinnacle,The Pinnacle 都係格蘭坪嘅經典行程之一,相比其他澳洲嘅行山行程輕鬆得多,即使你係行山嘅初學者都十分適合!呢度嘅行程主要係邊輕鬆散步邊欣賞沿途嘅奇岩怪石,但要注意路線大多都係石頭路,會唔太平坦,所以小編建議一定要著對適合行山嘅鞋去啊!
#Balconies lookout / Reeds Lookout
圖片來源|FotoliaReeds Lookout本身就有一個觀景台,十分遼闊,可以睇到格蘭坪國家公園嘅180度景觀,而The Balconies係一個突出嘅奇岩,以Blaconies命名都係因為佢突出嘅部分好似露台,亦都係格蘭坪嘅著名景點之一,喺呢度可以睇到一覽無遺嘅平原,荒涼嘅背景真係令人有置身於美劇嘅感覺!
▶︎ 小編提醒:The Balconies以前會有好多人都企上去影相,不過近幾年因為安全性嘅問題而被加上圍欄,變成只能而離遠欣賞~不過其實格蘭坪仲有好多奇岩怪石,只要你識得拍照嘅技巧,仍然可以影到好壯麗嘅畫面㗎!
#MacKenzie Falls
圖片來源|Fotolia講到格蘭坪國家公園,大家絕對唔可以錯過呢個瀑布!MacKenzie Falls係維多利亞州最大嘅瀑布,有好多人都會沿著步道行到The Bluff Lookout、Broken Falls Lookout,由下而上觀看瀑布垂直流瀉而下嘅壯觀景緻。
▶︎ 小編遊玩技巧:MacKenzie Falls walk位於對岸嘅步道,總長7公里,可以行到base of MacKenzie Falls,但路途崎嶇難行,如果體力好嘅人可以一試。如果係一般遊客小編就建議選從停車場往下行,行到Broken Falls Lookout或者The Bluff Lookout就可以影到唔錯嘅景色喇~
▶︎ 小編提醒:如果遇上下雨天,石頭會比較滑,一定要加倍小心行啊!

#Boroka Lookout
圖片來源|Fotolia跟住小編要介紹嘅就係格蘭坪最熱門嘅觀景台Boroka Lookout,好多去過Boroka Lookout嘅人都話,睇過呢種景色真係會頓時覺得人生太美好!一覽無遺嘅草原,壯闊無垠,真係會令人忘卻煩惱,流連忘返!除咗可以眺望格蘭坪國家公園之外,仲可以睇到被群山環繞嘅人工湖—Lake Bellfield。

#Lake Bellfield
圖片來源|FotoliaLake Bellfield 係一座人工湖,可以划獨木舟、釣魚同野餐等。而有好多人話呢座湖最靚嘅時候,係當有啲霧繚繞喺湖畔旁邊,呈現出一種神秘朦朧感嘅時刻。而且呢座湖泊靠近Halls Gap,所以如果經過嘅話千祈唔好錯過啦!

2. 大洋路
位於墨爾本嘅大洋路都被好多知名網站票選為「此生必遊景點之一」,陡峭岩石飽經千萬年嘅風蝕同埋海蝕,而造就出自然壯麗嘅十二門徒石。蔚藍海洋,配上鬼斧神工般嘅石灰岩峭壁,形成最美嘅海岸線,係一條好適合自駕遊嘅公路~(上面小編已經將重要地點標出喇!)

▶︎ 路線安排:Torquay & Bells Beach → The Twelve Apostles → Loch Ard Gorge – London Bridge → Bay of Islands Coastal Park
▶︎小編遊玩技巧:大洋路冇公共交通工具可以抵達,如擔心對地形唔熟、唔想自駕嘅話,小編建議大家可以先預約一日遊嘅行程啊~
▶︎ 小編提醒:大洋路真係好遠!如果係自駕,而唔跟團一日遊嘅話,小編強烈建議安排兩日遊,先唔會為咗趕每個景點,而錯過咗美景,本末倒置啊!
#Torquay & Bells Beach
圖片來源|Leo托爾坎(Troquay)為大洋路嘅起點,而講到托爾坎嘅貝爾斯海灘,相信各方嘅滑浪愛好者都唔會陌生吧?因得天獨厚嘅地理環境,造就貝爾斯海灘優美嘅景色。呢度有適合高級滑浪好手嘅右旋浪;亦有適合一家大小玩嘅托爾坎前海灘(Torquay Front Beach);如果你單純想游水嘅話,呢度都有托爾坎後海灘(Torquay Back)。乾淨嘅水質配上綠意盎然嘅景色,令人能夠徹底放鬆!
當然貝爾斯海灘唔係淨係得滑浪、游泳;你仲可以玩航行、潛水、釣魚同滑浪風帆等活動。因此就連澳洲人都非常喜歡喺假日嚟呢度消遣、放鬆!
#The Twelve Apostles十二門徒石
圖片來源|Fotolia十二門徒石係大洋路經典景點中嘅經典,大多數遊客都為咗呢度美麗嘅景緻而嚟!每一座氣勢滂礡嘅石灰石柱,都印有飽經風霜嘅歷史雕刻(因為南冰洋風暴同埋多年侵蝕而變得鬆軟嘅石灰岩,形成咗好多洞穴)。陡峭嘅岩壁刻畫,加上蔚藍嘅廣闊海洋,都可以令你感受到大自然嘅宏偉之姿,令人有置身於天涯盡頭嘅感覺!
雖然命名為十二門徒石,但因為風浪每年都以兩厘米嘅速度侵蝕,所以目前只僅餘七座石柱,而且近年有部分石柱被消蝕得頗為嚴重,不過喺呢個侵蝕過程中,亦會形成出新嘅石柱,所以話唔定下次去會有更多石柱呢!
▶︎小編遊玩技巧:十二門徒石喺日出同日落嗰陣係最靚,如果遇上天氣好,影出嚟嘅相真係會好似電影場景咁。但墨爾本嘅冬天非常陰晴不定,所以建議大家可以喺澳洲春、夏天嗰陣前往。不過小編個人認為喺陰天時影嘅相,又會有另外一種肅靜、滄桑嘅美感。
▶︎ 小編提醒:可以喺觀景台影相,如果想行吉布森台階(Gibson Steps)到下面,建議要着防滑嘅鞋,因為地下都幾跣㗎!
#Loch Ard Gorge
圖片來源Loch Ard Gorge嘅命名由來係為咗紀念船難,而呢度亦係大洋路必遊景點之一,都係一般大洋路一日遊嘅終點站。Loch Ard Gorge係一座開口雖然好細但好大浪嘅海灘,沙灘附近嘅洞穴可以睇到鐘乳石睇。天氣好嘅話可以喺度影到湛藍色嘅海水搭配上蔚藍天空同埋陡峭巨石嘅靚相!
▶︎小編提醒:Loch Ard Gorge雖然水面睇起嚟好平靜,但水面下卻充滿住暗流同埋漩渦,加上海底礁石好多,所以唔建議落去游水,多數人都只會喺沙灘旁邊嘅水域戲水。

#London Arch (Bridge) & Bay of Islands Coastal Park
圖片來源|Fotolia倫敦拱橋(London Bridge)其實一開始係連埋一齊,不過因為多年嚟飽經風浪所侵蝕,喺1990年崩塌後就變成依家咁樣,喺倫敦拱橋不遠處都有個天然拱橋”The Arch”,一樣係被海浪長年拍打而形成嘅自然景觀。London Arch同The Arch嘅觀景台都貼心設計成唔同嘅高度,令人可以從唔同嘅角度拍攝美景。
圖片來源|Leo經過London Bridge之後會到達 Bay of Islands Coastal Park,一座地帶狹長嘅海岸公園,為鳥類重要棲息地之一,如果有比較多嘅時間,小編都會建議可以停落嚟喺海邊漫步,吹著海風慢慢欣賞美景。London Bridge同Bay of Islands Coastal Park兩個地方都係屬於大洋路嘅後半段,所以未必每個人都會行到,可以依照自己時間而決定安唔安排呢兩嗰景點入行程。
#Tower Hill Wildlife Reserve
圖片來源|Leo
Tower Hill Wildlife Reserve係一個野生保護地,都係一個好好嘅野餐地點。小編自己好鍾意去澳洲嘅野生動物園,因為園方都會善待動物,盡最大嘅努力俾動物保留自己原來嘅習性,而且仲可以同動物近距離接觸,但請遵照工作人員嘅指示,唔好驚嚇到動物呀~
3. 行程推薦
圖片來源|Shutterstock無論係格蘭坪國家公園抑或大洋路,小編都唔推薦一日遊,因為真係會好趕,反而會變成走馬看花嘅行程。會建議參加格蘭坪多日遊,或者大洋路多日遊,當然都有格蘭坪+大洋路套裝行程,可以令你多出更多時間觀賞美景!

如果想自駕嘅話,建議做下功課先,要熟習當地地形及環境,同埋記得去辦理國際駕駛執照,辦理時記得帶齊已填妥表格、駕駛執照、身份證、近照兩張、地址證明同埋八十元手續費到運輸署牌照事務處就得啦!
格蘭坪、大洋路這樣玩最順:
▶︎ 輕鬆玩大洋路,景點、交通一次搞定!
▶︎ 格蘭坪、大洋路,三日遊景點如何排?
▶︎ 澳洲租車超划算,連保險也一次幫你搞定!
原文:【澳洲】墨爾本格蘭坪國家公園、大洋路必去景點總整理、路線安排!
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
FacebookInstagramYouTube旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→