【棒球迷必去朝聖地】東京巨蛋周邊攻略 文字


去東京巨蛋睇棒球比賽或者演唱會嘅時候,活動多數都係黃昏或者夜晚先正式開始,好多人都可能會煩惱當日行程點安排,其實東京巨蛋周圍有好多好去處,所以大家完全唔洗擔心棒球比賽開始之前嘅時間要點慢慢消磨,因為你睇完呢篇介紹之後我諗你只會驚到時唔夠時間你行!
1.東京巨蛋
東京巨蛋位於東京市中心,搭地鐵去「水道橋」、「後樂園」或者「春日站」都可以行到去巨蛋。
【交通方式】
1.JR中央線・總武線各站停車《水道橋站》
2.都營三田線《水道橋站》
3.東京地下鐵丸之內線・南北線《後樂園站》
4.都營大江戸線《春日站》
2.東京巨蛋城(Tokyo Dome City)&LaQua
喺東京巨蛋隔離嘅LaQua商城結合咗購物中心、Spa溫泉設施同遊樂園於一身,入面有好多大家都識嘅牌子例如Uniqlo或者無印良品咁,連日本嘅高級超市「成城石井」或者藥妝店松本清喺度都有分店,小心一個唔覺意就行到開場時間~如果行街行到攰,呢度除咗迴轉壽司、拉麵同定食之外,仲有大人氣嘅姆明咖啡店同非常受遊客歡迎嘅「燒肉敘敘苑」!喺呢度只要掌握好時間嘅話,應該都唔太需要排隊~
圖片來源LaQua水療館嘅營業時間由每天朝早11點到隔日嘅朝早9點,無論係要趁演唱會前先放鬆身心定要療癒睇完棒球比賽嘅自己都非常之合適~
3.東京巨蛋城遊樂設施
東京巨蛋城最著名嘅地標就係喺巨蛋隔離嘅大型摩天輪「Big O」,同埋會穿過購物中心建築本體嘅刺激過山車。喺呢度可以一邊欣賞都市嘅景色,一邊享受新奇有趣嘅玩樂設施,超適合一家人或者情侶一齊嚟玩,大家可以根據需要揀買遊樂設施嘅單次票卷或者係買一日通行票盡情玩!
另外由2017年8月開始東京巨蛋城摩天輪同日本著名嘅KTV系統Joysound合作,推出全世界第一個「唱K摩天輪」,喺15分鐘嘅乘搭時間內大家可以盡情咁唱特別選定嘅50首歌,勁過癮!
【東京巨蛋城遊樂園】
▶︎營業時間:
10:00~21:00
▶︎
免費入園,但玩遊樂設施就需要購票。
▶︎【一日通行證】:只限當日有效,可以不限次數咁搭所有遊樂設施。
大人3,900日圓,中學生/年長者(60歲以上)3,400日圓,小學生2,100日幣,幼兒(3歳以上)1,300日幣
▶︎【夜間通行證】:下晝5點開始售票,只限當日有效,可以不限次數咁搭所有遊樂設施。另外根據唔同日子開始賣飛嘅時間都可能唔同。
大人2,900日圓,國高中生、年長者(60歲以上)2,400日圓
▶︎東京巨蛋城遊樂園
【KTV摩天輪】
▶︎營業時間:10:00〜21:00 ※會依季節同活動而改變
▶︎摩天輪費用:820日圓
▶︎搭乘時間:15分/最多可搭:4名/年齡限制:7歲以下需大人陪同
4.野球殿堂博物館(日本棒球名人堂)
小編可以講呢個係一個就算冇睇開棒球嘅人,都可以充分咁享受嘅一個博物館!館入面簡單咁介紹咗棒球嘅起源以及日本國內外知名棒球員嘅輝煌歷史,仲有介紹球員、球隊歷史同球衣變革等等,對於棒球迷嚟講絕對係一個可以更加了解棒球嘅絕佳機會~
▶︎營業時間:(3月~9月)10:00~18:00/(10月~2月)10:00~17:00
▶︎逢星期一休館,但如果撞正係公眾假期、喺東京巨蛋有棒球比賽嘅日子、同春假/暑假嘅話會照開館㗎!
▶︎門票:大人600日圓,高中、大學生/年長者(65歲以上)400日圓,小、初中生200日圓
▶︎野球殿堂博物館
5.東京巨蛋睇棒球、演唱會
東京巨蛋係日本職棒「讀賣巨人」嘅主場,喺東京巨蛋就有三間讀賣巨人嘅周邊商品店,例如知名運動品牌UNDER ARMOUR就推出同巨人隊聯名嘅限定商品,非常之有設計感同質感,就算係唔係球迷去到都可能想買返件!
另外,呢度嘅周邊商品店其實都可以買到讀賣巨人以外嘅棒球隊周邊應援物,例如係印有球員名或者號碼嘅加油棒、棒球衫、帽同毛巾等等,全部都係大人氣商品!
東京巨蛋係一個就算落雨天大家都可以開心觀戰嘅球場,所以無論室內同室外喺舉辦棒球賽嘅時候會有超多相關活動。通常比賽係由18:00開始(16:00可以入場),星期日14:00開始嘅比賽就12:00可以入場。巨蛋入面除咗提供咗非常多嘅飲食選擇之外,仲有賣球員推薦菜色嘅特製便當~
除咗便當,仲會唔少特色食物,例如呢個巨人帽頭盔炒麵,造型勁有趣!
就連啤酒小姐都非常特別,你會見到佢好似小蜜蜂咁揹住生啤酒桶全場跑嚟跑去~
入場嘅觀眾喺現場一齊為自己鐘意嘅棒球隊加油氣氛真係超級好,係旅遊入面除咗食玩買之外一種非常值得嘅體驗!
睇完東京巨蛋+周邊介紹,係咪好想親自飛去巨蛋嚟一次日職賽一日遊?唔好諗啦,快啲Plan啦!
去東京玩?你會需要:
▶︎上網打卡必備,香港 24 小時取機/4G 高速日本 WiFi 蛋
▶︎
東京地鐵無限坐 24 / 48 / 72 小時自由選擇
Plan東京行程嘅時候不妨睇埋:
▶︎【走進宮崎駿世界】三鷹の森吉卜力美術館全攻略
▶︎【日本東京台場】大江戶溫泉物語懶人包介紹
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!”
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→