【歐洲交通篇】三個安排交通實用網站 文字


又到暑假同SEM BREAK,相信大家都會想去旅行輕鬆下。大家可能都有諗過去歐洲,但係又驚歐洲洗費會好貴。尤其係想去幾個國家嘅時候,又要搭火車同飛機,分分鐘交通費都佔咗大家一半嘅旅費。今次小編就同大家分享下歐洲跨國交通嘅攻略,幫大家旅行時慳番筆!

仲買EURAIL PASS? 
正常邏輯下,我哋都會認為機票係貴過火車票。但喺歐洲依度,呢個講法係唔成立架!歐洲火車係可以貴過其他交通工具。有好多人因為唔想煩就直接買Eurail Pass,貪佢可以無限次使用,啱哂長途旅行嘅Backpackers。但Eurail Pass比較多限制,又限時間、又一定要鄰近國家先用得,結果都未必可以用得所值。
圖片來源所以小編會推薦大家用以下唔同嘅網同Apps,將自己嘅交通費降到最低。
例如:
1) 搭巴士由威尼斯到羅馬只係要15-25歐元(EUR €),平過搭飛機。
2) 搭飛機嘅話由倫敦去柏林只需9.99 英鎊(GBP £) ,你又信唔信呢?

歐洲廉航 – Ryanair
如果有細心留意開Skyscanner嘅話,一定會留意到Ryanair呢間航空公司。基本上Ryanair有開放嘅航點都會係最平,大部份價錢都係 £4.99 –£9.99。
佢同Skyscanner 一樣,如果大家用價錢嚟Plan行程嘅話,你可以揀Anywhere,然後佢就會列出唔同航點嘅價錢同日子。
圖片來源如果你覺得咁樣睇有太多航點,又唔知個航點實際喺邊個位置嘅話……得!無問題,你仲可以用另一個方法搜尋。
Ryanair 提供咗3款嘅瀏覽頁面比大家,各有好處,唔洗擔心!呢個係小編稱之為Google Map嘅版面,可以一次過顯示哂有邊啲航點同佢地嘅位置,Click落去仲可以即刻睇到價錢同埋幾時有航班。會唔會太方便?
圖片來源咁當然啦,佢平到咁一定有限制啦。Ryan Air如果要寄艙嘅話,就要係買機票嘅時候選擇買15KG或20KG嘅附加費,所以最好計埋費用之後再同其他廉航比較下。而手提行李最多係1件,而且唔可以超過10KG。Ryanair嘅櫃台通常都設有行李架比各位度下個Size。至於捉得緊唔緊就見仁見智啦,小編就建議你都係跟足佢嘅規矩,唔係臨上機先俾人捉到就唔好啦。歐洲機場就成日都會見到遊客係咁執行李或者抽走唔要嘅嘢。小編冬天歐遊嗰時仲見過有外國人將個背囊五花大綁,扎到勁細,甚至將D大褸同衫褲全部著哂上身黎減少手提行李大細添!
圖片來源
Busradar – 查詢歐洲長/短途巴士
好喇,講完Airlines就到巴士啦!Busradar入面列哂所有歐洲長短途嘅巴士路線同價錢。歐洲旅遊巴士嘅價錢唔同火車同飛機咁會隨日子浮動,無論係咩時間同班次,基本上每日嘅價錢都一樣。而且巴士公司通常都係個幾間,Eurolines、FlixBus、Megabus同埋Buscenter.it。Eurolines同FlixBus嘅網絡比較大而且出名;Megabus喺英國就比較常見;而Buscentre就集中喺意大利路線。每間公司提供嘅服務都係一樣,無話邊個特別好。
圖片來源歐洲旅遊巴士通常都係雙層,會提供廁所、Wi-Fi同電制等設施。
圖片來源Busradar仲會顯示埋旅遊巴士嘅班次、停車地點同時間。
圖片來源佢亦有自己嘅App,而且非常方便,仲易睇過喺網上搜尋。
買完車票之後就會收到Email通知,入面嘅QR code到時比車長Scan完就可以上車。
圖片來源
Rome2rio – 查詢全世界嘅海陸空交通
呢個網同Busradar差唔多,都係可以用嚟搵巴士嘅,但唔同嘅就係Rome2rio比起Busradar強大好多,因為佢可以睇哂海陸空所有嘅交通。
圖片來源Rome2rio仲可以彌補喺Busradar搵唔到嘅旅遊巴士路線。因為大部份歐洲旅遊巴士公司設立嘅路線都係比較多人去嘅地方。而比較偏遠或者交通不便嘅地方,例如由雅典到希臘中部德爾菲(Delphi)就只有希臘國內嘅巴士公司營運。班次唔多,少人去,但喺呢個網都可以搵得到!
圖片來源
以上所介紹嘅3個網中,小編覺得最有用嘅就係Busradar同Rome2rio。因為當你要去鄰近國家或者城市嗰時,知道有巴士可以搭就梗係揀巴士啦,平啲呀嘛。小編之前用窮遊方式歐遊咗成個月,交通上面嘅安排都係靠呢兩個網搞掂,唔洗靠旅遊書添呀!

相關文章:
>>> 2016巴黎交通攻略|睇完之後去法國洗乜識法文?
>>> 玩轉馬德里、巴塞、華倫西亞三大城市交通懶人包
 
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→