【泰國|曼谷】親子遊必去景點 文字


想搵一個適合一家大細親子遊嘅地方去旅行?小編就推薦去曼谷喇,因為泰國近近哋洗費又平,銀包無咁肉痛嘛~而且曼谷有好多大人細路都啱玩嘅景點同活動,小編今次就整理咗其中7個話你知!

Safari World
小朋友至愛小動物架喇~嚟到泰國最大嘅野生動物園Safari World,小朋友可以近距離接觸平時喺香港見唔到嘅動物,例如餵長頸鹿、抱抱老虎BB、同猩猩合照等,活動多不勝數,唔怪得之咁多年嚟都咁受遊客歡迎啦。特別推薦可以去睇一日只得一場嘅007表演,表演緊張同刺激嘅程度一定會令你拍案叫絕!提提大家,好多時網絡上都會有Safari World嘅門票優惠,所以唔好等去到門口先買入場券,如果唔係就蝕咗架喇~
Safari World官網
►地址:99 Panyaintra Road,Samwatawantok, Klongsamwa Bangkok 10510
►開放時間:
平日— 09:00 – 17:00 (最後入園時間16:30)
假日— 10:00 – 18:00 (最後入園時間17:00)
【泰國最大野生動物園】親子遊必去 Safari World
暹羅天使劇場
小朋友同大人玩咗全日體力都應該消耗得七七八八,所以夜晚最啱就係一啲靜態嘅活動,等大家都可以抖下。所以小編就推薦可以去睇場show~人妖show比較兒童不宜,但暹羅天使劇場就啱哂合家歡喇~暹羅天使劇場係泰國最大嘅劇場,演員超過一百位,為觀眾打造一個聲色俱備嘅舞台劇。演員嘅服飾同舞台設計都十分華麗,舞台上甚至出動真嘅大象做表演,認真厲害!
表演現場會有中英文字幕,唔洗擔心聽唔明~完咗2小時嘅表演之後,你仲可以去泰國文化中心地鐵站附近嘅Robinson同拉差達火車夜市繼續血拼!
►表演時間:20:00
►地址:Ratchada Niramit Co., Ltd., 19 Tiamruammit Road, HuayKwang, Bangkok
►官方價格:1500泰銖
► 【暹羅天使劇場+野生動物園門票】獨家五折優惠套票
Dinosaur Planet 恐龍星球
2016新開幕嘅恐龍樂園,簡直就係侏羅紀公園嘅現實版啊~小朋友,尤其係男仔應該都曾經有迷上過恐龍玩具啦,嚟到Dinosaur Planet,恐龍玩具全部都係1:1大小,好似真係喺侏羅紀公園入面咁~樂園裡面總共有8個主題區,可以認識唔同嘅恐龍同參與地下探險、坐摩天輪等活動。而小編覺得最特別嘅就係有得坐住迷你恐龍喺戶外行嚟行去,諗起個畫面都覺得搞笑!樂園裡連食物都係同恐龍有關,例如有「恐龍漢堡包」、「恐龍鬆餅」等,大人細路都一定會鐘意!
Dinosaur Planet 恐龍星球官方網站
►地址:544/1 Sukhumvit Rd Khwaeng Khlong Tan, Khet Khlong Toei Krung Thep Maha Nakhon 10110 Thailand Bangkok
►官方門票:成人600泰銖/兒童400泰銖
► 【獨家7折最低價】曼谷最新恐龍樂園門票
KidZania 職業體驗樂園
香港都有職業體驗樂園,不過就好貴,一個小朋友都要成300幾蚊,不如去泰國KidZania好過啦~價錢平一半有多,一樣咁好玩!KidZania位於Siam Paragon商場嘅頂層,小朋友可以喺呢個小小城市扮演各行各業,體驗唔同工作嘅幾趣~例如小朋友可以揸住迷你救護車送傷者去迷你醫院,又可以扮消防員一嘗做救火英雄!話唔定小朋友可以喺度搵到自己嘅終身職業呢~
Kidzania 官網
►地址:Siam Paragon, 5th Floor, 991 Rama 1 Road, Pathumwan, Bangkok 10330, Thailand
►開放時間:
星期一至五— 10:00 – 17:00
星期六日及假日— 10:30 – 20:30
【KidZania-超值優惠門票!】親子同遊必去職業體驗樂園
暹羅海洋世界 Siam Ocean World
暹羅海洋世界係東南亞最大嘅水族館,水族館裡面有各式各樣嘅海洋生物,仲可以欣賞5D電影、精彩嘅鯊魚餵食Show同參觀水族館嘅後台,近距離接觸尚未開放公開參觀嘅小鯊魚!鍾意海洋生物嘅大小朋友都唔可以錯過!
暹羅海洋世界官網
►地址:B1-B2 fl SiamParagon,991 Rama 1 Rd Pathumwan Bangkok 10300
►營業時間:10:00 – 21:00(最晚20:00入場)
【暹羅海洋世界-最優惠保證!】親子暢遊東南亞最大水族館
暹羅水世界樂園
嚟到泰國又點小得去玩水上樂園呢~暹羅水世界樂園係目前泰國最大嘅遊樂園,總共有五大園區,集刺激同歡樂嘅遊樂設施於一身,無論係大人定小朋友都啱玩!當中最出名嘅莫過於高達7層樓嘅快速彩虹滑水梯,從高處直衝落水池,絕對係刺激滿分!樂園裡除咗水上活動之外,仲有好多唔同嘅機動遊戲,好似過山車、高速摩天輪等。如果要玩哂全部,包保你一日都玩唔完!
►地址:203 Suan Siam Rd,Kannayao,Bangkok 10230
►官方價格:成人30美金/ 兒童25美金
【暹羅水世界樂園-最優惠保證!】一天玩不夠的泰國最大樂園
Maliwan Cooking School泰式烹飪
如果小朋友比較大個嘅話,可以試下參加一日烹飪班,喺泰國大廚嘅領導下,親子合力炮製出豐富美味嘅泰式大餐,一齊享受入廚嘅樂趣!
Maliwan Cooking School泰式烹飪學校官網
►上課地點:Sipsamhang Road, Taladyod Phranakorn , Bangkok (near Khaosan Road)
【Maliwan泰式烹飪】遊傳統市場煮出泰式美味
泰國真係一個親子遊嘅好地方~包保大人細路都唔會悶親,仲可以一齊享天倫之樂,增進親子感情!唔好諗喇,快啲計劃下一次去泰國嘅親子遊啦!

原文:曼谷親子必去景點

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→