【澎湖煙花巡禮】除咗睇煙花,去到澎湖又點可以錯過以下10個絕美沙灘! 文字

唔知大家係咪同小編一樣,已經開始期待緊夏天呢?如果每逢夏天您都一定要去海邊嘅,咁就絕對唔可以錯過澎湖喇!如果您係打算欣賞浪漫又靚嘅煙花,都絕對唔好錯過澎湖各島嘅美麗海灘。澎湖沙灘有咁多,到底點樣揀好,而家就等KKday一次過話您聽!

1.澎湖本島-南環山水沙灘
圖片來源:王建富

山水沙灘係澎湖最熱門嘅海灘之一,綿延兩百幾公尺嘅白色沙灘。由於山水沙灘嘅風浪比較大,經常可以睇到好多人去衝浪。不過大家都可以選擇靜靜咁坐係海堤旁嘅躺椅上聽聽海風都已經好浪漫;唯一要留意就係呢度冇救生員,玩水嘅時候要注意自身安全~

2.澎湖本島-南環奎壁山奇景
圖片來源:lohasteru

係台灣都可以睇到摩西分海嘅奇景?一開始眼前仲係大海。過左一陣都未夠十分鐘嘅時間,海水就開始分隔。一條S字型嘅海底步道慢慢浮現係大家嘅眼前⋯情景就好似摩西出埃及個陣所劈開嘅紅海神蹟咁,好神奇架!而呢個「神蹟」每日只有兩次,要嚟朝聖之前記得要查好潮汐表,咁就可以同旅伴一齊見證呢個大自然嘅奇景!

>>立即前往奎壁山

3.澎湖東海外島-澎澎灘
圖片來源:阿沛

澎澎灘除了咗呢個可愛嘅名之外,仲有一個好man嘅花名——「活龍灘」,呢邊嘅海灘係因為洋流帶來嘅貝殼砂係呢度沈澱而形成嘅新生島嶼,所以退潮嘅時候,大家可以睇到成片沙洲同島嶼相連成一個美麗嘅弧形沙洲;而漲潮嘅時候又會變成一個獨立嘅島嶼。轉個身就已經可以睇哂成個島,呢個小巧可愛嘅無人島,絕對係玩水上活動嘅好地點。

>>立即前往澎澎灣
4.澎湖南海望安島-網垵口沙灘 
圖片來源:chunchi

網垵口沙灘係望安人傳統嘅漁場,亦係望安人撒網捕魚嘅海灘,所以就有網垵呢個名。呢度仲有「調酒海灘」、「夢幻沙灘」嘅稱號,淨係聽都已經覺得一定要嚟朝聖一下!幻想一下,已經感受到佢嘅過魅力。
5.澎湖北海-險礁比基尼島
圖片來源:fat joe’s

「比基尼島」澎湖嘅無人險礁島,真係好似比基尼咁細!島嘅東邊係浮潛區,清澈漸層嘅海水視野超級好,島嘅西邊有唔同種類嘅水上活動,大家可以無限暢玩,夜晚仲有精彩、特別嘅夜釣小管,即捉即食嘅小管米粉,鮮甜嘅美味絕對會令您回味無窮~另外,島上更可以放祈福天燈,令您嘅旅程充滿浪漫同幸福。

>>立即前往比基尼島
6.澎湖南海七美島-月鯉灣沙灘
圖片來源:lohasteru

七美除咗有好出名嘅雙心石滬外,仲有一個熱門嘅夢幻沙灘——就係「月鯉灣沙灘」。沙灘主要係由好多珊瑚碎屑組成,白色嘅珊瑚礁沙灘同黑色嘅玄武岩正好形成強烈嘅對比,獨特嘅海岸景觀仲係戲水、浮潛嘅好地點。不過唔似其他細緻柔軟嘅沙灘,呢度嘅珊瑚沙灘一唔小心踩到係會超級痛!

夜晚嘅七美冇咩光污染,坐係沙灘上吹海風、聽下海浪聲睇下滿天星星,遠離塵囂、寧靜咁感受大自然嘅一切,絕對會令您留低難忘嘅回憶。

>>立即前往月鯉灣沙灘
7.澎湖北海吉貝島-吉貝沙尾
圖片來源:澎湖國家風管處

係吉貝嶼最南方,有座因潮汐推擠貝殼砂同珊瑚碎屑而堆積出嘅綿延沙灘,人稱「沙尾」。陽光灑落時成個沙灘都會出現耀眼嘅金光,靚到令您難以呼吸!從高空俯瞰吉貝沙尾綿延係藍綠色嘅海面上,簡直靚到好似置身係世外桃源咁!

>>立即前往吉貝島


8.澎湖本島南環-隘門沙灘
對於時間有限嘅旅人嚟講,隘門沙灘絕對係最好嘅選擇!隘門沙灘係離澎湖馬公機場最近嘅海灘,訓係隘門沙灘上彩虹色嘅PENGHU英文字母,絕對是拍照打卡嘅好選擇。

9.澎湖本島南環-青灣情人海灘
圖片來源:Alberthsieh

呢個沙灘由珊瑚、貝殼、仲有好多七彩嘅玻璃碎片所組成,呢啲玻璃碎片受到海浪嘅長期衝刷,將玻璃嘅尖銳磨平咗後,變成咗一粒粒七彩特殊嘅玻璃石,如果陽光直射係沙灘上,就會有五光十色耀眼光線,景色好迷人架。傳說情侶係呢度一齊尋找彩色寶石就可以祈求永結同心,所以都有人叫呢個沙灘做「情人玻璃海」。

10.澎湖本島南環-蒔裡海灘
圖片來源:Alberthsieh

對於老澎湖人嚟講,嵵裡沙灘係二十幾年前曾經風光一時,當時更係澎湖最出名嘅海水浴場;雖然而家少左熱鬧吵雜聲,但沙灘就多咗一份寧靜美。湛藍海水同細白沙子,配以造型獨特嘅貝殼灣遊憩中心,更係蒔裡嘅一大地標。

睇咗咁多唔同而又各有特色嘅沙灘,到底澎湖邊個海灘最岩您呢?

>>>想要浮潛和海釣,當然要選月鯉灣!
>>>想登陸無人島?來比基尼島放天燈吧!
>>>摩西分海在哪看?當然是奎壁山啊~
▲認識KKday▲
KKday-世界旅遊體驗網站,在全球 53個國家,170 個城市, 有 3000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁:www.kkday.com
KKday  Facebook: KKday

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→