【澳門自由行】四日三夜行程規劃 文字


如果你有幾日假期想離開下香港但又唔想去太遠嘅話,近近哋去澳門幾日避下世都幾好㗎~唔知點Plan澳門行程好?咁你就嚟啱啦!澳門啲景點點去、邊啲先值得去、附近有咩好食,全部都幫你安排好晒!呢個暑假就嚟一個唔洗帶腦、悠閒嘅四日三夜澳門遊啦!
#澳門四日三夜行程概覽
Day 1香港/澳門→新葡京、永利等酒店群散步購物+午餐→議事亭前地+大三巴+晚餐
Day 2氹仔舊城區+早午餐→龍環葡韻→路氹金光大道 → 水舞間
Day 3黑沙海灘+燒烤午餐→路環市區+葡撻下午茶→葡國菜晚餐
Day 4新八佰伴購物+午餐→ 漁人碼頭→ 澳門/香港

#Day 1:香港/澳門→新葡京、永利酒店群購物+午餐→議事亭前地+大三巴+晚餐
【今日重點:大三巴、議事亭前地】
嚟澳門嘅第一日,就以最出名嘅華麗賭場同歷史遺產大三巴作為旅程嘅開始啦!
第一站:新葡京、永利酒店群(Grand Lisboa/Wynn Macau Hotel)
圖片來源|Fotolia臨近大橋嘅迷你拉斯維加斯,新葡京、永利、美高梅就喺隔離,成為咗市中心入面一道華麗嘅風景線。雖然呢三間豪華酒店比唔上路氹金光大道渡假村咁奢華同咁大,但酒店入面嘅豪華規格可以話係有過之而無不及!而且澳門嘅米芝蓮三星餐廳-天巢法國餐廳就喺新葡京入面,係嚟到澳門第一時間感受奢華賭城文化嘅必去景點!
▶︎地址:澳門葡京路2號(座標:22.189725, 113.544476)
▶︎交通:可以搭新葡京酒店接駁車永利酒店接駁車,有從由碼頭去酒店嘅班次
▶︎營業時間:視各店家而定
▶︎建議停留時間:4小時
第二站:議事亭前地+大三巴(Senado Square+Ruins of St. Paul’s)
圖片來源|Fotolia澳門嘅地標性建築大三巴同最繁華嘅景點議事亭前地,完美體現咗中西合璧嘅概念。嚟到呢度唔單止可以一次過遊覽晒仁慈堂、盧家大屋、郵局、議事亭前地、民政總署同大三巴等歷史文化建築,仲有好多老字號美食同特色小店,想體驗最地道嘅澳門風情?嚟呢度行下就啱啦!
▶︎地址:澳門新馬路(座標:22.193534, 113.539717)/澳門大三巴街(座標:22.197652, 113.540886)
▶︎交通:搭3、33號巴士到新馬路巴士站落車(大三巴可以喺落車後徒步抵達),或者由酒店直接行15分鐘即可抵達
▶︎營業時間:視各店家而定/大三巴全天開放
▶︎建議停留時間:6小時

Day 2:氹仔舊城區+早午餐→龍環葡韻→路氹金光大道→ 水舞間
【今日重點:氹仔舊城區、金光大道】
第一站:氹仔舊城區+早午餐(Taipa Village)
圖片來源淡黃、Tiffany藍、湖水綠都係舊城區建築物嘅主要色調,夢幻色彩嘅平房揉合咗中葡兩國嘅建築特色,非常啱大家影相打卡。而且區內仲有好多正宗葡國菜同特色餐廳,喺舊城區享受一餐悠閒嘅地道茶餐廳早午餐,係今日路氹之旅嘅完美開始!
▶︎地址:氹仔官也街周邊(座標:22.153541, 113.556994)
▶︎交通:搭11、15、22、28A、30、33、34號巴士到官也街巴士站
▶︎建議停留時間:4小時
第二站:龍環葡韻(Casas – Museu da Taipa)
圖片來源|Fotolia龍環葡韻係澳門最具代表性嘅葡萄牙風格建築,柔和色彩增添咗建築嘅溫馨感,可以充分感受到喺澳門土生土長嘅葡萄牙人嘅成長氛圍。園區裡面亦都有展示相關嘅歷史文件,可以令大家能夠更加了解當時嘅生活情況。
▶︎地址:澳門氹仔海邊馬路(座標:22.153864, 113.559642)
▶︎交通:由舊城區行5分鐘即可抵達,或者由其他地方搭11、15、22、28A、30、33、34號巴士到嘉模泳池巴士站
▶︎營業時間:星期二至日 10:00 ─ 18:00 / 星期一 休館
▶︎門票:MOP 5元/ 10歲以下或60歲以上及逢星期日免費入場
▶︎建議停留時間:1小時
第三站:路氹金光大道(Cotai Strip)
圖片來源|Fotolia有銀河、威尼斯人、金沙城、新濠天地等等嘅澳門渡假村,每間酒店都各有特色,但佢哋有個共通點-就係一樣咁奢華耀目!除咗可以嚟小賭怡情之外,喺呢度亦都好啱影相、Shopping。晚餐可以揀酒店入面嘅Buffet,一次過品嚐各國料理,琳琅滿目嘅美食包你食都食唔晒!
▶︎交通:搭15、21A、25、26、26A號巴士到連貫公路/威尼斯人站(座標:22.142907, 113.563858)
▶︎營業時間:全天候(各店鋪關門時間不一)
▶︎建議停留時間:4小時
▶︎【浪漫澳門】威尼斯人貢多拉船票
第四站:水舞間(The House of Dancing Water)
圖片來源提到澳門大家都會聽過嘅知名表演《水舞間》就位於金光大道嘅新濠天地裡面。《水舞間》講嘅係一個平凡漁夫喺一次偶然嘅機會下進入咗魔法王國,各種奇遇交織成愛與奇幻嘅史詩劇作,呢場精采絕倫嘅表演嚟到絕對不容錯過!
▶︎地址:澳門路氹連貫公路(22.149095, 113.566691)
▶︎交通:新濠天地喺金光大道區段,可以由其他地方乘搭新濠天地免費接駁車,或者搭15、21A、25、26、26A號巴士到連貫公路/威尼斯人站再步行前往
▶︎《水舞間》表演時間:通常為17:00或20:00,詳細請睇呢度~
▶︎【限時限量優惠】澳門新濠天地水舞間門票

Day 3:黑沙海灘+燒烤午餐→路環市區+葡撻下午茶→葡國菜晚餐
【今日重點:黑沙海灘、路環】
第一站:黑沙海灘(Praia de Hac Sá)
圖片來源黑沙海灘係澳門八景之一,有別於其他地方,一望無際嘅大海同深黑色嘅沙係呢度最大嘅特色,仲有好多人會喺度燒烤,邊欣賞黑沙海灘嘅海景再一邊BBQ,簡直係人生樂事~
▶︎地址:澳門新黑沙馬路(座標:22.117593, 113.570054)
▶︎交通:搭乘15、21A、25、26A號巴士到黑沙海灘巴士站
▶︎建議停留時間:4小時
第二站:路環市區(Coloane Village)
圖片來源|Fotolia路環市區同澳門氹仔嘅風貌非常唔同,佢就彷彿係城市嘅後花園,隱藏住都市所缺乏嘅人情味同美麗景色。馳名嘅安德魯葡撻喺呢度有兩間舖頭有得賣,一間係外帶嘅糕餅店,而另一間則係Cafe式嘅花園咖啡。喺澳門旅途嘅第三日,嚟呢度享受一下極致嘅澳門慢活方式啦!
▶︎地址:澳門路環計單奴街周邊(座標:22.116911, 113.551501)
▶︎交通:搭26A號巴士到路環市區巴士站
▶︎建議停留時間:4小時
第三站:葡國菜
圖片來源|Fotolia【推薦餐廳:里斯本地帶餐廳(Restaurante Espaco Lisboa)】
澳門最有特色嘅料理非土生葡菜莫屬,佢結合咗葡式同澳門當地嘅飲食文化,只有喺澳門先食得到。葡國雞、馬休介球等等都係好出名嘅葡國菜,記得一定要嗌嚟試下!
▶︎地址:路環市區水鴨街8號地下及1樓(座標:22.118344, 113.551450)
▶︎交通:餐廳喺安德魯旁嘅小巷入面,可以由其他地方搭15、21A、25、26、26A、50號巴士到路環市區巴士站再步行到達
▶︎營業時間:12:00-15:00 & 18:30-22:00
▶︎建議停留時間:1.5小時

Day 4:新八佰伴→漁人碼頭→ 澳門 /桃園
【今日重點:漁人碼頭】
第一站:新八佰伴(New Yaohan)
圖片來源新八佰伴係澳門唯一一間百貨公司,內部陳設同一般百貨公司差唔多,最後一日行程就由輕鬆咁行下百貨公司揭開序幕啦~
▶︎地址:澳門蘇亞利斯博士大馬路90號(座標:22.191005, 113.540392)
▶︎交通:10:30-22:00
▶︎營業時間:搭2、3A、5、7、8A、10、10A、11、21A、26A、33號公車到殷皇子馬路站
▶︎建議停留時間:3小時
第二站:漁人碼頭(Macau Fisherman’s Wharf)
圖片來源|Fotolia澳門漁人碼頭都係一大行街、美食聖地,帶住戰利品喺漁人碼頭散步,感受徐徐海風同歐式建築帶來嘅舒適悠閒,為你嘅澳門之旅畫上完美句點!
▶︎地址:澳門漁人碼頭(座標:22.193973, 113.556095)
▶︎交通:搭乘1A、3、3A、10、10B、28B、28BX、28A、N1A、10X、32、AP1號巴士到友誼馬路/行車天橋巴士站
▶︎營業時間:全天候(各店鋪關門時間不一)
▶︎建議停留時間:2.5小時
睇完呢篇澳門四日三夜行程規劃係咪超~想即刻搭船過澳門?小編提醒要去澳門自由行嘅旅客最好都係依照自己嘅喜好、需求嚟安排行程,咁先可以玩得最盡興!
【想去澳門玩,你仲會需要】:
▶︎【港澳渡輪交通】金光飛航標準艙單程船票 (香港上環碼頭-澳門氹仔碼頭)
▶︎【澳門刺激體驗】澳門旅遊塔空中漫步體驗(包含旅遊塔門票)
▶︎【澳門交通】豪華7人座商務車 點對點接送服務
◆ 想更了解澳門?你可以睇埋:
▶︎【美食】【平民價錢奢華享受】澳門舌尖上的盛宴
▶︎【美食】【澳門美食地圖】傳統葡菜與土生葡菜
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
FacebookInstagramYouTube旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→