玩轉芬蘭聖誕老人村

聖誕去北歐嘅朋友要注意啦!聖誕市集之前就出過啦,今次就講下芬蘭聖誕老人村!
芬蘭聖誕老人村
(圖片來源)
羅瓦涅米係芬蘭北部拉普蘭區嘅首府。芬蘭聖誕老人村係全球唯一受到認可既聖誕老人村,每年吸引唔少人到訪。即使去唔成嘅人都會寄信比聖誕老人,希望收到聖誕老人嘅回信。而芬蘭收到來自世界各地既信亦係比其他聖誕老人郵局嘅多。聽人講好似要早2,3個月寄信比佢地先可以準時係聖誕前收到,否則新年嘅時候就會有聖誕老人同你講聲遲來的聖誕快樂。
(圖片來源)
芬蘭聖誕老人村一到冬天就會人頭湧湧,唔想同人逼嘅大家盡量避免喺聖誕個幾日去呀。
聖誕老人都要返工?
(圖片來源)
必去啦呢度!聖誕老人嘅office。但記住,喺office入面係唔可以影相架!
全世界嘅聖誕老人郵局得三間,除咗芬蘭,仲有丹麥嘅格陵蘭島,美國印第安納州嘅聖誕老人鎮。不過最值得去嘅都係芬蘭,佈置都比其他兩間更有味道。
(圖片來源)
Fiona有無收到奇洛李維斯回信我就唔知,但如果寫信畀聖誕老人,就肯定唔會令大家失望。但大家如果唔記得寄信比聖誕老人拎回信嘅話,不如喺呢度寄返封post卡或者自己寫張聖誕卡返香港(即刻諗起尋晚Kelly鬧得我好啱,有咩慘得過咁)。
(圖片來源)
聖誕老人村除左辦公室吸引人之外,附近有其他鋪頭比大家買手信或者參觀。
(圖片來源)
去到聖誕老人村,除左明信片或者郵票之類嘅手信之外,有樣得當地先有嘅紀念品推薦。
就係:跨越北極圈證書,當然會寫埋你個名。仲可以喺你個passport度蓋個戳印。
聖誕老人樂園
芬蘭嘅聖誕老人村仲有聖誕老人樂園添!帶比大家無盡歡樂!
大家都剩係掛住聖誕老人同佢隻馴鹿,但佢身邊有好多小精靈幫佢架。
喺樂園入面嘅精靈學院,你會見到聖誕老人身邊嘅精靈:
(圖片來源)
如果帶住小朋友嘅話,見到聖誕老人一定即刻fing開你隻手衝上去呀!
(圖片來源)
呢個聖誕老人樂園,大家應該估佢唔到嘅就係佢係伸延入地底架!
睇張圖都好似好長咁,唔知可以通去邊度呢?
(圖片來源)
同上面提過嘅跨越北極圈證書,你可以喺聖誕老人樂園度跨越呢條線66°33'07",踏入北極圈!並且得到張證書。唔打算入園嘅朋友可以喺出邊紀念品店度買,大約要4—5EUR到。
(圖片來源)
咩咩冰雪節都不及聖誕老人樂園入面冰雕啦下化。
(圖片來源)
原來係冰室黎嘅喂,ICE BAR!!
(圖片來源)
當然,仲有好多好多其他野玩。
詳細要睇http://santapark.com/
世上無免費嘅午餐呀 SORRY
入場費:
Adult: 33 EUR
Children: 27 EUR (3-12歲,細過3歲免費)
喂,好似有少少貴喎?又唔係咁講呀,因為你可以連續入場兩日!
入場劵連續兩日有效!咁
你可能有興趣:
【聖誕老人故鄉】羅瓦涅米耶誕村半日遊
歐洲32國通用,30天上網、通話sim 卡
▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday
【Budweiser發光打氣杯 陪你嗌足六十四場!】

留言

會員
我要評論
請按此登錄後留言。未成為會員? 立即註冊
  • 粉絲團經營終極秘密/衝讚/客製化5顆星好評論/客製化留言/打卡
    粉絲團經營終極秘密/衝讚/客製化5顆星好評論/客製化留言/打卡 於 17/12/2016 評論 NO. 1

    嗯嗯 很好謝謝你的分享 :)

快捷鍵:←
快捷鍵:→