【環球旅遊】全球有趣博物館大集合 文字


相信好多人對博物館嘅印象就係睇古物、文物咁,但小編今日就要打破你嘅迷思,將冰山劈開~正所謂世界之大,無奇不有,其實世界各地有好多有趣特別嘅博物館,完全唔會悶到你,快啲跟住KKday一齊睇下有冇啲你估都估唔到嘅博物館啦!
1. 韓國首爾 性愛美術館 LOVE MUSEUM
圖片來源|KKday博物館如其名,以性愛做主題嘅韓國性愛美術館同Trickeye 3D美術館喺同一層樓,但就只有成年人先可以參觀,係弘大商圈近年嚟嘅新興景點。呢度嘅作品全部都係Trickeye技法嘅3D作品,運用咗遠近法同錯視技法,令2D嘅平面繪畫可以呈現出3D嘅效果。呢度除咗展示平面作品之外,仲可以同作品影相,形成有趣嘅互動!如果怕醜嘅朋友都唔洗擔心,館入面有提供紙眼鏡,等你可以唔洗理其他人目光盡情影相!
▶︎ 地點:首爾特別市麻浦區弘益路3街20 地下2樓(西橋洞)(座標:37.553573, 126.921729)
▶︎ 交通:地鐵2號線「弘大入口站」9號出口行大約5分鐘,轉入Tony Moly條巷沿住巷行就會見到美術館標誌
▶︎ 營業時間:09:00 – 21:00 (全年無休)
▶︎ 費用:8000韓元
▶︎ 詳細資訊:性愛美術館官網
▶︎ 【成人限定】韓國性愛美術館 LOVE MUSEUM
2. 日本大阪 即食麵發明紀念館 インスタントラーメン発明記念館
圖片來源鐘意食即食麵嘅你絕對唔可以錯過即食麵發明紀念館!館入面除咗可以了解即食麵發明家安藤百福嘅故事、即食麵嘅發明過程、世界各國嘅即食麵等等,仲有雞湯拉麵工廠、我的合味道工廠可以親手製作屬於自己嘅杯麵,非常有趣,大人細路都咁啱去!
▶︎ 地點:大阪府池田市滿壽美町8-25(座標:34.817990, 135.426723)
▶︎ 交通:搭阪急電車寶塚線喺「池田站」落車,由「滿壽美町方面」出口行大約5分鐘。
▶︎ 營業時間:09:30 – 16:00 (15:30為最後入館時間)(星期二休息)
▶︎ 費用:免費入場;雞湯拉麵工廠-300日圓(小學生) / 500日圓(中學生以上)/我的合味道工廠-300日圓
▶︎ 詳細資訊:即食麵發明紀念館官網
3. 泰國芭達雅 信不信由你博物館 Ripley’s Believe It or Not!
圖片來源|KKday信不信由你博物館係世界知名探險家羅伯特利普萊環遊世界嘅時候所收集到幾千件千奇百怪收藏品嘅珍藏地,展品珍奇得嚟又有趣,例如有來自厄瓜多嘅縮小人頭、西藏人嘅頭蓋骨同雙頭貓等等各式各樣稀奇古怪嘅收藏品,並且以趣味嘅方式陳列出嚟。
博物館入面唔只有展示品,仲有4D電影院、大迷宮、蠟像館、鬼屋等等,非常豐富,保證去咗一定唔會覺得無聊!
▶︎ 地點:3F Royal Garden Plaza, 218 Moo 10 Beach Road, Pattaya (座標:12.929812, 100.877780)
▶︎ 交通:可搭雙條車或者的士前往
▶︎ 營業時間:11:00 – 23:00
▶︎ 詳細資訊:信不信由你博物館官網
▶︎ 芭達雅信不信由你博物館 最優惠門票就喺KKday!
4. 墨西哥坎昆 坎昆水下博物館 Cancun Underwater Museum
圖片來源|Shutterstock位於加勒比海嘅水下博物館係英國藝術家Jason de Caires Taylor以環境保護為原由所發起嘅,每個雕像都係等比例大細,並且用上有利於珊瑚、海洋生物生長嘅材質。依家大約有400個以上嘅雕像喺海入面,就好似海底嘅西方兵馬俑咁,佇立不動嘅雕像同喺佢哋側邊悠游嘅魚形成咗一種有趣嘅對比!
▶︎ 地點:Blvd. Kukulcan, Zona Hotelera, 77500 Cancún, QROO, 墨西哥(座標:21.103708, -86.764934)
▶︎ 交通:潛水或者搭玻璃船前往欣賞
▶︎ 營業時間:09:00 – 14:30
▶︎ 詳細資訊:坎昆水下博物館官網
5. 克羅地亞 失戀博物館 Museum of Broken Relationships
圖片來源失戀都有博物館?喺失戀分手之後留低嘅野,好多人都會還俾對方、直接掉咗佢或者封印喺某個盒子入面,以免觸「物」傷情。但呢個位於克羅地亞嘅失戀博物館就係專門收藏嚟自世界各地嘅失戀物品,無論係訂婚戒指、手機定空酒樽等各種物品都有住每個失戀嘅故事,大家亦都可以捐贈自己嘅失戀物品等自己可以放低過去嘅一段感情,重新開始。
▶︎ 地點:Ćirilometodska 2, 10000, Zagreb(座標:45.814891, 15.973434)
▶︎ 營業時間:09:00 – 22:30 (6月至9月)/09:00 – 21:00 (10月至5月)
▶︎ 詳細資訊:失戀博物館官網
6. 美國華盛頓 國際間諜博物館 International Spy Museum
圖片來源連小編自己都超級想去嘅間諜博物館收藏咗六百幾件美國、歐洲、前蘇聯等間諜嘅資料同工具,除咗有電影道具之外,仲有以前各國情報員用嘅秘密武器,例如係蘇聯KBG嘅唇膏手槍、美國獨立戰爭期間華盛頓總統用隱形墨水寫比情報員嘅信等等。另外館入面仲有戲院、餐廳、互動式展台,等你可以成為接受過爬通風管訓練嘅專業探員~
▶︎ 地點:800 F Street, NW Washington, DC 20004(座標:38.896953, -77.023617)
▶︎ 交通:搭華盛頓地鐵去黃綠紅線嘅交會點Gallery Pl. Station,再行大約5分鐘
▶︎ 營業時間:10:00 – 18:00
▶︎ 費用:21.95美元(大人)14.95美元(7至11歲)免費(6歲以下)
▶︎ 詳細資訊:國際間諜博物館官網
7. 泰國芭達雅 小人國迷你博物館 Mini Siam
圖片來源|KKday除咗台灣桃園有小人國,泰國都有小小世界!位於芭堤雅市近郊嘅小人國迷你博物館係世界第四大嘅微型景觀展示館,擁有各種等比例縮小嘅世界著名建築,例如泰國嘅大皇宮同玉佛寺、英國嘅大笨鐘、義大利嘅比薩斜塔同羅馬競技場等等,等你可以一次過遊歷幾百個唔同嘅世界文化遺產地~
▶︎ 地點:387 Moo 6 Sukhumvit Rd., Pattaya City Naklua, Banglamung , Chonburi 20150(座標:12.955081, 100.908898)
▶︎ 交通:可搭雙條車或的士前往
▶︎ 營業時間:07:00 – 22:00
▶︎ 費用:300泰銖
▶︎ 詳細資訊:小人國迷你博物館官網
▶︎ 泰國小人國迷你博物館 超值優惠門票
8. 德國柏林 咖哩香腸博物館 Deutsches Currywurst Museum Berlin
圖片來源德國嘅咖哩香腸出名到唔止遊客鐘意,連遊客當地人都十分瘋狂,甚至仲創立咗咖哩香腸博物館。大家可以喺博物館入面透過3D影像、聲音同文字了解咖哩香腸嘅發明同發展,仲可以見到各種口味、品牌嘅咖哩香腸,最重要嘅係仲可以直接喺嗰度試到美味嘅咖哩香腸,熱愛德國地道美食嘅你千祈唔好錯過!
▶︎ 地點:Schützenstraße 70, 10117 Berlin, Germany(座標:52.508848, 13.391120)
▶︎ 交通:搭柏林地鐵U6線去到Kochstraße站,再行大約3分鐘
▶︎ 營業時間:10:00 – 18:00
▶︎ 費用:11歐元(大人)7歐元(6歲至13歲)免費(6歲以下)
▶︎ 詳細資訊:咖哩香腸博物館官網
仲想去埋其他博物館?:
▶︎ 知性倫敦 大英博物館精華導覽遊
▶︎ 吳哥國家博物館/暹粒地雷博物館 兩大柬埔寨博物館等你學多啲
▶︎ 慳時間免排隊 西班牙普拉多博物館導覽遊
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→