【紅葉攻略2017】首爾7大秋季賞楓好去處 文字


韓國係秋季旅遊嘅理想地點。每年10月至11月,首爾市區及近郊楓葉轉紅,秋色處處,天氣仲十分舒服!嚟緊想去首爾享受秋意嘅朋友,又知唔知邊個地方嘅 紅葉 係最靚呢?而家就等MoneyHero.com.hk同大家介紹:2017首爾7大賞楓熱點!
首爾市區
南山公園
南山公園位於首爾正中心,係俯瞰首爾嘅必遊勝地。此處每逢秋季紅葉滿山,遊客可從高處欣賞被秋葉包圍嘅首爾全景! 園內更有情侶勝地「首爾塔」,為美景添上浪漫氣氛。
觀賞期11月上旬~11月中旬
地址:首爾市中區三一大路231(藝場洞)
交通:首爾地鐵4號線「明洞」站4號出口,轉乘南山纜車直達(徒步登山亦可)
▶︎喺南山公園睇完紅葉可以上首爾塔欣賞首爾夜景!
景福宮
景福宮一向係遊客必去熱點,但原來呢度秋天嘅楓葉同銀杏都非常燦爛!深紅嘅楓葉配上古雅嘅宮殿,讓景福宮更添一層古典味。值得一提嘅係,青瓦臺嘅巨大銀杏樹十分有名,去到記住搵棵樹影相了!
觀賞期:10月下旬~11月上旬
地址:首爾特別市鍾路區社稷路161(世宗路)
交通:3號線景福宮站5號出口,徒步約5分鐘
▶︎著住韓服喺景福宮賞楓更有feel!
首爾兒童大公園
兒童大公園係韓國60、70後嘅童年回憶,現在已成為當地人賞櫻及賞楓嘅熱門地。園區佔地達53萬平方米,除咗賞楓之外,仲可以帶埋小朋友去動物園、遊樂園、兒童博物館等設施,係一家大細嘅秋季好去處!
觀賞期10月下旬~11月上旬
地址:首爾特別市廣津區陵洞路216(陵洞)
交通:首爾地鐵5號線峨嵯山站(後門)、7號線兒童大公園站(正門)下車
天空公園(藍天公園)
「天空公園」園如其名,位於蘭芝島最接近天空嘅地方。一到秋天,公園總係人頭湧湧,不過前來嘅人主要唔係賞楓葉,而係賞芒草!園內有大片紫芒田,配上藍藍嘅天空,宛如一幅美麗嘅圖畫。另外,公園每年10月中會舉行首爾紫芒慶典,2017年舉辦日期稍後公佈。
觀賞期:10月中旬 ~11月下旬
地址:首爾特別市麻浦區天空公園路95天空公園
交通:首爾地鐵6號線世界盃體育場站1號出口,步行約20~30分鐘
(溫馨提示:計劃旅遊假期,記得要買旅遊保險!即上我們的比較平台選擇最適合你嘅旅遊保險!有Allied WorldFWDMSIG等不同計劃俾你揀,經我哋買仲有優惠添!)
首爾近郊
南怡島
一提起南怡島,唔少人即刻聯想起「浪漫」二字。南怡島除咗因愛情經典劇集《冬季戀歌》而爆紅外,秋季嘅楓葉+杏樹、冬季嘅雪景,都令此處成為戀人勝地!此處每年10月中至11月頭係紅葉同銀杏最盛期,遊客同觀光團會特別多,所以如果想人少啲,影相影得靚啲,記得要朝早去!
觀賞期:10月中旬~11月上旬
地址:江原道春川市南山面南怡島街1
交通:搭乘7號線或京義中央線地鐵至上鳯站轉乘京春線地鐵,在加平站下車
晨靜樹木園
去完南怡島還有時間嘅話,千萬唔好錯過附近嘅「晨靜樹木園」!呢個庭園面積廣達33萬平方米,園內景色精緻優美,十分有世外桃源嘅感覺。你可以一邊在園內嘅餐廳用餐,一邊享受窗外嘅紅葉,非常愜意!
觀賞期:10月下旬~11月上旬
地址:京畿道加平郡上面樹木園路432 (上面)
交通:
  • (由首爾出發)搭乘7號線或京義中央線地鐵至上鳯站轉乘京春線地鐵,在加平站或清平站下車,轉乘加平觀光巴士至「晨靜樹木園」。
  • (由南怡島出發)乘搭加平觀光巴士至「晨靜樹木園」。
雪嶽山國立公園
要數首爾附近最靚嘅賞楓地點,雪嶽山當之無愧地榮登榜首!山上一年四季都有奇岩絕璧、溪谷瀑布等美景,一到秋天,楓葉將整坐山染上楓紅,畫面更加美不勝收!要去雪嶽山賞楓,首先當然要唔怕行山,另外由首爾前往雪嶽山來回需時6-7小時,旅客至少要在當地住一晚,玩埋附近景點才不枉此行。大家亦可以上旅遊網站預訂2日1夜嘅雪嶽山Local Tour,節省交通時間。
觀賞期:10月中旬~ 10月下旬
地址:江原道束草市雪嶽洞山41
交通:於江南高速巴士客運站或東首爾巴士站乘巴士前往 「束草巴士站」,再轉乘7或7-1公車至「小公園停車場」。
▶︎【韓國賞紅葉勝地】雪嶽山賞楓一日遊
Book機票酒店前,先睇:2017信用卡旅遊優惠集合
買旅遊保險前先比較下:MoneyHero 旅遊保險比較平台
相關閱讀:【日本紅葉攻略】東京10大賞楓必去景點2017
資料來源︰MoneyHero.com.hk

留言

會員
我要評論
請按此登錄後留言。未成為會員? 立即註冊
  • Man Hin Chow
    Man Hin Chow 於 20/09/2017 評論 NO. 1

    Toby Sit

快捷鍵:←
快捷鍵:→