【臺灣】另類包車好去處 文字

圖片來源
【臺灣】另類包車好去處

講到臺灣,相信大家同小編一樣都好熟悉,去臺北分分鐘仲多過去離島,之但係,臺灣又點止得臺北、臺中同墾丁呢?其實臺灣好山好水,唔少地方都散佈喺地圖上唔同嘅角落,大家未必留意到。等小編介紹翻幾個北部同中部嘅景點,等大家可以玩出一個不一般嘅行程!
#1 不厭亭
不厭亭位於102號縣道,左右分別可以望到雙溪同瑞芳兩個地方。不厭亭最靚嘅景象,就一定係當雲海同雲霧籠罩住條公路時所營造出嘅朦朧同神秘氣氛。假設無雲海都唔緊要,天氣晴朗嘅時候都有機會睇到遠處湛藍嘅海水,配上兩邊連綿不斷嘅山脈同看似永無盡頭嘅公路,相信都係一幅唔錯嘅畫面!

圖片來源
#2 九份
九份過去曾經有一段輝煌嘅礦業歷史,時至今日依然保留住當初嘅淳樸,而九份山城就成為大部分旅人專程前往嘅地方。九份山城面積雖然並唔大,但就因為兩套電影而吸引唔少人去一探究竟,分別係「悲情城市」同「千與千尋」。雖然「千與千尋」同九份其實完全無關係,不過夜晚嘅九份的確同宮崎駿筆下嘅千與千尋有異曲同工之妙!
圖片來源
圖片來源
#3 十三層遺址、廢煙道
嚟到金瓜石附近嘅十三層遺址,小編有一秒鐘以為自己去咗秘魯,更加有種奪寶奇兵上身嘅感覺。姑勿論係咪小編諗多咗,十三層遺址背後的確有一段歷史,遺址本來係臺灣日治時期所成立嘅選煉廠,而三條廢煙道係當時用於後山排放廢氣嘅管道。去完十三層遺址,記得順便去附近嘅黃金瀑布啊!

圖片來源
圖片來源
#4 忘憂森林
忘憂森林位於南投,有段時間成為台灣文青必去打卡嘅地方,因為個度嘅景象實在太迷幻。忘憂森林本來係原始森林,之後因為河道阻塞所形成嘅沼澤導致部分嘅柳杉木林枯死,形成今日大家所睇到嘅景象。
圖片來源

圖片來源
#5 清境農場
同樣位於南投嘅清境絕對係臺灣中部必去之地,除咗有放牧區可以零距離接觸小綿羊,仲有各種唔同嘅登山步道可以親親大自然。而清境最令人期待嘅活動,就一定係觀星同睇日出!好多人都會特登去合歡山同武嶺欣賞日出,由於合歡山海拔比較高,小編就建議大家帶定禦寒衣物先好出發(夏天山頂氣溫都會接近2-4度)!
圖片來源

圖片來源

睇咗咁多相係咪好有衝動想去瘋狂影相打卡,但又驚地方偏遠唔就腳?小編既然寫得,就當然希望大家可以一次過玩曬咁多個地方。KKday宜家推出全新台灣包車咨詢服務,等你唔需要再被時間地點所限制,想幾時去邊就去邊!
只要填寫包車咨詢同報價表,48小時內就有專人回覆你,等你自行決定行程同花費。小編細細聲話你知,12月31號前報名可以獲得早鳥優惠,詳情請參閱:台灣自訂包車查詢
▲認識KKday▲

KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→