【越南】十大必買手信清單 文字


每次去越南旅行,都總會買各式各樣嘅紀念品同手信返嚟,但咁多種類應該點揀好呢?KKday今次就整理咗越南十大必買手信清單,跟住嚟買就絕對唔會錯啦!
一、越南咖啡
圖片來源圖片來源喺法國殖民年代初期,法國人將咖啡豆帶到越南,並喺過百年嘅歷史裡面,慢慢發展出充滿越南特色嘅咖啡文化。嚟到越南,你唔單止可以買到越南中西部高原生產嘅優良咖啡豆,仲有好多充滿特色嘅滴漏用具比你揀!
▶︎推薦品牌:G7、Trung Nguyen、Vinacafe
二、奧黛:越式旗袍(Ao Dai)
圖片來源圖片來源奧黛為越南嘅國服,通常都以絲綢製作,合身剪裁嘅上衣配上及腰嘅叉位同埋寬鬆長褲,可以完美凸顯女性嘅身體曲線。奧黛亦會經常當作女學生嘅校服,而且唔少到越南旅遊嘅人,都會特登去裁縫店訂製一套合身嘅奧黛㗎!
三、香水
KKday法國殖民年代期間,法國人經常以越南天然香料作為香水原料。到咗依家,隨住日漸進步嘅香水製作技術,越南亦後來居上,研發到好多質量好、價錢相對低嘅香水。無論係包裝設計定香味都非常出色!嚟到越南,不妨到店鋪揀返支土產西貢小姐或者其他特色香水返屋企啦!
▶︎推薦品牌:西貢小姐香水(以身穿奧黛嘅少女作為樽身設計,具有濃厚越南特色!)
四、綠豆糕
KKday越南嘅綠豆糕以磨成粉狀嘅綠豆粉,配搭白砂糖及植物油製成,甜而不膩、入口即融嘅口感非常吸引。好多人嚟到越南都會買好多盒返去做手信㗎!
▶︎推薦品牌:黃龍綠豆糕
五、椰子糖
KKday嚟到盛產椰子嘅越南,唔買返包以椰子原汁原味製成嘅椰子糖,未免太可惜喇。將椰子絲加熱煮滾後,加入麥芽、砂糖同埋牛奶,製成充滿濃郁椰香嘅椰子糖,令人食到停唔到口!另外,椰子糖仲有朱古力、牛奶等多種口味選擇,最適合買嚟送畀唔同喜好嘅朋友!
六、絲綢
圖片來源圖片來源絲綢由蠶絲製成,以前嘅年代只會為越南皇室製造,十分貴重。而依家,無論係市場或者店鋪,都可以隨處見到絲綢嘅蹤影。變化多端嘅圖案同埋色彩,最適合用嚟製成披肩、絲巾等,係越南必買手信之一。
七、榴槤餅
越南嘅榴槤餅,採用新鮮、成熟嘅榴槤加工製成,皮薄餡靚,配上同白豆沙混合而成嘅榴槤餡,充滿濃郁嘅香味。就算係唔敢食榴蓮嘅人,都極度推薦要試一試!
▶︎推薦品牌:新華元榴槤餅
八、第一排糖 / 如香惠香排糖
越南特產—第一排糖,以奶油、花生及腰果製成餡料,配搭沾滿椰絲嘅脆皮,食落充滿層次感亦啱唔會太甜,再配上咖啡或者茶一齊食更好味!
▶︎推薦品牌:Galant
九、綜合蔬果乾
綜合蔬果乾有紫薯、芋頭、香蕉同埋菠蘿等雜錦口味。食落鬆脆爽口又唔油膩,味道相當豐富,係既健康又美味嘅小食!
▶︎推薦品牌:Sabava、Vinamit
十、河粉
嚟到越南,肯定會迷上當地嘅河粉!其實,想返到屋企食返類似嘅味道並唔難,好似Vifon就係一個好多人食完都大讚「同喺當地食市食到嘅味道幾乎一樣」嘅即食河粉牌子。你可以隨自己喜好加肉片,又或者其他香料例如檸檬、九層塔、魚露同辣椒等調味都得㗎!跟埋當地人學正宗越南料理就幾時想煮嚟食都得啦!
▶︎推薦品牌:Vifon
嚟到越南你可能會需要:
▶︎Viettel越南無限上網預付咭
▶︎【峴港機場-峴港市區酒店】專車接送
▶︎【內排國際機場-河內市區】專車接送
▶︎【金蘭國際機場-芽莊市區酒店】專車接送
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
FacebookInstagramYouTube旅友討論區

留言

會員
我要評論
請按此登錄後留言。未成為會員? 立即註冊
  • Cheung Kam Pui
    Cheung Kam Pui 於 12/08/2017 評論 NO. 1

    Tracy Lam

  • Bonly Lam
    Bonly Lam 於 12/08/2017 評論 NO. 2

    Tong King for your easy reference

  • ヅッ シ ツジ
    ヅッ シ ツジ 於 13/08/2017 評論 NO. 3

    Chiyung Tam

  • James Tsang
    James Tsang 於 14/08/2017 評論 NO. 4

    嚴榮華

快捷鍵:←
快捷鍵:→