【跳島旅行首選】 泰國七大玩水勝地 文字


炎炎夏日就係要玩水!泰國自然環境豐富,擁有數以百計嘅海灘,小編精心挑選咗泰國七大玩水勝地介紹畀大家,可以按照需求選擇最適合自己預算嘅玩水之旅;亦都會推薦各式各樣嘅跳島行程,等你可以避開人潮,享受自己嘅一片小天地。呢個夏天,跟住我地一齊去玩水啦!
一、享樂天堂:芭達雅(Pattaya)
因為絕佳嘅地理位置,有「東方夏威夷」之稱嘅芭達雅係曼谷人獨愛嘅度假勝地,亦都係好多外國遊客嚟到泰國玩水嘅首選地方。芭達雅最出名嘅海灘就係位於市中心嘅芭達雅海灘。喺呢度可以見到成個海灘擺滿排列整齊嘅海灘凳、海水裡充斥住盡情玩水嘅大人小朋友、同埋附近繁華街道上成排叫賣嘅攤販。一到夜晚,海灘周邊更加有齊酒吧、夜店等場所畀你盡情享樂。如果想體驗最豐富嘅夜生活又想沖浪嘅話,揀芭達雅就實無錯!

>>交通:由曼谷Ekkamai Bus Terminal搭去芭達雅嘅巴士

>>交通時間:約兩個半鐘
>>推薦景點:必玩芭達雅海灘,可以落水玩又或者沿海灘行下,嗰到有好多商舖可以行,而步行街一帶係紅燈區,可以去睇下。行程裡面一定要放芭達雅最出名嘅蒂芬妮人妖秀啊~唔係就等於無嚟過芭達雅!
>>小編評論:芭達雅消費水平偏高,算係泰國消費最貴嘅城市之一。但係相對城市配套好齊全、夜生活選擇多到數唔哂、海鮮又平。加上距離曼谷好近,唔駛跑太遠就可以玩到水!
二、推薦跳島行程:格蘭島(Koh Larn)
又叫「珊瑚島」嘅格蘭島,可以話係芭達雅地區嘅世外桃源,純淨潔白嘅白沙灘、清澈湛藍嘅海水,都係格蘭島一大特色。格蘭島上都有好多海上活動供你選擇,無論係浮潛定香蕉船等,喺呢邊都可以搵得到!
>>交通:到芭達雅步行街嘅Bali Hai 碼頭乘搭前往格蘭島嘅公家船(30泰銖),可參考本網站。如果想玩海上活動嘅話,小編建議直接購買一日遊行程
>>交通時間:約40分鐘
>>小編建議:喺格蘭島嘅海水入面玩嗰時,如果到咗比較邊緣嘅水域,切記要注意水裡面有咩先再踩落去啊!唔好同小編一樣唔小心踩到海膽,嚇都嚇死!

三、跳島最推薦:布吉(Phuket)
泰國第一大島布吉,島上配套充足,雖然話係海島,但係就更加似一座繁華嘅城市。嚟到布吉島,行街、美食,甚至去蒲夜店,都唔係問題。如果你鍾意打高爾夫球,布吉島嘅球場絕對會係你呢世去過最靚嘅球場之一。
講到布吉嘅海灘,一定會提到芭東海灘。日間係遊客玩水曬太陽嘅好去處,夜晚就係party狂歡地方,側邊仲有好多餐廳同商舖,唔會怕無聊。嚟到布吉島,就要去最有活力嘅芭東海灘玩水啦!
>> 交通:由曼谷轉搭內陸機去到布吉國際機場
>>交通時間:約1個半鐘
>>小編評論:布吉島嘅消費水平中等,唔算貴但係又稱唔上平,基本上一日嘅生活費可以控制喺500泰銖以下,所以好適合小資族群!
#推薦跳島行程:
布吉島周邊實在有太多小島啦!小編喺呢到推薦鍾意浮潛嘅人可以去被譽為「世界上十大美麗島嶼」之一嘅斯米蘭群島,呢到擁有潔白嘅沙灘,同色彩斑斕嘅珊瑚礁。或者都可以到皇帝島一遊,享受翡翠綠嘅海洋,同設備齊全嘅潛水設施。
喺呢邊,小編都要特別推薦影迷一定要到電影「The Beach」裡面好似仙境咁靚嘅拍攝場地皮皮島Maya Beach;同占士邦電影裡面出現嘅007島朝聖啊!
>>交通:因為呢到去邊個島都係要搭船去,小編最建議直接參加一日遊行程,慳返時間又可以一次過去到最多嘅島!
四、多元生態:蘇梅島(Koh Samui)
天然椰林密布嘅「椰子島」蘇梅島,仍然保留住最原始嘅自然風貌,亦因為咁,近幾年已經勝過布吉島、芭達雅等等,成為歐美旅客最愛嘅度假勝地。
蘇梅島最獨特嘅賣點一定係自然環境,島周圍佈滿色彩繽紛嘅珊瑚礁,仲有擁有豐富多樣嘅自然生態,係鍾意浮潛同享受大自然嘅遊客必到地方!
>>交通:由曼谷轉乘內陸機至蘇梅島
>>交通時間:大約1個鐘
>>小編評論:蘇梅島消費相對地平,加上環境有特色又靚,唔駛洗太多錢就可以享受天然靚景,絕對係旅遊首選!

#推薦跳島行程:
想要將蘇梅島玩到極致,就一定要嚟個跳島之旅!蘇梅島最出名嘅兩個島嶼就係龜島同南園島啦~龜島嘅特色係擁有豐富嘅珊瑚礁同潛點,非常適合浮潛初學者前往;而南園島就擁有非常特別嘅人字型沙灘,將海域分成三部分,每一區都有自己獨特嘅美景。
另外,小編仲要特別推薦遠離繁囂嘅自然瑰寶安通國家公園,獨特嘅鹹水湖、絕美嘅翠綠海洋,絕對係嚟到蘇梅嘅必遊之處~
>>交通:因為自行前往實在唔太方便,小編都係建議參加一日遊行程,輕輕鬆鬆享受自然美景!
五、世外祕境:象島(昌島)(Koh Chang)
僅次於布吉島嘅第二大島象島,最特別嘅地方在於自然環境嘅多樣性。空無一人嘅海灘、未開發嘅原始叢林、甚至無人島都可以喺度搵到。而地理環境嘅優勢都令象島可以提供叢林滑索、攀岩等有別於一般嘅活動選擇。鍾意戶外活動嘅遊客,象島就係你嘅天堂!
象島有好幾個海灘,但背包客最推薦絕對係Lonely Beach,因為水位低,係游水好去處!
>>交通:由曼谷Ekkamai東站搭999號巴士至Trat達叻嘅Center Point碼頭,再轉搭船至象島
>>交通時間:大約6個鐘
>>小編評論:象島消費唔貴,住宿選擇好多,仲有唔少係擁有私人海灘嘅高級Villa。重點係價位比一般更平,用低價買到最高級享受就係象島最吸引人嘅地方!
#推薦跳島行程:
象島周邊嘅島嶼好多,但係其中幾座島嶼,Koh Klum、Koh  Lao ya、Koh Wai係浮潛愛好者必去~唔受外界環境干擾、沙質細緻嘅沙灘、清澈到可以見底嘅海水,可以稱得上係人間仙境!
>>交通:小編建議參加當地一日遊行程最方便!可以選擇一次跳四島行程,一次玩完象島最值得去嘅島!

六、天然之美:沙美島(Koh Samed)
被列為國家公園嘅沙美島,保存住原始未開發嘅美,因為潔白細緻嘅沙灘而得名。其中塞凱澳海灘(Sai Kaew Beach)係島上最為人知嘅海灘,好似玻璃咁透徹嘅海水,陽光照映閃閃動人嘅模樣,一睇就會明白沙美島被政府所重視嘅原因!
>>交通:到曼谷Ekkamai東站,乘搭至Banphe嘅巴士,再到Nuanthip Pier搭船至沙美島
>>交通時間:約3.5鐘
>>小編評論:沙美島價位比起蘇梅島同布吉島仲平,但如果想要高價享受亦都係有,選擇非常多!
七、自然瑰寶:喀比(Krabi)
喀比自然美景不計其數,有天然形成嘅石灰岩凹地溫泉「溫泉瀑布」、翡翠綠常溫自然游泳池「翡翠池」,係鍾意戲水遊客嘅另類選擇,但如果想要搵海灘嘅話,喀比熱有適合夕陽嘅奧南海灘可以去!
>>交通:喺曼谷轉乘內陸機至喀比
>>交通時間:約1個半鐘
>>小編評論:喀比根據唔同區域,消費水平都會有所唔同,消費水平最高嘅係奧南,最低就係喀比鎮,但係呢邊嘅民宿基本上都係平嘅。不過呢度嘅淡旺季房價可以差成一倍,建議旅客可以選擇淡季先去!
#推薦跳島行程:
嚟喀比必做嘅事情之一就係去「割喉群島」波達島、雞島、管子島同莫島玩水。其中雞島、管子島同莫島又形成「三島一線」,喺退潮嘅時候原本嘅海水會變成天然沙灘,可以自由穿梭喺三島之間。
>>交通:小編一樣建議參加當地一日遊行程,呢種跳島之旅自己去實在太難啦!

泰國海島真係有好多,所以小編建議大家根據你地預算同時間去安排行程!無論係去海邊玩定玩刺激嘅水上活動,都要記得買旅遊保險啊!

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
FacebookInstagramYouTube旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→