【韓國特輯】十大不可錯過美食

跟著KKday去旅行 於 30/12/2016 發表 收藏文章
韓國美食超多,比起日本台灣都唔會輸蝕~~KKday為大家推薦十大韓國必試道地美食,等大家可以有個參考,初遊韓國嘅你睇完呢篇野會知要試咩野,準備再去韓國嘅你就可以睇下自己究竟有無野MISS左喇。
#1 魚板 오뎅 + 辣炒年糕 떡볶이 + 血腸 순대
(圖片來源)
魚板係韓國嘅象徵食物黎,喺街邊唔會搵唔到。而街邊檔嘅魚板大家可以就咁拎黎食,食完先比錢架,唔洗特登話:我要一串魚板,更何況你都唔識韓文啦。老細見到你食剩幾多枝竹籤就會知要計你幾多錢。其實有好有唔好啦,好嘅就係快,唔好嘅就係驚手快快食左之後比錢先知幾錢。
(圖片來源)
炒年糕比起就咁煮應該更加啱大家口味,口感同味道都比較重!韓國人有時仲會落苦椒醬(고추장)去整韓式年糕添~所以唔洗奇怪點解有時會食到苦嘅年糕。
(圖片來源)
血腸評價好兩極,有人會頂唔順,嫌醒、難食,有人又超鐘意食。就好似喺香港食豬紅或者豬大腸咁。對韓國人黎講,血腸絕對係美食界中不可缺少嘅一份子添,你見成日追韓劇定韓綜都經常出現就估到啦。而血腸嘅烹調方式有好多種:炒、炸、清蒸通通都有,甚至有時煮湯飯亦會加入血腸。
#2 紫菜飯卷 김밥
(圖片來源)
韓國嘅壽司會叫做紫菜飯卷。日本通常用海產黎整,而韓國就係利用香油同鹽調味,而飯卷餡料主要為:蔬菜、小黃瓜、紅蘿蔔、蛋、火腿、白蘿蔔、牛蒡等,有時候亦會包肉,再加以麻油同蒜泥調味。小編覺得韓國飯卷食起黎嘅口感是真係有時正過日本壽司,食開放題嘅朋友去韓國一定要試下紫菜飯卷。
#3韓式海鮮麵 짬뽕
(圖片來源)
正呀,成日上網見到海鮮麵都勁想食!尤其是鐘意食辣嘅朋友去到韓國就更加要品嘗!有時鋪頭仲會提供醬菜同豆沙包作為伴菜,簡直大滿足!
#4韓式拌飯 비빔밥
(圖片來源)
基本上去親food court都見到一大堆人食韓國野,亦非常受到大家歡迎。喺韓國嘅伴飯會更加好食,韓式拌飯雖然會因地區唔同,而放入唔同配料,不過基本上都係以蔬菜類、海苔、海帶芽、豆芽菜為主,中間會擺隻半熟蛋,以麻油、芝麻、醋佐以調味。喺韓國嘅市場想食平野又飽度一定係呢樣!食開pepper lunch嘅話,喺呢度都可以搵到石鍋拌飯!
#5炸醬麵  짜장면
(圖片來源)
講起炸醬麵,就諗起譚仔lol 但小編相信大家對譚仔嘅評價一樣又係好兩極,至少身邊一定有人次次食飯都話要食譚仔,跟住就會有人極力反對。不過呀,韓國嘅炸醬麵同譚仔嘅係兩種style,睇張圖都見到啲炸醬比譚仔仲要多,味道有少少甜。喺韓國食麵同飯,通常都會有配菜,同香港嘅有少少唔同,通常得一碗野。
#6辣炒雞排 닭갈비
(圖片來源)
冬天個個都會約成班朋友出黎食雞煲,如果成班人去韓國,除左部隊鍋要試之外,呢道美食可以滿足埋大家想試年糕同泡菜嘅要求。辣炒雞肉當然係主要食材,另外會加入蔥、洋蔥、年糕、泡菜一齊炒,有時仲會有芝士!

辣炒雞排剩低嘅配料會用黎炒飯,所以大家除左食到呢煲野之餘,仲可以試埋以辣炒雞排撈飯嘅味道,保證味道夠濃。
#7烤五花肉 삼겹살
(圖片來源)
除左日式放題,韓燒都係香港人最鐘意嘅。各位食肉獸唔洗考慮,韓國五花肉真係好出名。新鮮嘅肉質燒完之後就會散發出甜味,外脆內嫩,仲會配上洋蔥、蒜一起燒,味道會更香!用生菜或者芝麻葉黎包住泡菜、蒜、淹蘿蔔等等,再沾醬食,就是地道韓式燒肉嘅食法!
#8韓式炸雞 치맥
(圖片來源)
外賣天王除左炸醬麵之外就係韓式炸雞,甚至乎會消夜食炸醬面時會一齊叫埋!軟嫩嘅肉質,炸到金黃酥脆後,外面再落一層特殊醬料,小編最鐘意嘅就係蜂蜜炸雞,同其他快餐點嘅炸雞口感唔一樣!韓式炸雞通常仲會附上醃白蘿蔔,酸酸甜甜嘅感覺,可以去除油膩感~
如果去韓國係住民宿嘅話,可以叫佢地幫手叫外賣消夜,炸醬麵+炸雞呀!
#9人蔘雞 삼계탕
(圖片來源)
其實對韓國人黎講,進補呢件事喺夏天先會做,而人蔘雞係以多種中藥材所熬煮,而藥材嘅取得來源係有季節性,所以有啲鋪頭只會喺夏天先會offer人蔘雞。不過冬天有得食當然唔好走寶,天時咁凍,黎一碗暖粒粒嘅人蔘雞真係好溫暖!人蔘雞嘅雞肚會塞啲人蔘、栗子、紅棗、大蒜、銀杏同糯米等食材,糯米會隨著時間燉煮,然後吸收人蔘同雞湯最精華嘅部分,湯頭清爽而不油膩呀。
#10韓國冷麵 냉면
(圖片來源)
韓國同日本嘅食材有好多相同之處,既然韓國都有韓式飯卷,又點會無韓式冷麵?冷麵食得多啦,大家又未必清楚哂詳細點樣製作。將麵條炒熟之後,再加入冷水沖洗,放入油、醋、醬油等調味料,落埋青菜作為拌菜,另外亦會加泡菜、辣醬入去撈埋一齊。既然係撈麵,當然有分為乾拌冷麵同湯冷麵兩種。就咁撈,味道濃;湯冷麵就湯頭簡單、清爽,麵條有嚼勁。
隨文附上KKday【韓國超級攻略】特選片段。
有美食推薦,當然亦會有行程推介啦:
>> 中文教學,初學者也能輕鬆學滑雪!
>> 冬季限定版,有機草莓園、晨靜樹木園燈節、雪盆一日遊
出發韓國,你會需要:
>>  韓國高速 WiFi蛋
>>  韓國4G 上網Sim卡
▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday
【Budweiser發光打氣杯 陪你嗌足六十四場!】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→