【韓國|濟州島】十大必去必訪景點 文字


韓國人心目中嘅度假天堂-濟州島位於朝鮮半島南方嘅一個小島,原始嘅漢拏山生態、白淨嘅沙灘、新鮮無污染嘅空氣同「海女」文化,令到濟州島成為近年嚟新興嘅觀光勝地,今次就等KKday小編帶你一一細數濟州島有邊啲必去景點啦!
濟州島全島一共分咗為五區,分別係濟州市區、西歸浦市、東部、西部同正中間嘅漢拏山,小編就會以呢五區為分類介紹各大景點俾大家~
#濟州島市區
1.東門市場 동문재래시장
圖片來源|Shutterstock東門市場係濟州島三大市場入面最大亦都係最好行嘅一個!連接住七星商店街同中央地下街,構成濟州島最繁華嘅區域。濟州島嘅海鮮同漁貨都特別新鮮,喺市場入面可以試到好多海鮮醃制品同傳統小食,由最基本嘅辣炒年糕、紫菜包飯、魚糕到濟州島名產好似係柑橘製品、綠茶、朱古力同石頭爺爺都可以喺度買得到。
韓國衫、流行產品同文具就集中喺七星商店街同中央地下街,小編舊年去濟州島嘅時候就喺七星商店街買到唔少靚衫,價格亦比首爾平好多,如果你鐘意行街Shopping就一定要嚟!
▶︎地址:16 Dongmun-ro, Ildoil-dong, Cheju, Jeju-do, 韓國(座標:33.512760, 126.528383)
▶︎電話:+82 64-722-3284
▶︎營業時間:08:00-21:00,星期日公休
▶︎交通:搭市區巴士去中央路交叉口或者東門市場站
2. 黑豬肉一條街 흑돼지거리
圖片來源|Carol Hou行完東門市場就不妨散步去大名鼎鼎嘅濟州島黑豬肉一條街,濟州島最出名嘅美食就係黑毛豬肉,嚟濟州島一定要試下食烤肉配燒酒!
▶︎地址:25 Gwandeong-ro 15(sibo)-gil, Geonip-dong, Cheju, Jeju-do, 韓國(座標:33.515513, 126.526686)
▶︎電話:+82 64-753-0008
▶︎交通:同東門市場僅徒步十分鐘距離
3. 龍頭岩 용두암
圖片來源|Shutterstock濟州島嘅地標龍頭岩係大自然嘅鬼斧神工之作,經年累月俾海水沖刷同風化令佢遠睇就好似一條龍冒出海面咁。傳說以前濟州島上面有條龍偷咗漢拏山神靈嘅寶物,逃走時俾發嬲嘅漢拏山神靈用弓箭射中,跌咗去海邊。龍身就沉咗入海底,露出嘅頭部仰望星空化成石頭,就變成咗龍頭岩。呢度景色優美、適合散步影相,一路向龍淵雲橋行仲可以見到飛機起落,韓綜爸爸去哪兒同電視劇都曾經選址呢度作為拍攝地。
▶︎地址:15 Yongduam-gil, Yongdam 2(i)-dong, Cheju, Jeju-do, 韓國(座標:33.516128, 126.511914)
▶︎電話:+82 64-728-3918
▶︎入場費:免費,停車費:₩500
▶︎交通:龍潭圓環站,往海邊方向行五分鐘
▶︎官網:龍頭岩
#西歸浦市區
4. 正房瀑布 정방폭포
圖片來源|Shutterstock濟州三大瀑布之一,亦都係亞洲唯一直接入海嘅瀑布。瀑布懸崖上面刻有「徐市過之」,傳說秦朝時秦始皇派徐福帥三千童男童女出海搵長生不老藥,途中就嚟到濟州島正房瀑布,而「西歸浦」亦都正係徐福西歸中國嘅意思。正房瀑布水勢浩大、水質清透,好多人夏天都會喺瀑布溪邊戲水,亦都係打卡影靚相嘅好地方。
▶︎地址:37 Chilsimni-ro214beon-gil, Donghong-dong, Seogwipo, Jeju-do, 韓國(座標:33.244852, 126.571825)
▶︎電話:+82 64-733-1530
▶︎入場費:個人 – 成人₩2000 / 兒童、青少年、軍人₩1000,六歲以下免費
▶︎開放時間:08:30-18:00
▶︎交通:西歸浦市中央路,搭往甫木方向嘅市區巴士,西歸浦KAL飯店站落車
▶︎官網:正房瀑布
5. 中文觀光園區 중문관광단지
圖片來源|Shutterstock位於濟州島西歸浦市西南區域嘅中文觀光園區,規模大、景點集中,係韓國最出名嘅綜合觀光園區,好多博物館、公園、高級酒店都集中喺呢度,道路規劃乾淨美觀,剩係喺中文觀光園區都可以玩足兩日!其中泰迪熊博物館係必去,館入面收藏咗上千隻極具特色嘅熊公仔,有啲仲可以俾遊客攬住影相~另外好似美地植物園、太平洋樂園、朱古力樂園呢啲都係出名嘅觀光區。
西歸浦市嘅海鮮料理相當興盛,尤其中文觀光園區入面有好多唔錯嘅海鮮餐廳,行足一日之後不妨搵間餐廳大啖嘆下海鮮~
▶︎地址:濟州特別自治道西歸浦市穡達洞(座標:33.248652, 126.412470)
▶︎電話:+82 64-739-1330
▶︎官網:中文觀光園區
▶︎交通:
(1) 機場巴士 : 喺濟州國際機場搭600號機場巴士 → 中文觀光園區落車 (大約需45分鐘)
(2) 幹線巴士 : 喺濟州市區搭幹線巴士 → 中文觀光園區入口落車 (大約需50分鐘)
(3) 支線巴士 : 喺西歸浦市區搭支線巴士 → 天帝淵瀑布入口或中文觀光園區入口落車
▶︎ 濟州島西部區交通不便?泰迪熊博物館、山房山大巴一日遊
#中央全島高峰
6. 漢拏山(漢拿山) 한라산
圖片來源|Shutterstock漢拏山係濟州島第一高峰,位於濟州島正中間,海拔1950公尺,同金剛山、智異山並稱為韓國三神山,傳說有神仙居住,又被稱為「瀛州山」。山上面涼爽清幽,每年春天山上面花團錦簇,係當地嘅旅遊旺季,另外漢拏山擁有珍貴豐富嘅生態圈,由溫帶到寒帶植物垂直分佈。
提下大家,漢拏山有多條登山路線,大家可以根據自己嘅登山經驗揀,小編舊年去漢拏山行錯山徑,揀錯條專業登山者行、最陡峭嘅路線,搞到落山之後成個人都散晒⋯不過同小編一齊去嘅朋都有人成功登頂,可見做好準備嘅話,要喺漢拏山登頂都唔係難事~
另外觀音寺登山路線有露營場,落山後附近亦有好多馬場,有興趣嘅旅客可以順便去體驗下馬術課程。
▶︎小編提醒:因為濟州島土質特性,行山徑會有好多碎石,大家行山時一定要小心呀!
▶︎座標:33.361665, 126.529081
▶︎電話:+82-64-713-9950~3
▶︎官網:漢拏山路線開放時間
▶︎交通:
(1) 御里牧登山路-濟州市外巴士客運站 ↔ 中文市外巴士客運站,喺御里牧落車。
濟州市 → 御里牧入口,所需時間35分鐘
中文 → 御里牧入口,所需時間45分鐘
(2) 靈實登山路-濟州市外巴士客運站 ↔ 中文市外巴士客運站,喺靈實售票處落車。
濟州市 → 靈實售票處入口,所需時間 55分鐘
中文 → 靈實售票處入口,所需時間25分鐘
(3) 城板岳登山路-濟州市外巴士客運站 ↔ 西歸浦市外巴士客運站,喺城板岳落車。
濟州市 → 城板岳,所需時間36分鐘
西歸浦市 → 城板岳,所需時間38分鐘
(4) 觀音寺登山路-無定期路線巴士,需要包車或者自駕。
▶︎【濟州走透透】 神奇之路、漢拿山、柱狀節理帶 南部巴士一日遊
#東部
7. 牛島 우도
圖片來源|Shutterstock牛島絕對係小編嘅私心最愛,島上碧海藍天、沙灘白淨,海鷗就喺你隔離飛過,海水清澈到可以清楚見到水中生物。島上車好少,基本上都係租單車或者電動車,空氣新鮮到幾乎無污染,簡直就好似個世外桃源咁,附近仲可以見到海女捕魚,好適合嚟個輕鬆嘅單車遊;花生冰、漢拏山炒飯同海鮮湯麵等都係好出名嘅美食,只能講去濟州島唔去埋牛島就太可惜啦~
▶︎座標:33.504296, 126.954391
▶︎交通:由濟州市外巴士客運站或西歸浦巴士客運站搭幹線巴士去城山港,約需1小時30~40分鐘,再轉搭郵輪,約15分鐘一班,可載汽車。
▶︎船費:
單程-成人 ₩3500 / 青少年(中學生以上) ₩2800 / 小學生 ₩1000 / 年滿2歲以上 ₩700
來回-成人 ₩5500 / 青少年(中學生以上) ₩4800 / 小學生 ₩1700 / 年滿2歲以上 ₩1400
▶︎小編提醒:外國人要帶護照先可以搭船㗎~
▶︎牛島潛水艇,下潛30公尺海中探險
8. 城邑民俗村 성읍민속마을
圖片來源|Shutterstock位於漢拏山山腳嘅城邑民俗村完整保留咗1890年代濟州人嘅傳統生活方式同建築,係活生生嘅韓國文化資料館,呢度介紹咗濟州島特殊嘅「海女」文化、養馬習慣同早期以村為單位嘅「共產」經濟,適合一家大細嚟玩,可以深入咁了解下濟州島嘅文化同歷史。
▶︎小編推薦:當年熱爆全港嘅韓劇「大長今」就係喺呢度進行拍攝㗎喇!
▶︎地址:韓國 Jeju-do, Seogwipo, Pyoseon-myeon, Seongeupjeonguihyeon-ro, 19(座標:33.386343, 126.799732)
▶︎電話:+82 64-710-6797
▶︎官網:城邑民俗村
▶︎交通:搭幹線巴士喺城邑(旌義城邑)落車
9. 城山日出峰 성산일출봉
位於島上東邊嘅城山日出峰係世界上少見保留完整嘅海底火山丘,頂部有火山口,遠睇就好似個大湯碗咁,非常特別,被列為世界自然遺產。呢度面朝大海,適合睇日出,喺山頂上面可以清楚咁睇到太陽由大海一邊慢慢咁升起,照耀住海洋大地,光線串過雲層映射出嘅光彩更加係如夢似幻,成幅水彩畫咁!呢度亦係韓國人跨年睇日出嘅名景點,可能你上唔到漢拏山,但一定要嚟行城山日出峰呀!
▶︎地址:濟州特別自治道西歸浦市城山邑日出路284-12(座標:33.458412, 126.942500)
▶︎電話:+82-64-710-7923
▶︎入場費:個人 – 成人 ₩2,000 / 青少年與軍人 ₩1,000 / 兒童 ₩1,000,6歲以下及65歲以上免費
▶︎交通:搭幹線巴士去到城山日出峰站落車。
涉地可支 섭지코지
圖片來源|Shutterstock城山日出峰附近嘅涉地可支亦都相當值得去一趟,涉地可支同樣位於濟州東邊海岸,係一塊突出嘅地形。海岸懸崖上面係一大片寬闊草地,春夏嘅時候油菜花盛開,同背後湛藍嘅海洋相輝映,成為當地旺季嘅熱門旅遊點。
涉地可支其中一邊有座燈塔,行上燈塔嘅鐵台階扶欄而立,就可以將海岸嘅絕美風景盡收眼底。遼闊平緩嘅考地山坡上面仲有石頭搭成嘅烽燧臺,至今仍然保留住原貌。
▶︎地址:262 Seopjikoji-ro, Seongsan-eup, Seogwipo, Jeju-do, 韓國(座標:33.423541, 126.929334)
▶︎電話:+82 64-782-0080
▶︎官網:涉地可支
▶︎交通:幹線巴士去到涉地可支站落車
▶︎ 懶人包車遊濟州島東部,城山峰日出、牛島、涉地可支 任揀行程玩到底
#西部
10. O’ sulloc 雪綠茶博物館 오설록티뮤지엄
圖片來源|Shutterstock呢個以「綠茶」為主題嘅博物館,介紹咗韓國傳統飲茶文化。呢座建築物本身就好出名,因為佢遠睇好似一個綠茶杯咁,而內部設計就結合咗現代同傳統嘅特色,有池塘、庭院等空間令旅客可以喺大自然入面品茶同食茶點,另外呢度都好啱大家買手信㗎~
行完綠茶博物館之後大家可以去隔離嘅innisfree濟州島玻璃小屋睇下,有留意化妝品嘅話相信都知innisfree係韓國美妝品牌,而佢哋嘅產品好多天然成分都係取自濟州島,館入面有化妝品體驗區同有機Coffee Shop,仲可以體驗做手工皂。
▶︎小編推薦:GD開嘅MONSANT CAFE都喺同一區㗎,想去勻嘅不妨安排一日全日留喺西部區。
▶︎地址:1235-3 Seogwang-ri, Andeok-myeon, Seogwipo, Jeju-do, 韓國(座標:33.305902, 126.289444)
▶︎電話:+82 64-794-5312
▶︎營業時間:09:00-18:00
▶︎交通:濟州市外巴士站搭幹線循環巴士到「오설록奧雪綠」落車
▶︎官網:O’ sulloc
▶︎ O’ sulloc 綠茶園+GD咖啡廳,濟州島西部區包車走透透
睇完呢十大景點,你係咪都好想去濟州島呢?快啲訂好機票收拾行李出發啦!
去濟州島你可能會要:
▶︎自由行必備高速WiFi,唔識韓文都唔怕蕩失路!
▶︎交通麻煩?濟州島超值包車行,多條路線任你揀
去濟州島你可以睇埋:
▶︎【韓國|濟州島】機場、市內外交通全攻略
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→