【韓國|濟州島】機場、市內外交通全攻略 文字


近幾年濟州島成為咗大家嘅新歡,自然景色同純樸嘅氛圍唔單止係韓國人嘅「後花園」,更加吸引咗世界各地嘅遊客,每年扶搖直上嘅觀光人數促使韓國政府不斷改善島上面嘅交通。想自由行玩轉濟州島,就等KKday小編帶你由機場交通到市區巴士、跨區巴士、牛島渡輪一次過搞掂!
#香港飛濟州島航班
圖片來源飛濟州島通常有兩個方法,一係喺首爾金浦機場/釜山金海機場轉韓國國內線飛濟州島,另外一個就係直飛濟州島~香港直飛濟州島嘅航班唔算多,但每日都有至少一班,如果搶到平機票亦都唔貴,大家可以多啲留意下機票消息~
#濟州機場至市區
島上嘅公共交通工具得巴士,所以一定要買張T-Money或者Cashbee,喺機場7-11就買得到,唔止濟州,喺韓國好多地方都會用,就好似香港嘅八達通咁方便。
你亦都可以揀用外國人專用嘅M-Pass,M-Pass分為1、2、3、5、7日券,一日最多可以用20次,儲值咗之後除咗交通卡嘅功能之外,仲可以好似T-Money咁喺便利店同的士用嚟比錢。
如果你要離開韓國或都唔再需要用到T-Money或者Cashbee嘅時候,你可以喺GS25、CU、7-eleven、Mini Stop、Withme、Buy The Way 等等貼有標誌嘅便利店進行退卡,退款嘅時候會扣₩500手續費,再退還押金同餘額。
▶︎卡費:
(1) T-Money & Cashbee:空卡₩2500(₩2000押金,₩500手續費)
(2) M-Pass:1日券/2日券/3日券/5日券/7日券價錢分別係₩10000/18000/25500/42500/59500,除咗卡片費用,仲要比₩5000(₩4500押金,₩500手續費)
▶︎小編提醒:今年濟州島巴士已經由08月26號起大改版,市區市外巴士路綫號碼將會重組,而票價統一為₩1200起價。另外亦增加咗直通機場嘅急行巴士。最正嘅係每架巴士上面都有Wifi,等各位唔洗再驚蕩失路啦~
▶︎官網:濟州島公車改版
【急行巴士】
由2017年08月26號起新開設嘅急行巴士,巴士號碼係1字開頭,紅色車身。會由機場出發直達濟州島各大區,再沿原路返返機場,橫跨好幾區,大約一個鐘就可以繞行全島。但係站就比較少,只會停大站,有啲觀光景點就未必去到,而目前總共有12條路線。
▶︎車費:₩2000~₩4000(每5km增加500)
▶︎搭乘處:入境大廳出口
▶︎官網:官方巴士路線下載
【機場巴士】
機場巴士600號,途中會經過濟州島市區、中文觀光園區同西歸浦區。車上位置大,適合帶住大行李嘅旅客,車內有亦有中文廣播。
▶︎班次:往市區06:20-22:00,往機場06:20-21:50,18-20分鐘一班。
▶︎搭乘處:Gate5 出口 機場2號停車站搭車
▶︎車費:₩4500-₩5500
【市區巴士】
途經機場嘅支線巴士有400、465-2號等等可以直接去到濟州市外巴士站。市區巴士雖然平啲但車上面就冇中文廣播,比較多韓國人搭,而且停嘅站成日會有變動,建議事前要做足功課,同埋上車前同司機確認咗先好搭。
▶︎搭乘處:Gate2 出口 機場1號停車站搭車
▶︎車費:約₩1200
【的士】
圖片來源|Coral Hou的士分為往濟州市區方向同往西歸浦方向,分為黑同銀兩種顏色,起跳價一樣。另外仲可以留意如果車身有紅、黃、綠條紋嘅的士代表佢係20年以上無事故嘅優秀司機~
▶︎乘搭處:Gate2 出口直行,面對停車場嘅右邊係往濟州市區嘅乘車處、而左邊係往西歸浦區嘅乘車處。
▶︎車費:首2公里₩2800,之後每144米/35秒₩100
#濟州島市區交通
【支線巴士(市區巴士)】
圖片來源喺08月26號濟州島交通重組後,市區巴士會改叫做支線巴士,車身係綠色,巴士路線主要分為3大類,分別係濟州市支線 (巴士號碼係4字開頭); 西歸浦支線(巴士號碼係6字開頭);同邑面支線 (巴士號碼係7字開頭)。由於支線巴士主要係畀當地居民乘搭,所以車上未必會有中文廣播,大部分司機亦剩係識講韓文,所以最好喺去之前將目的地嘅韓文寫或印定出嚟,到時俾司機睇就唔怕雞同鴨講啦。
▶︎車費:₩1200起價
▶︎小編提醒:有啲巴士一日唔夠十班,有啲最夜九點就尾班車㗎啦,記得要查定站牌嘅時間表或者問下巴士司機呀~
【黃金觀光巴士】
由濟州市政府運營,途經各大必訪景點,例如係東門市場、黑豬肉一條街、新羅免稅店等等,車上面每個座位都配有耳機,入面有中英韓日四語導覽,站牌上面亦都有四語簡介,係專門為觀光客設立嘅巴士,咁就唔洗怕搭錯車同蕩失路啦~
▶︎路線:濟州歡迎中心→濟源公寓(寶健路)→THE飯店&Vegas賭場入口→濟州市外巴士客運站→濟州市廳(光陽十字路口)→濟州KAL飯店入口→濟州民俗自然史博物館(濟州三姓穴)→濟州國際客輪站→濟州沿岸碼頭→東門市場→Ramada飯店入口→觀德亭→西門市場→龍頭岩→濟州國際機場→樂天城市飯店入口→濟州道立美術館→ 漢拏樹木園→濟州Grand飯店入口→濟州歡迎中心
▶︎車費:成人₩12000/六歲以上兒童青少年₩10000,上車嘅時候比現金或者用T-Money買飛,一日可以唔限次數咁搭。
▶︎行駛時間:08:00-20:50,每個月第三個星期一公休
▶︎班次:每日12班,一個鐘一班,尾班車19:00
▶︎停靠站:循環巴士,22站一循環,全程一共一小時五十分鐘
▶︎官網:濟州島市區黃金觀光巴士
#跨區市外交通
【自駕】
圖片來源|Shutterstock遊濟州島最好嘅方式其實係自駕遊,如果有睇開韓國綜藝節目或者電視劇,唔難發現韓國人去濟州島旅行嘅時候都會傾向於自己揸車,好處係島上面有好多私房景點都係自駕遊去會方便好多㗎!
▶︎【濟州自駕遊】 韓國濟州島租車服務・現代AVANTE 5人座
除咗自駕遊之外,亦都有好多人會以包車嘅方式玩濟州島,一班好朋友出發除返開其實都唔算貴,仲方便好多~
▶︎濟州島包車環島,尋覓私房景點
【幹線巴士(市外巴士)】
呢幾年隨住濟州島觀光興起,市外巴士線亦都愈嚟愈多,巴士路綫重組後會將市外巴士改做車身藍色嘅幹線巴士。幹線巴士一共有3種,分別係連接濟州市同西歸浦市號嘅一般幹線巴士 (巴士號碼係2字開頭); 由濟州市出發嘅幹線巴士(巴士號碼係3字開頭);同由西歸浦市出發嘅幹線巴士 (巴士號碼係5字開頭)。幹線巴士嘅站點密集,遍及咗全島,一般嘅景點都可以到達。所以唔識揸車或冇咁多預算包車嘅遊客唔洗擔心,出發前研究定濟州島巴士路線圖就可以玩得又慳又開心!
圖片來源|Coral Hou想由濟州市區去其他區域,要先搭支線巴士(市區巴士)去市外巴士站,再去櫃檯詢問買飛,或者直接上車嘟卡告知目的地就得。
▶︎地址:174, Seogwang-ro, Jeju-si, Jeju-do제주특별자치도 제주시 서광로 174 (오라일동)(座標:33.499716, 126.514843)
▶︎ 電話:+82-2-1330(中英韓日客服)
#往牛島
圖片來源|Coral Hou唔少人嚟到濟州島都會特別去牛島,牛島擁有韓國最靚海岸,位於濟州島東南面,由城山港出發搭渡輪去牛島天津港只係需要大約15分鐘,島上面好細,交通係用單車、電動車或觀光巴士,適合輕鬆去Hea足一日,享受下小島美景。
▶︎城山港地址:Seongsan-eup, 西歸浦市南韓(座標:33.473292, 126.933570)
▶︎票價:
單程:成人 ₩3500 / 青少年(中學生以上) ₩2800 / 小學生 ₩1000 / 年滿2歲以上 ₩700
來回:成人 ₩5500 / 青少年(中學生以上) ₩4800 / 小學生 ₩1700 / 年滿2歲以上 ₩1400
去濟州島必備:
▶︎濟州島 機場接送服務 (中文司機)
▶︎自由行必備高速WiFi,影相打卡GPS一機搞掂
▶︎濟州島西部區交通不便?泰迪熊博物館、山房山大巴一日遊
▶︎懶人自選包車遊濟州島東部,城山峰日出、牛島、涉地玩到底
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→