【韓國|釜山】10月期間限定三大慶典 文字


一年容易又秋天!話咁快又到咗紅葉季,相信釜山都會係唔少人賞紅葉嘅選擇。而十月嘅釜山除咗有紅葉睇之外,仲有三大國際節日盛事會舉行~如果你嚟緊十月都計劃去釜山嘅話,咁你就絕對唔可以錯過呢三大慶典啦!
1.釜山國際煙火節
圖片來源|Shutterstock每逢十月,釜山就會開始熱鬧起嚟,世界各地嘅旅客都會湧去釜山,為嘅就係一年一度嘅釜山盛事—國際煙花節!釜山國際煙花節嘅起源係為咗慶祝2005年APEC高峰會議,於是就喺附近嘅廣安里放煙花,結果大受好評,所以就決定每年10月尾都會舉辦煙花表演~去到今年已經係第12年啦!成個表演歷時一粒鐘,表演總共分為多媒體煙花表演、華麗音樂鐳射燈光表演、海上表演等等多個部份,一定會令你目不暇給。
圖片來源|KKday煙花會喺廣安里海水浴場附近施放,璀璨嘅煙花喺釜山夜景嘅襯托下,特別奪目吸引!當地韓國人甚至會帶埋炸雞同啤酒,一路睇煙花一路嘆~試幻想下一啖凍冰冰嘅啤酒,一啖熱辣辣嘅炸雞,再加埋璀璨嘅煙花,個feel真係超正!如果錯過咗就要等一年先再有得睇㗎啦~
由於係全韓國最大嘅煙火節,當日一定會有很多人,咁點算好呢?唔洗擔心,小編已經幫你諗好喇!你可以喺KKday預先購買釜山煙火節嘅門票,裡面包含咗紅區嘅座位,咁就唔洗同人逼啦~
圖片來源|KKday▶︎小貼士:雖然大多數嘅遊客都會揀喺廣安里嘅海灘上面欣賞煙花,不過小編更加推薦你去附近嘅荒領山、二技台公園,除咗唔洗同人迫之外,視野仲更加廣闊!
▶︎活動日期:2017年10月28日
▶︎地址:釜山廣域市水營區廣安海邊路219 (廣安洞)
▶︎活動地點:廣安里海水浴場及廣安大橋一帶
▶︎交通:搭乘40、41、42、139、1001、1003號市區巴士,到達廣安里後落車。或者可以搭地鐵去金蓮站(3或5號出口)或廣安站(3或5號出口)。
▶︎ 2017釜山煙火節門票 事先預訂座位區唔洗一早排隊霸位!
2. One Asia Festival 同一個亞洲文化節(BOF)
圖片來源|One Asia Festival各位韓迷注意!2016年首次舉辦嘅釜山同一個亞洲文化節,係亞洲最大嘅韓流慶典,吸引世界各地嘅KPOP Fans去釜山朝聖。今年One Asia Festival會喺10月22日再度襲捲釜山!
為期10日嘅慶典除咗可以睇到依家最紅嘅KPOP明星演出,仲有多種風格嘅戶外音樂會,並會喺最後一日舉行頒獎典禮。身為KPOP迷嘅你心動不如馬上行動,如果唔係會後悔莫及㗎~
圖片來源|One Asia Festival開幕演唱會嘅出演名單小編依家就嚟話你知!當紅女團Apink、BLACKPINKGRIEND;男團BAPGOT7以及因選秀節目PRODUCE 101 S2而爆紅嘅Wanna One等都會喺釜山亞運會主體育場嘅舞台表演!近距離睇到佢地唔再係夢,KKday已為你預備好開幕演唱會嘅門票喇,仲包埋釜山觀光巴士套票,快啲準備出發啦!
【開幕演唱會】
▶︎ 活動日期:2017年10月22日
▶︎ 地址:釜山廣域市蓮堤區世界盃大路344(座標:35.190107, 129.058209)
▶︎ 活動地點:釜山亞運會主體育場
▶︎ 交通:搭乘釜山地鐵3號線至綜合運動場站9號出口或社稷站1號出口落車。
▶︎ 詳細資訊:One Asia Festival 官網
▶︎ 2017 釜山One Asia Festival演唱會門票&釜山觀光巴士套票
3.釜山電影節
圖片來源釜山國際電影節由1996年起開始舉辦,依家已經發展成為韓國規模最大嘅國際電影節,亦係世界矚目嘅電影盛會之一。每年釜山電影節都會邀請到重量級嘅韓國明星,例如今年就會有張東健同金荷娜做司儀!如果十月計劃去釜山嘅朋友,不妨試下嚟電影節舉辦嘅場地碰下運氣,話唔定可以遇到你嘅男神/女神!而且影展期間都會播放各國嘅精彩電影,鐘意電影嘅你就一定唔可以錯過啦!
唔講唔知,釜山國際電影節就連舉辦嘅地方都係釜山嘅知名建築,場館有世界最大規模嘅屋頂建築設計,每當夜晚燈光亮起再同附近江邊、公園嘅夜景交織埋一齊,形成無比夢幻嘅場景~
▶︎活動時間:2017.10.12 ~ 2017.10.21
▶︎地址: 釜山廣域市海雲臺區佑洞
▶︎交通:撘釜山地鐵2號線,到Centum City站,再轉5-1、36、39、40、63、115、139、141、155、181、307、1001、1002號巴士,喺新世界百貨公司前落車後,行5分鐘
記得十月份去釜山嘅話千祈唔好錯過呢三大盛典啦!
▶︎【釜山出發】韓國楓葉必賞之地—內藏山一日遊
▶︎【自由行必備】釜山觀光巴士 一次過走遍必去景點!
▶︎釜山一日遊都OK! 韓國鐵道周遊券Korail

資料來源: 【韓國|釜山】10月期間限定三大慶典

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→