香港野餐大草地!|下集 文字

上集小編就介紹左佐敦谷公園、西九海濱長廊同大埔海濱公園,想重溫可以睇呢到>>香港野餐大草地!|上集 今集繼續同大家介紹其他秋天野餐好去處,睇完記得約朋友一齊去!

1.塔門
西貢小編相信大家都有去過,咁有無試過喺西貢黃石碼頭搭船入塔門呢?
沿途風景都幾靚,青山綠水。
可以望個海野餐傾計,好Chill~低成本有海景享受。
不過就好多牛牛,所以啲草都唔係好茂盛,仲要小心佢哋「打劫」你個野餐盒啊!
交通方法:
搭港鐵至大學站,轉乘街渡一個鐘即可抵達,每日上午八時半及下午三時正開出。或可由西貢搭九巴至黃石碼頭,再轉乘每個鐘一班嘅街渡。
(圖片來源)
2.迪欣湖
(圖片來源)
迪欣湖嘅草地比塔門青翠得多,雖然無海景,不過有全香港最大嘅人造湖補番數。除左野餐外,仲可以選擇坐船/踩單車遊湖,大人小朋友都啱!
(圖片來源)
迪欣湖仲有樣好,就係有便利店!唔夠嘢食嘢飲都可以即時補倉。
交通方法:
搭港鐵至迪士尼站,再步行十五分鐘就到喇!唔想行路嘅朋友仔亦都可以喺迪士尼站搭R8巴士去,幾分鐘就到,好方便。
3.觀塘海濱花園
(圖片來源)
觀塘海濱花園係少有位於九龍區嘅野餐場地,交通十分方便,可以選擇搭巴士或港鐵去。
(圖片來源)
整個長廊有唔少特別擺設,好有藝術感。小編建議喺觀塘海濱花園野餐完,睇埋日落後,可以再慢慢沿住長廊散下步,欣賞下特別嘅擺設,影相出黎好有Feel。
交通方法:
港鐵觀塘站B3出口/牛頭角站B6出口,步行10-15分鐘,巴士就喺觀塘碼頭巴士總站落車。另外,港島區嘅朋友亦可以喺西灣河/北角坐船到觀塘碼頭。
▲認識KKday▲
KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!
KKday 網頁: www.kkday.com
KKday Facebook: KKday

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→