【馬來西亞】探訪各特色清真寺 文字


馬來西亞除咗雙子塔仲有啲乜?等小編帶你另類玩大馬,換句話即係「文青深度遊」,一次過滿足你探索文化、影相打卡同鑽竉鑽罅嘅三個願望。
作為宗教共融嘅馬來西亞,周圍都可以見到唔同宗教建築物,尤其以伊斯蘭教清真寺居多。同香港非常唔同,馬來西亞嘅清真寺都各有特色,無論係建築外形定係背後歷史,都非常值得大家去探索。
小編提提大家,大部分清真寺都可以入內參觀,不過記得要入鄉隨俗,先詳細了解伊斯蘭教嘅規矩同禁忌,同抱住尊重嘅態度去參觀。
一、布城清真寺(粉紅清真寺) – 布城
布城距離首都吉隆坡大概半個鐘頭車程,係馬來西亞嘅行政中心,成個城市就等同香港嘅添馬艦政府總部咁。而粉紅清真寺(Putra Mosque)就坐落其中。由於粉紅色嘅外表相當少見,加上係東南亞最大嘅水上清真寺,令粉紅清真寺相當受遊客歡迎。如果想影到喺水上嘅效果,記得要去太子橋(Jambatan putra),睇完可以順便去附近嘅首相府同王宮參觀。
圖片來源圖片來源
圖片來源圖片來源
二、國家回教堂(國家清真寺) – 吉隆坡
國家清真寺(Masjid Negara)位於吉隆坡市中心,鄰近各個旅遊景點,同時係東南亞最大嘅清真寺。國家清真寺並唔係一般大家所想象嘅傳統建築風格,而係採用現代風格去詮釋伊斯蘭文化同宗教,而最特別嘅就係清真寺藍色遮(雨傘)狀嘅屋頂。參觀完記得去埋附近嘅吉隆坡火車站同茨廠街!
圖片來源圖片來源圖片來源圖片來源位於附近嘅吉隆坡火車站
三、海峽清真寺 – 馬六甲
位於馬六甲嘅海峽清真寺(Masjid Selat Melaka)同布城清真寺差唔多,都算係水上清真寺,佢係建立喺人工島之上。如果話布城清真寺係比較適合日頭攝影嘅話,咁海峽清真寺就係黃昏必去嘅景點,日落同清真寺喺水上嘅倒影絕對係不容錯過嘅攝影時機!清真寺喺晚上亦會有另一番景象,感覺比日間更美!
圖片來源圖片來源圖片來源
四、蘇丹阿布巴卡清真寺 – 柔佛
蘇丹阿布巴卡清真寺(Masjid Negeri Sultan Abu Bakar)規模相對較細,但同上面幾個清真寺相比歷史較悠久,更加係馬來西亞最古老嘅清真寺。蘇丹阿布巴卡清真寺建於1900年,喺山上望出去可以見到柔佛海峽嘅風景,更加有機會望到新加坡。蘇丹阿布巴卡清真寺屬於伊斯蘭同維多利亞式建築風格,純白嘅外墻更為清真寺增添美感。
shelby.kkhk | 跟著KKday去旅行shelby.kkhk | 跟著KKday去旅行shelby.kkhk | 跟著KKday去旅行想同時去埋其他景點,記得唔好錯過:
>>>吉隆坡市區拼車半日遊
>>>【吉隆坡出發,怡保二日遊。客製化包車】中文深度導覽

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→