【KKday Q&A】台灣「打工換宿」五何法 文字


喺香港讀書同工作壓力太大,大家一有機會就想離開香港,而且時間愈長愈好。所以唔同地方嘅工作假期都大受歡迎,但成本其實都唔低咖!想去其他地方放個長假,又冇咩budget嘅話,可以試下去台灣打工換宿!
打工換宿雖然都係要做嘢,但工作相對輕鬆簡單,而且台灣除咗生活節奏比較慢之外,生活成本都低啲。正因為咁,好多香港人sem break會去、gap year會去、grad trip會去,甚至正式做嘢之後都會去~咁到底去打工換宿要點寫CV?又可以去邊度睇有提供換宿嘅地方呢?一於等KKday用五何法幫你逐個拆解!
1. 何時
你可以逗留喺台灣幾耐呢?一般嚟講,當地民宿都會要求工作兩個星期或以上,如果留台時間太短,選擇就會少好多;相反,如果換宿時間超過兩星期,大部分民宿都會有day off比你玩足全日,甚至會有零用錢~另外,CV需要填寫實際換宿日期,建議可以先買機票,確認自己到達同離開嘅日期。
另外,每日嘅工作時間都可以預先溝通。雖然去到要做嘢,但放心唔會好似香港咁OT無極限~大約了解一下咩時間需要幫手,就可以計劃空閒時間嘅行程啦!
2. 何地
台灣有好多各式各樣嘅民宿,台北台中台南墾丁等等都有,你心水嘅地方又係邊到呢?預先做定功課,搵定心水民宿再買機票就perfect池啦!
揀民宿要留意下佢地嘅確實位置,好多民宿都會以近機場作為賣點,因為遊客瘋狂購物完一袋二袋唔會想山長水遠去機場。不過,呢啲民宿一般都會離市區或者購物嘅地方較遠。對於去打工換宿嘅你,每日可能得半日嘅自由時間,如果要花好多時間喺交通上就唔抵啦~
實用網站>>
打工換宿遊台灣
打工換宿.背包環島
3. 何人
見工要比CV同自我介紹是常識吧!打工換宿當然都要啦~不過就唔洗咁formal嘅~去打工換宿,重視嘅係性格多過工作經驗或者學歷。因為要幫手接待客人,所以最好展示你「歐高型」同開朗嘅一面啦!如果你有咩長處都可以話比人知,例如係唱歌彈結他講爛gag等等,能夠娛樂大眾就更加受歡迎啦~
一般民宿都會提供履歷表比你填個人資料,絕大部分都會有相片位(你的樣子如何…講笑啫~)咁洗唔洗比張斯文著suit相呢?係唔洗嘅!上面都提到要展示開朗嘅一面啦~所以可以比張戶外活動嘅相,或者係笑得燦爛嘅生活照,都可以幫助人更了解你!
4. 何事
你心目中嘅打工換宿係要做咩呢?如果怕自己半途而廢,可以先上網睇下其他人嘅分享,睇下自己嘅預期同現實相唔相符,亦可以評估下自己做唔做得嚟。不過最最最重要都係調整自己嘅心態,認清打工換宿嘅代價,唔好當自己係遊客!
雖然大部分台灣人都係好友善,唔會因為你打工換宿就勞役你,但如果你做慣大少、大小姐,洗廁所嫌污糟,招呼人又嫌麻煩嘅話,打工換宿就可能唔太啱你啦~
5. 何解
最後,就係你點解要去打工換宿呢?呢個問題喺答人哋之前,要答咗自己先!純粹想慳旅費?想試下喺其他地方打工?定係想認識多啲台灣文化?除咗認清打工換宿嘅代價之外,認清自己換宿嘅理由都好重要!一方面可以增加成功應徵嘅機會,另一方面,就算到時遇到啲咩困難,諗番自己嘅目的都易啲堅持落去嘛~
暑假係打工換宿嘅高峰期,快手搶張平機票然後gogogo啦!
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→