【Travel Fashion】4種旅行時最常見衣著 文字


去旅行帶咩衫都係一個學問!唔同人對於去旅行嘅衣著都有唔同嘅要求,有人會以舒適為主、有人會以「女神」為主,你又係邊類人呢?小編今次總結左4類去旅行最常見嘅衣著類型,一齊睇下又有無自己份?
一、樸素型
所謂「養兵千日,用在一時」,樸素型嘅朋友將中學至大學所著過嘅社團T shirt (又稱頹T) 收收埋埋,到去旅行嘅時候就係發揮頹T剩餘價值喇。將五顏六色嘅頹T帶去旅行,當睡衣又得,出街又得,得左。而且免卻襯衫嘅煩惱,慳行李空間慳時間,兼且整污糟左都唔心痛。
常見出沒地點:泰國等東南亞國家
常見旅遊行程:沙朵水上市集Safari World等比較容易整污糟自己嘅地方!

二、浮誇型
同第一類樸素型嘅人相反,浮誇型嘅朋友一去旅行就實行衣著大解放。抱住去到外國都無人識自己嘅心態,平時係香港唔會著/唔敢著嘅衫就會出動~闊邊太陽帽、浮誇太陽眼鏡、性感連身裙、花碌碌民族風……彷佛好似唔同左個人咁。
常見出沒地點:馬爾代夫等渡假聖地
常見旅遊行程:陽光與海灘係必去行程,例如皮皮島、竹子島,大家可以盡情同陽光玩遊戲!
三、 女神型
古語有云:「工欲善其事,必先利其器」。對女神而言,去旅行就係要影靚相呃like架喇,咁要影靚想點可以唔化番個靚妝set番個靚頭著番件靚衫配合番呢~所以除左去執行李時要逐套衫襯過外,即使冒住行李超重嘅風險,佢地都係會堅持帶埋直髮夾、曲髮夾、高踭鞋、耳環、手鏈、戒指……(下删一百樣),務求去旅行都要靚到盡。
常見出沒地點:歐洲
要影女神相當然唔少得要去城堡啦!歐洲本身有唔少城堡,其中楓丹白露宮、子爵城堡仲係法國貴族城堡之一!各位公主們,係時候要出發啦!
四、即興型
從前有個都市傳說…買左新衫就要即刻著!如果係去日本、韓國等地方,十日嘅行程,即興型嘅朋友通常只會帶頭幾日要著嘅衫,之後實行俾藉口自己瘋狂買新衫,今日買聽日就可以著得出街lu~ 如果大家買唔切新衫嘅話,大家可以預約定和服韓服,咁大家又可以帶少其中一日嘅衫啦!
常見出沒地點:日本、韓國
以上依四類人係唔係似曾相識呢?就算自己無中,你身邊都一定有朋友係咁,快啲 tag 果位朋友出嚟啦!
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
FacebookInstagramYouTube旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→