[澳門住宿] 5星級新酒店Legend Palace住宿報告 法式精緻設計 歎全海景露台

少女旅行日記 於 14/05/2018 發表 收藏文章
最近又去左澳門小旅行,入住2017年年尾先開幕的5星級新酒店Legend Palace(勵宮酒店),位置好方便,離港澳碼頭只需步行約7分鐘,唔需要搭車,如果想搭的話碼頭外都有免費接駁車,但如果行李唔多,其實直接行過去會仲快!船泊岸的時候已經可以見到酒店,真係非常近!隔離就係漁人碼頭,有好多仿歐洲建築,有餐廳同商店,都係個影相好地方,可以一逛。


Legend Palace的設計風格是法式歐陸風,全幢只有8層。Check in後上到客房樓層,見到走廊是白色牆身加藍色花紋地毯,還有些歐陸裝飾和掛上法國的名勝照片,就開始感覺到一種法式優雅的氣氛。


這次入住的是海景房,一打開房門已經見到一個全海景的露台,度假感覺立即提升!澳門擁有這種廣闊海景的酒店真的不多,但Legend Palace位置就完全是在海旁邊,所以就有無敵海景啦!我的房可以見到碼頭同埋大橋,景色真的非常不錯,大大加分,放假就是要看海。


房間的設計很有古典味,藍白色是我喜歡的用色配搭,空間都夠大,整體也很舒適。特別喜歡浴室,有浴缸又有淋浴間,仲提供浴鹽,好貼心。而沐浴用品竟然是用法國牌子L'Occitane,太高級了吧,味道好清新好喜歡!兩個洗面盤亦好方便,同朋友一齊黎可以同時使用。因為酒店只開幕了半年,所有設備都好新淨,新酒店早住早享受就是這個意思吧。


酒店有3間餐廳同一間酒吧,其中一間餐廳叫巴黎餐廳(Brasserie de Paris),在大堂那層,也是歐式設計,樓底高,環境好舒服,仲有室外用餐區,對住海景的!早餐同晚餐都係自助餐形式,特別推介大家試試個晚餐,有好多新鮮的海鮮!龍蝦、生蠔、鱈場蟹腳、法國麵包蟹、瀨尿蝦、三文魚、法國青口、白酒煮蜆等等,質素相當唔錯!熟食都有好多選擇,日式、中式、西式,連中東薄餅同當地特色醬都有,我特別喜歡個無骨海南雞飯,值得一試。甜品都有10幾款,好滿足!早餐都一樣有唔少選擇,餐飲方面令人滿意。


另外酒店仲有一間食中菜的勵皇軒,可以去飲茶食點心。仲有一間價錢比較親民的24小時營業餐廳Infinite,半夜唔怕肚餓。酒吧The Gallery 個裝潢好靚,超級古典,以木為主,配近墨綠色梳化,好似歐洲7、80年代個種酒吧,好有feel。


餐廳之外,Legend Palace仲有Spa Center叫Senses,今次我就做左一個好fresh的按摩療程。呢個60 分鐘的鮮果「清」身磨砂按摩,可以俾你揀一種水果蓉磨砂,有木瓜、青蘋果同橙揀,我就揀左比較滋潤的木瓜。用水果感覺好天然,而且整個療程都係選用無添加成分,更加安心。除左水果背部磨砂外,全身按摩都可以揀想做邊種按摩,我揀左經典按摩,職員話係比較輕力D既,亦會落按摩油。成個過程都超級舒服,去到後段仲訓著左,好relax!做完有檸檬草茶同紅莓曲奇餅,成個人都好放鬆。


Spa Center個層仲有室外泳池同Jacuzzi,原來個泳池底會播音樂,好新奇!可以一路游水一路聽音樂。隔離有poolside bar。仲有一個gym room,本身我對gym room都冇咩特別期待,但酒店呢個D儀器非常新同先進,帶氧運動個D機可以上網睇戲之餘,竟然仲可以揀唔同國家的街景睇!!可以當去左唔同國家跑步,好正,哈哈!另外仲有TRX、BOXING個d設施,比一般酒店多好多健身設施,絕對唔係普通的gym room。


有興趣去澳門度假,入住Legend Palace就要留意Travelzoo的優惠啦,一晚高級客房加雙人自助早餐同上面介紹的海鮮晚餐,平日二千蚊有找,差唔多係原價的7折,好抵!呢個優惠賣到5月20日咋,想住下新酒店再食豐富的自助餐就要快手訂啦。優惠詳情:goo.gl/CKCYwL
【Budweiser發光打氣杯 陪你嗌足六十四場!】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→