【手錶的重要性】過去十八歲　沒戴錶 精選 推薦

「過去十八歲　沒戴錶　不過有時間」

以往我一直也沒有戴錶的習慣，
如期說沒有，不如講成是我拒絕這種習慣。
「要睇時間我望手機咪得，洗乜要用到錶？」
「戴錶可以令你養成有守時既觀念呀！」
那次是她第十八次跟我說
那天我因為顧住打機闖關而遲到了半小時。
「走左班巴士加上又塞車嘛」
我胡亂推唐...
穿著短褲的她一臉不屑，橋住我手挨著我膊頭走入戲院。

然後有一次去曼谷旅行，一邊撥著扇，一邊飲住椰青，在那個炎熱又多人的夜市裡
她，偷偷地買了一只手錶給我做生日禮物，
二手，黑色的膠錶，100匹。


「記住那關於光陰的教訓
回頭走天已暗」


「第幾次呀今次？又塞車呀？」　「唔係呀，臨出門口前阿媽打黎呀嘛」
時間對於每個人來說都是平等，沒多沒少
你用緊的係時間，別人消耗緊的都係時間。
「去到邊呀？過左成個鐘啦」　「黎緊黎緊，轉個彎到轉彎就到！」
守不守時就等於你對那件事那個人看得重不重要若果你不著緊，唔嗲唔吊的話，
自自然然便會放輕時間觀，即使遲到也不當一回事。
你以為時間會隨住一個人既喜歡而停住
其實愛情感會隨時間一樣，慢慢愈流愈遠。

漸漸地她也隨著時間流走，離開了沒戴錶又不成熟的我...


「為何用到盡了　至知哪樣緊要」


「SORRY呀，我係頭先個間賣衫鋪睇耐左，等左好耐？」
我笑一笑，搖了一下頭
「你隻黑錶咁殘，不如換左佢啦當係生日禮物，你睇，銀色個隻幾靚呀都！」穿著連身裙的她牽住我停了在東大門的一間賣錶店前，
我望一望右手，笑了笑...
「時間都唔早了，我地快D去個間好出名既韓燒醫肚先吧！」

時間，既然留唔住，起碼，我可以留住提醒我這教訓既錶。


「昂貴是這刻　我覺悟了」


續...