一個人旅遊 台北宜蘭快走五日四夜 (Part 2) 精選

上次只係講咗頭兩日的行程, 今次講埋後面三日

第三日
起身另一個驚喜就係間旅店竟包埋早餐, 我只係比咗HKD115.......又電視又早餐, 太誇張

之後又搭台鐵返台北了, 不過中途都去咗十份一轉, 幫朋友買嘢...
不過天氣唔多好....
條十份大街同幾年前一樣,好多人......呢間鋪個鍋好誇張....

之後又去返搭台鐵諗住返台北, 不過係猴硐站落咗車, 有驚人發現
原來呢個站係貓的聖地, 好多貓一開始就有貓歡迎你啦

只有少量店鋪, 好寧靜的一條村~
店鋪有貓形鳯梨酥, HAHA
除咗貓, 呢個地方以前係個礦場嚟, 有個細博物館講歷史

去到呢度就天黑了, 返到去台北間青年旅舍就訓了

第四天
一大清早就走咗去睇台北中正紀念堂
真係好早, 我來到都未開門...........

所以之後返咗去青年旅舍....休息........

之後一醒就天黑了.....哈哈.......但係我覺得好自在, 無人理我, 想點就點
為了不浪費這一天的旅程, 我去咗台北101作終結
雖然台北好多車, 好多人, 不過中間的馬路都幾靚

第五日
最後一日都無乜地方想去了, 去咗松山文創園區
裡面有好多小店賣自家制手工製品, 還有food court, 個food court 同香港都差好遠, 好有文青的food court

之後要去機場了, 想試搭一次高鐵, 感受下高鐵的速度
其實香港人去高鐵票都好平, 不過台灣人就覺得貴了, 因為台鐵十幾蚊台幣一程, 高鐵一百五台幣一程
高鐵真係好快, 好寧靜好舒服, 我上咗車唔洗十分鐘就訓咗......
一醒就發現, 機場站已經過了.......下一站台北....................................
............還好直接去對面月台搭回頭車就得了, 唔洗買多一次飛....
到最後都準時到機場!! yeah !!!

期待下次一個人旅行台中篇!!!! 2017 3月中去!!!!!!!!!!!!!!!!

請支持instagram 同facebook
instagram https://www.instagram.com/timson_travel_notes/
facebook https://www.facebook.com/shentravelnotes/?ref=aymt_homepage_panel