大阪遊客區食平DD 飲飽食醉都唔駛1000YEN? This is Possible!

經過上星期介紹大台旅遊節目文章之後，我地收到好多朋友DM問我地有關第5間餐廳嘅查詢同疑問。

無錯，呢間居酒屋其實大台係真係無介紹過架，但我地都有講過會同時介紹當地人先認識嘅地道好餐廳架嘛!

肝どん難波千日前店

大阪府大阪市中央区難波千日前1-11




呢間主打沖繩料理同炭火燒嘅居酒屋其實就係我地有個當地特派Billy仔日本工作期間，由當地同事介紹嘅!

原本Billy仔都半信半疑架! 因為同事實在講得太誇張，直頭讚到此物只應天上有一樣嘅地位。
所以有次收工都本著一試無妨嘅心情，陪著前輩及同事去交際下。

點知!!!

又真係原來無作大，遊客必去打卡地 - 心齋橋出發，去到餐廳路程大概5分鐘左右。

雖然呢間餐廳座落一條橫巷嘅中間，而外觀嘅一個大型水龍頭著實又有D古怪，整體感覺唔起眼之餘又好似好屈質；但其實只係禾桿冚珍珠，好嘢有無包裝都唔重要!

食物賣相確實只係普通，但味道就係Ichiban! 每件食物都新鮮燒製，上到枱都繼續熱辣辣。

而食物份量細細件好易入口，等你可以試下一次過叫哂成個Menu。

最重要係咩呀?

每款都平到笑丫嘛!

啤酒每杯先100Yen
而為左令你唔好咁易有啤酒肚變大肚腩

其實每個吧枱位都有一個獨立水龍頭(對應返門口個大型水龍頭裝飾)


只需要另付600Yen，你就可以指定時間內無限量暢飲燒酒飲到嘔都無人會阻止你。
-所以想飲乜野記得揀好先坐低，始終下下舉手叫人斟點樣都唔夠直接自己黎咁方便架嘛

埋單喺居酒屋又食又飲飽到嘔平均消費都係1000Yen左右，仲要喺遊客區入邊喎!
係咪真係私心推介先!!!?


以下就係我地為左令你感受到我地真係無作大又毫不保留咁向你推薦呢間居酒屋，而專登搵返特派專員– 大阪比利拍返條片比你睇!


除左教你點樣由心齋橋行到去餐廳之外(因為唔識路真係好容易行錯)，仲話埋你知究竟日本女性係點樣有禮貌咁同你食飯!


話時話! 需知道居酒屋一過晚餐時間就會塞人到塞到九彩，個個上班族放工都係鬆一鬆。

咁睇完介紹文同片又想去下嘅朋友就要注意返啦，免得去到又要排餐死啦，係咪?



不過，其實食飯高峰時間唔想排隊好容易架咋

即刻去返我地嘅Facebook Fanpage，Message同我地即時展開對話，只需要幾分鐘就可以幫你去到日本慳返幾十倍無謂嘅排隊時間!



去旅行去到盡! 都要去得精明架嘛!