爆粗空少--生死有命?遇到氣流時我地會諗d咩?

係飛機上做野,總會有幾次遇到氣流o既情況。
通常如果係有嚴重氣流呢,機長就會叫我地坐底。直到安全為止。

但有一次令我好深刻。

果次係一班長途機。派餐派到一半,突然經過一段強烈氣流。
當下我已經捉實架餐車,都仲係感覺到雙腳好似有浮係半空幾秒咁。

所以,好快機長就叫我地要坐底啦。
我地就即刻沖入galley放底架車,唔整任何野,就坐啦。

係坐底既期間,我係可以睇到成個天花板係斜既,同埋有d食到一半既餐跌左係地下,證明係有幾”登”。

但令我最難望唔係途中有咩事發生左,而係係咁登既情況下,坐我隔離既crew 所講既一番話。就叫佢S子啦。

S: 「死啦!好登啊。我會唔會死架。媽啊,好驚啊。」

我:「Er…唔會既,依家講呢d?!」

S:「唔係喎,你睇下….. 哇! 好登 ….(講唔到野) …. 地下有多垃圾跌哂出黎。」

我:「唔….( 太登講唔到)…等陣有排執…. 」

S: 「…. 唔係啊,上次我classmate就係上左報紙果班機,有crew撞到頸入醫院果班啊。」

我:「…..er…下!佢無野啊嗎? 」

S:「佢同我地講,登到仆街啊!飛起哂d野,佢完全感覺唔到方向。」

我:「哇,咁我地依家應該好d…. 」

S:「係掛。哈,果時,佢仲握住隔離果crew隻手。一齊講話,如果今次我地死唔去,就返公司辭職啦!!」

我:「唔…咁最後點啊? 」

S:「最後….. 佢無死。哈哈唔係,無受傷。但過左陣,佢真係Quit左。另外果crew都好似係。話哂大難不死嘛。」

我:「…..er…. 啋! 無野既。 講呢d!」

當然坐到最後,我地都無人受傷,可以繼續飛到目的地。
但係回想起,我好深刻既原因。一黎係佢可以係咁登o既情況下,講完果故事。 我接到都好犀利啊。

二黎係,我果下可以應d咩啊。 唔通講話 「生死有命,富貴由天」咁咩。

即係,係咁o既情況下,又死又辭職,好邪喎。同事。哈哈。

雖然話唔驚係假o既,但係作為撞過鬼o既人黎講 (關事咩=-=) 。
我只可以同自己講,真係俾自己遇到都無法。唯有平時注意安全囉。

真係架。我自己返工第一守則,就係安全。
有咩事坐底,扣好安全帶。無得坐,都揾定d野俾自己扶或者捉實。

咩service language,咩服務態度啊,咩顧客至上啊。
係有危險o既前題下,呢d都係bullshit。
無野俾自己條命重要,真係唔需要為營運賣命。真係一旦有咩事賣左命,你就真係被Quit架啦。

自己安全自己顧啊嘛!

所以,各位乘客們,我地叫你扣好安全帶。係真係有原因架,乖啦。
標籤: 飛機安全  

留言


請按此登錄後留言。未成為會員? 立即註冊
    快捷鍵:←
    快捷鍵:→