爆粗空少--訂飛機上o既特別餐? 訂完唔食會點?

有一次做商務艙派餐前。

客:「唔好意思。 我訂左果特别餐, 但可唔可以唔要佢,換做你地果Laksa。 」

我:「Er... 咁對唔住呀。可能要等我地派完餐,先睇下俾唔俾到。」

客:「Um..唔明。咁你地依家留一個Laksa俾我,咁未無問題囉。」

我:「Er..唔好意思呀小姐。因為我地都係上exact數目嘅餐,當中係計埋你嘅特别餐。 」

客:「咁呀。咁點先可以確保到我食到果laksa呢? 」

我:…(頂,咁你又訂special meal。)

特别餐,有名你叫,就係提供因宗教或 健康 等等因素而訂製嘅餐。
例如係東方素食、西方素食、 穆斯林餐、 猶大餐、低卡低鹽餐,同埋大人都會食嘅兒童餐等等。 更多詳情可以上營運網睇睇下啦。

咁通常派特別餐果陣呢,我諗各位同事都總會經歷過d客同你講呢句説話:
「我唔想食呢個特别餐呀,可唔可以轉做正常餐?」

嗱咁其實呢,如果真係最後有多。
咁我都唔介意俾你嘅。 反正唔係都會嘥。
前題係有多囉。
因為有時真係上足餐。 俾多你一份,未有果客少左份?

而且如果好似係上面果客咁。
你話你坐J class都無得咁理所當然呀,仲要指定菜咁話。
訂完唔食唔緊要 ,但要轉第二果餐,咁即係咩意思呢。 當依家做緊buffet 呀?

你有無諗過,你唔食個餐去左邊?
無呀,未去番oven到囉。 無人會幫你食架。

雖則冇人話你一定食完佢,你俾左錢唔食我都吹你唔脹。 而且無人逼你食飛機餐嘅。
但你唔想食個特別餐,你咪唔好訂囉。
食番正常餐,咁我未可以留其他choice俾你囉。

邊有得話心情改變,想食就食架姐。
服務行業都咁話,我地營運好撚cheap. 無resources俾我地呀。

又想多果choice又想睇多份,真係好L自私架姐。
呢句說話同樣講俾某d機頭,老總或者 crew聽。

有時聽到有老總講話:
「我訂特别餐都係俾自己多果option. 通常我都唔會食,反正總會有其他餐食嘅。」

我都心諗:(咁你訂黎你做乜Q呀?! )
仲有,有其他餐食係因為你係最大粒。
我地嘅crew meal 都係上足架,仲有得俾你揀係因為最後唯一多果d客餐留俾你呀嘛。

仲有果d機頭望都無唔望自己果low fat ,就即刻問有無客餐食 。
我都心諗:(咩料呀?!)

我明同事,要食三個月一樣嘅餐好悶。
而且我唔係正義撚,一定迫你要食左佢。
咩思想黎架。
但拜托呀,如果你真係唔想食,下次唔好訂啦。

我唔係咩環保小尖兵。
飛機上總係有食唔曬嘅餐嘅問題。
有多嘅餐食左佢當然無問題 。

只係我覺得有d客訂完又唔食,仲想攞應該係派俾其他人嘅餐。 呢種想法真係好撚cheap .

同埋,你有無諗過果餐係oven入面有咩感受?
無呀,因為你淨係諗到你自己炸。 自私精。

標籤: 特別餐  飛機餐  

留言


請按此登錄後留言。未成為會員? 立即註冊
    快捷鍵:←
    快捷鍵:→