爆粗空少--—年一度返學日子

爆粗空少==> 我的臉書
https://www.facebook.com/Rudemen

無錯!你無聽錯,做我地呢份工都係要上堂架! 就好似唔少打工仔年中都會有幾日要上一d training 或者係 團體課程啦。而我地上既堂,主要就係重溫同更新機上安全設備及急救措施。

而每年果幾日返學日子呢, 我都會做番個乖學生,好勤力咁溫書 XDDDD 哈哈,因為堂上面 導師係會不斷咁問我地問題, 直到落堂為止。如果答唔到呢,就會係成班面前不斷問你其他問題,問到你識為止。

我無講笑啊!係真架! 因為我地入職時所學既安全知識,理應係記係腦入面一世,萬一有事我地都會即係應用到。再加上每年一次返學重溫左喎,導師梗係期望我地正確答到問題啦。

不過咁又啱既。俾着我係個客,如果機上有個連急救同疏散措施都唔識既空姐空少係旁邊,我都撘得驚驚啦!係未!

雖然,每年到左呢個返學時候,我就會反思究竟公司俾我份人工同我所要記既野成唔成正比呢? 話哂,我要學既野真係有成本中華字典咁厚喎!仲要每年返公司再培訓計劃喎!! 哈哈 我諗好多打工仔間中都會有咁既想法 “點解我做左咁多野,先逗得咁既人工架?”

好啦,講錢傷感情。等我講番答問題啦。咁上堂面對住導師隨機式咁問問題,壓力大唔大啊?!
其實話無就假架啦,不過主要都係chur 囉,你諗下朝九晚五返學答問題喎! 我果刻真係寧願快d返工啊!!! 你見我神穩左一個星期,就知我上完堂幾想hea 返幾日啦!! XDDDD

題外話啦!做每班機之前我地都會有briefing,而係入面我地都會有機會被客艙經理問機上安全問題。咁所以,當你習慣每次返工你都會被捲入俄羅斯輪盤既時候,你就會當一切係浮雲架啦~呵呵呵


喜歡的話,可以黎我臉書讚好
https://www.facebook.com/Rudemen

如果喜歡我們的文章,請即分享到︰

標籤: 返學  急救  機上安全設備  briefing  

留言


請按此登錄後留言。未成為會員? 立即註冊
    快捷鍵:←
    快捷鍵:→