爆粗空少——攞一折員工機票,上到機係未要識規矩?

有時候,係機上面見到有同事ID travel。
我都會想對佢地特别好d.
無他嘅,話哂大家都係同事啊嘛。
仲要依家要上到機都好辛苦架,一折乞衣飛呀。
等到最後攞到飛,跑到上機都攰啦。

又或者咁講,你點對人;人地點對你呀。
我都希望自己坐Id果陣,開開心心呀。
大家對大家好囉。
但往往總會有D人好鍾意破壞呢種互信嘅關係。

「我都係Crew黎架。你知唔知你唔應該咁做架!」
「你坐得ID就應該知你唔一定有choice架啦。」

其實無論係邊一方講,我都會覺得唔舒服。
因為呢個係態度嘅問題。

有一次飛短途機,Full load 350機。
Id老總一家四口坐EY ,打散左。
一上黎就話無位放行李又唔一齊坐,想Free Upgrade。
唔緊要。幫你問下。
問完。我地老總唔俾,都無法。
唯有盡量幫你揾位放,換下位。
安定你地坐好。
好啦,到起飛後,好辛苦咁去完果service。
350機呀,出左3架food cart 呀!
仲要飛得果兩個幾鐘,行都行死我地啦。
到收埋餐,返到Galley收埋野。
諗住終於可以抖下,等一陣就landing啦。
啊ID老總就走入黎話,

「前面Lavatory好污糟呀!好dirty!」

咁我同我partner,即刻話唔好意思走去check啦。
結果果廁所真係好多紙巾好濕,係污糟嘅 。
咁未clean up佢囉。
好啦,到我清潔完走出黎。
我見到啊ID老總企左係走廊,無返埋位。
當我行過去,佢就第一句篤埋黎。

總:「What is the training school procedure!」
我:(。。。下?)
總:「The training school procedure of checking toilet ?」
我:(。。。下下? )
總:「果廁所好污糟呀,完全無人走去check過囉!好唔得呀!」
我:(頂你!!!咩料呀 !)
我:「我已經check 左啦!如果你想,你可以入去check 下。Excuse me.」

之後我望都無望過佢,就無視佢返番Galley。

喂,忍不到呀!
係,我地係可能有做得唔夠好嘅地方,廁所呀嘛。
但係果廁所check 完,下個客又整污糟,我地都無法每刻每秒睇住架。 仲要我地班機真係好忙呀!!!!!

如果係客鬧,我都明白會無咁怒氣。
但你係Crew, 作為同事,你應該知道我地份工係點架。係唔係可以多少少理解我地做得幾辛苦,態度語氣好少少 。。。啊算啦!

我諗就算我當面講,你都唔會識體諒。
如果唔係,你點會係果aisle咁大聲話我呢。

呀Sorry,你係老總呀嘛。

我知你係老總呀。由你一上機我就認得你呀。 你唔洗咁講去突顯你係Crew喎。
咁樣同D會員想上到機揾存在感,又乜撚分别啊?

定係你一開頭嬲嬲豬Upgrade唔到呀?
作為一家之主,係屋企人面前無面呀?
好心你啦。 咁唔識做嘅。
做ID客,唔係代表你要委屈。 亦唔係代表你係大哂。
而係態度代表一切呀。

我相信如果係客氣有禮貌嘅ID,一般同事都會想特别幫忙同照顧。甚至offer好多野。

反之,一上到黎就擺款,擺明話「我知你地應該點做野架。 」,要乜要乜。
我地就絕對唔會歡喜你囉。

客都算。 DM都算啦。 但你係Crew呀。
並唔係話Crew一定要硬食,要委屈咁做ID.
我都唔贊同呢套。

而只不過係,曾經你都講過
「我地都係part of the team,help each other。 」

點解當你一變左ID客,就唔能夠體諒我地同語氣好少少呢?

你話Training class?
Training school 都有教同理心 Empathy.
呀老總,呀同事。 有幾多人真係Practice 呀?

如果你今日語氣好D咁提醒我地,我都會覺得抱歉同感激。
但我依家一諗番起你當時係aisle果語氣同嘴臉,我只想同你講。

「收皮啦你!!!!!!!!」



如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→