爆粗空少--收餐時的憤怒 精選

爆粗空少==> 我的臉書
https://www.facebook.com/Rudemen

平時派餐收餐，好多客都會戴住耳機睇戲或聽歌。咁好正常啊，俾左錢享受機上娛樂，我做客都會咁啊。

所以通常收餐既時候，我都會等一等或者問多一兩次，等個客示意或除耳機同我講 。咁我未可以收個餐，同埋俾咖啡茶，佢地睇電影都睇得開心d啦！

啊但係呢，我就遇到一d人，佢全程載耳機都唔緊要啦。至少都溝通下啊，你示意下我收唔收都得掛！咁都無啦！仲要戴住個耳機，賴高尚又鬼咁惡咁望住我話： WHAT ?! WHAT?!

我其實都心諗：大佬啊，我把聲都唔算細啊！ 你what d 咩呢？ 咁你食完個餐，我推架車果黎，我緊係收餐啦。 唔通同你玩有獎問答遊戲， 我架車入面全部都係 豐富既獎金獎品咩。

好啦，到最後你終於除左耳機先同我講句：I DONT NEED IT. TAKE IT! 之後你又賴優雅咁插番你既耳機，繼續扮演你高貴既人生。

係飛機上面，我成日都見到唔同既人扮演高貴上流既人生。 佢地講既野，做既野，要求既野， 都好想人地見證佢人生既成功。 但我真係想講，抱住咁樣心態既人，分分鐘比唔上一個親切笑容既師奶同阿朱媽(No offense ar XD ) 囉。呵呵！
至少，我一定唔會拖果位阿朱媽杯咖啡囉 ！


喜歡的話，可以黎我臉書讚好
https://www.facebook.com/Rudemen