爆粗空少--空姐空少要洗廁所?

話說正式做黎份工之前,有個朋友問我:你地空姐空少,係未要洗機廁所架?

果時我話:其實都唔係o既,要清潔一下囉。

後來,我發現其實真係唔止”一下”咁簡單。

你地有無諗過飛機廁所可以有幾核突呢?今日就等我講下啦。
唔知係未飛機廁所結構特別啦,好多客都唔知果沖廁制同垃圾桶係邊。

所以通常我一入去清潔呢,就會見到兩種情況。
一就係無沖廁啦,或者沖唔走啦。二就係見到有洞o既野都被人左塞垃圾入去,以為係垃圾桶。
咁呢d情況都算簡單,就算係有沖唔走o既「東東」呢,我地會倒一壼熱咖啡落去。無味又除走o既。方便啊,飛機實有咖啡架。
而有一d廁所呢,係好難處理。最終要block左佢,唔用得o既。
例如,有人嘔落果sink到啊。我第一時間就會同阿姐,不如block q左佢啦。
我就真係唔會用個杯又裝又倒,去清果sink o既。不竟我等陣仲要派餐,拎野食o既。今日唔係所有廁所都壞哂既話,咁就block左佢啦。

仲有一種,就係水浸呀。成個廁所d水湧Q哂出嚟呀。 咁呢d,我諗我地清得黎整得黎而你又想去廁所得黎,我諗你都唔想用架啦。因為係廁所所有嘅「水」呀。
以上兩種呢,都係block同唔block嘅分別。最終呢種呢,我認為最難搞。因為佢係可以又可以唔block之間。
即係,你覺得其實係清到嘅,但要清呢又過唔到自己個關wor 。或者換果講法,清呢就對自己唔住,唔清block左佢呢又對d客唔住wor。
咁有咩例子呢,我咁啱就有一個啦。
就係,我試過一入個廁所,見到成果廁板,地板都係血。
我就忍唔住講左句:哇,有客自殘呀?
咁啱我後面有個女crew見到就話:呀,唔係呀。 係呀。。。一係我清啦。。我係女仔。
咁我當下就明係咩啦。 除左好奇同驚訝之外呢,我仲諗清唔清好呢?真心,我真係企左係到呆左幾秒。
咁最後我點呢?

我係有清到嘅。當然啦,因為有血。基於安全同衛生,我係全副裝備上陣嘅。
但問題係呢,因為成地都有漬。我無法倒成壼熱 咖啡呀。咁我 可以點呢,唯有用濕紙巾。唔得,太 黐啦。 最後,我係用熱水囉。 咁你明啦,一熱一溶。 咖啡就話闢味,今次係有味架。啊。 我唔講啦。

最後,我只想話。成日有人講我地份工係行行企企。但我想講,無一份工係簡單架。一架機機艙有咩事發生,都係得我地去處理架炸。 打份工,唔易架!

如果喜歡我們的文章,請即分享到︰

標籤: 洗廁所  打工  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→