爆粗空少--飛之前o既簡報會講咩? 竟然會變成邪教現場?

我好深刻有次飛之前嘅briefing,果老總講嘅一番話。

[原話英文]

總:[依家,大家請閉上雙眼。]

我:(下。。。?)

總:[係。閉上雙眼啦。大家。 ]

我:(er..真係有人合埋眼?。。唉 。。好啦。 )

總:[好。 依家每個人想像一下,你地希望今班機會係點。 去想像一下。]

我:(er...)

總:[好。大家可以擘大眼啦。大家有無感受到呀? ]

我:(感受咩呀? 眼訓呀? )

總:[合埋眼去set 一個目標,咁樣我地内心會更加堅定去實踐, 係未係呀? ]

眾:。。。。。(dead air)

總:[下? 係未呀??? ]

眾: 。。。。係。。。

總:[大聲d。我地係未一定可以實踐目標呀?]

眾:係!!!!

總:[太好啦。 你地都準備好啦。LET'S GO. ]

噢,救命呀,我仲以為去左邪教現場tim 。
即係精神喊話,係無問題嘅。
只係我無諗過連briefing都有囉。

因為一般briefing環節,開頭通常就係講係機上面有無咩新嘅程序要做。
例如:新嘅餐飲流程或者有關機上安全嘅update 。

然後講下今班機有咩特别要留意。
例如:預計會特别多行李,要揾定空位放。或者有個好多投訴嘅客坐係邊,要小心處理。

最後無野講啦就係分享環節。每人分享一下,補充要注意嘅野。
例如:洗唔洗派入境表呀。大家要定期check 下廁所咁呀。

咁有d老總就未必有前兩部分嘅,直接去分享環節,然後就講完byebye 返工咁嘅。
或者有d就有自己嘅freestyle。
鍾意玩一分鐘自我介紹,趣聞happy share 或者角色扮演咁啦。
都無咩所謂嘅,是L旦啦。
有時返工前輕鬆都好嘅。

但呢個『閉上雙眼』嘅老總,真係令我好深刻。
因為除左佢briefing騎呢外,佢機上面都真係好實踐自己講嘅野。
就係有事起黎,佢真係閉上雙眼,唔撚黎你囉。 頂你!

[Flight Delay ? 呀姐你去door 2頂一頂先啦。 至少有人係cabin呀]
[果客投訴話搭唔到下班機?阿仔你走去同佢講聲錯唔住先啦下。]

然後佢就收埋自己係galley ,繼續用冥想呢一套,覺得d投訴客同麻煩就會自動消失架啦。Magic~

呀,果然係邪教呀下,自己唔洗出力,就有人幫你搞掂哂。
即係,又係一個用把口做野嘅人。仆街。
今次連眼都合埋。

其實上到機真心做野幫手先最緊要囉。講咁多做咩呀。
雖然我都唔expect老總會幫手,但你briefing 搞咁多做乜9啊。

我係唔會俾你洗腦架!!!!

FACEBOOK: https://www.facebook.com/Rudemen/



如果喜歡我們的文章,請即分享到︰

標籤: 簡報會  邪教  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→