爆粗空少--Crew Rest 的時候 精選

爆粗空少==> 我的臉書
https://www.facebook.com/Rudemen

成日都好多朋友問： 飛機上面有無床俾你地架？
答案係：有！不過唔係架架機都有囉。

咁究竟咩機先會有呢？ 通常都會係用黎飛長途，載多人嘅機 就有，而呢d俾空中服務員訓嘅床位就係crew bulk 啦。 好似美加機呢d飛到世界末日都未到站 嘅機就一定有啦。

假設一班十五個鐘嘅機，中途每人有五個鐘訓覺，會點安排呢？ 我地係會分兩大組訓覺，一組人訓覺，另一組人留守係機艙應call light 等等。換言之，你訓得五粒鐘，就預左你要係廚房入面呆等五粒鐘啦。咁係廚房咁耐你可以做咩呢？你估你可唔可以好似方太或肥媽教煮餸咩？ 答案係絕對唔得！再次聲明，廚房入面係無絕對無活雞同任何新鮮食材，有嘅就只有焗爐同雪櫃。OK! 就算你今日肥媽上身，大展煮藝，都唔會有人show 你 , 同你係機上 玩煮飯仔。你估真係少客到唔洗做野呀。 但有call light 有杯麵 有野做都話好呀，至少你做下做下，時間到就輪到你訓或落機啦。
最慘係無野做，迫住留係廚房。但你同班crew 又唔啱傾，甚至係唔對路。。 哇！！呢五粒鐘真係精彩啦！困獸鬥呀！！ 對於不能接受dead air 太耐嘅本人，呢種簡直係心靈嘅煎熬！

即係第一批人crew rest 嘅時候，不論你係機艙多野做無野 做又好，都係會令身心俱疲，極度想佢地快得訓完。難得你終於有得訓啦 ，你先會覺醒之前嘅都係浮雲，真正痛苦嘅係將要面對起身的果一刻。。。。
喜歡的話，可以黎我臉書讚好
https://www.facebook.com/Rudemen