爆粗空少--所謂的光鮮亮麗 精選

爆粗空少==> 我的臉書
https://www.facebook.com/Rudemen

最近有人同我講，係網上有好多途徑可以買到空姐空少既cosplay衫喎。先唔講佢地買黎既用途係咩啦 (雖然我R爆頭都諗唔明點解有人要買空少件衫。 空姐我就明啊，但空少件恤衫喎....)算啦啊~

我諗佢地着上件衫果一刻，應該同我地第一次着制服既心情一樣。又興奮又期待，係啦！ 真係好鬼興奮架， 不過只限頭幾次着制服。 當你着左n次制服返工放工，再見到件制服果時，你就會心諗：頂！要返工啦！係！要返工啦!!!!! 我諗，一d要着制服既打工仔，內心唔多唔少都有咁既想法。

特別係，每一次放工！你會發現自己件恤衫有好多不知名既污漬，仲有自己黐立立既身軀。又臭又濕，你果刻就會發現自己有幾污糟！ 就算你將件制服洗白白，熨到直一直。你一回想起，呢件就係尋晚搞到又臭又污糟既衫，個刻心入面就會有能無力又無奈既感覺。 到最後，不甘死死地氣講句：唉...又要返工啦

雖然每次返工放工我地着上件制服，再拖埋個喼。啦！靚唔靚就見仁見智，但成個款就絕對有個勢啦！誰不知，其實我地係派餐、收餐、送餐飲、洗廁所，同客接觸都會染上不同既污糟野。 表面上睇落光鮮亮麗既制服同埋我地，其實已經敗絮其中啦.....

所以麻煩各位想cosplay空姐既大大，請專業一點兒。 係你着完件衫，想自拍放落instagram或facebook之前，請你係件cosplay制服上多點兒污漬，咁樣將會為你提升不少真實性=)

喜歡的話，可以黎我臉書讚好
https://www.facebook.com/Rudemen