爆粗空少--講講飛機餐 精選 推薦

爆粗空少==> 我的臉書
https://www.facebook.com/Rudemen

好！ 今日繼續講講通常經濟客艙既餐盤美食啦。
其實坦白講，如果唔係做呢行，我都唔知原來飛機餐係包哂前菜、主菜同甜品。
又或者咁講，應該係做左呢行，我先知話：呵！ 原來果d就前菜同甜品啦~

首先，大家可以望到左上角果個小盤，放o既通常就係沙律菜或者係水果，即係沙律。咁正如我上一篇所講，呢種冷盤係會係地面送上飛機前就會放好架啦。
然後旁邊o既呢，就係放牛油果醬既盤仔。係長途機或者某d航線，就會用黎放甜品啦。咁甜品有d咩呢？ 通常係布丁或者係一d ”我諗唔明點解個menu寫得咁靚但完全唔係個回事” 既 Cake。無錯。甜品。

好啦! 咁最右邊就係茶杯啦！ 用黎斟熱飲，咖啡茶果d。
咁雪糕呢，有時都會係到出現，不過就係我起飛後先放入餐盤啦。
而江湖傳聞呢，點解唔係班班機都會有雪糕呢？ 長途機 會有，我知啊！ 但點解有時短途機有d有d無呢？
有人就話：時數較長既短途機，就會有雪糕囉。
又有人話：其他航空公司既同一條航線，佢地有雪糕，我地未又囉！唔輸得啊嘛！ 但又有人話：無架啦! 公司cut cost 啊！。遲下cut 下cut 下無哂雪糕架啦！

哈哈，咁究竟邊個講法係啱o既呢？或者無果係啱o既呢？答案我都答唔到你，不過我覺得第二第三個理由都幾合理啊！哈哈哈

至於餐具啊，唔洗講啦~就係餐具囉 ~ ok ?!

哈哈到最後啦!! 就係主菜！ 哇!! 唔好睇少佢啊！ 佢地每一個都係我地熱騰騰親手咁放落去架！ 一般既主菜就係豬雞牛魚羊配薯菜飯麵意粉，任意地配搭。除此之外，有時某d時段或某d航線會有其他特別既主菜。好似長途機既早餐會有粥同奄列、東南亞機有時會有串燒，甚至係燒雞脾飯。

再講多d，一般航空公司都會俾客人預先係飛機訂特別餐。所謂特別餐，就好似係俾兒童既兒童餐、茹素人士既素食餐、特設糖尿病人士既餐，印度素食餐等等等。其實有好多好多，甚至連麵包、餐盤食品都會特別設計，等客人安心咁進食。 所以有時你見到空姐空少會係派餐前，特別送餐俾某d客，就係要去同客人對番個特別餐有無錯。廢事派錯餐，好大鍋架!! 因為無其他extra架啦!!!!
所以，其實飛機上食都係一大環節。要分享既o野可以好多。
不過今次到呢到！ 等我下次再講多d餐飲同機艙上o既野先XDDD。


喜歡的話，可以黎我臉書讚好
https://www.facebook.com/Rudemen