爆粗空少--飛機上邊到最污糟？ 精選

爆粗空少==> 我的臉書
https://www.facebook.com/Rudemen

平時搭飛機，你地留意得最多既係咩？ 個位大唔大好唔好坐，舒唔舒服？唔係？咁唔同係今程有無飛機餐，個餐又係咩呢？ 啊，亦或係架機上面有無靚女空姐同靚仔空少呢？

哈哈，不過無論點，我相信大家都好少會諗話：究竟飛機入面會唔會污糟架呢？

可能因為飛機空間細，表面上睇落去好整潔，但其實飛機係污點重重架！講少少背景先，通常係我地接手一班機之前，都會有清理姐姐上飛機清理機艙，吸吸塵抹下個廚房地板。但係你諗下，如果個個位都有垃圾，姐姐就要逐個逐個位清理，要幾多時間！ 而且佢地清潔一班機時間有限，所以唔係每個地方都會清潔到，而一d平時我地睇唔到出既地方，就係最高危既地方！

所以，今次搞搞新意思，成日見有報紙話咩 「十大係飛機上Upgrade方法」、「十大訂平價機票方法」，十大乜乜乜。講到好鬼叻咁喎，等我又黎個「十大飛機污糟點」先！等駁打！XDDD

首先，第十位 洗手間
洗手間最多細毒唔需要講，係污糟架啦！但洗手間先排係最尾喎，你就知其他地方有幾污糟啦！
第九位 門簾
大家可能好少見啦，通常落機或長途機就會有簾隔開唔同機艙。依呢d簾都係唔知幾時會換架下！

第八位 機上電視遙控
你無聽錯啊！理由就同係酒店入面既電視遙控一樣。而機上咁多個電視遙控，你估俾幾多個人經手過？而幾百個遙控喎，你又估下有幾何逐個逐個消毒呢？

第七位 座位扶手
我諗睇完上一位，呢個唔需要解釋啦！

第六位 座位安全腳踏
呢個講講啦！大家可能無留意到，係靠走廊既座位扶手下面 會有一個橫條坑紋位置。 果個就係安全腳踏啦！ 用意就係俾大家踏上佢放行李落行李櫃啦！ 咁踏得多喎，就污糟得多啦！
“下！咁即係話我坐既位分分鐘仲污糟過個廁所！你知唔知你講乜啊！”

係架！先生！ 廁所次次都有姐姐同我地抹地清潔喎，你個位有無咁先？廁所有時仲會消毒喎，你個位有無咁先？嘻嘻….

所以睇完六至十位，我可以俾個忠告大家，就係：唔好亂摸張凳啊！好污糟架！

咁當然啦，果果地方都污糟架啦，我又唔係要大家變強迫症，一上機就要抹乾淨先坐。 只係你得閒留意下啊，其實飛機上你會有好多野你係忽略左架 XDDD
至於，第一到第五位，想知？！即刻download 爆粗Plus 黎睇啦！免費架！
哈哈哈！ 講笑炸！睇動新聞睇上腦XDDD 俾少少時間大家估下啦！ 其實我諗答案都好明顯啦！ ！聽日開估！


喜歡的話，可以黎我臉書讚好
https://www.facebook.com/Rudemen