爆粗空少--唉。大家一樣都係打工仔

爆粗空少==> 我的臉書
https://www.facebook.com/Rudemen

以下對話為真實案例,有d長睇完可以去訓架啦

(友:朋友A )

友:其實你份工都幾易做啊。派下餐,整下杯麵,行下坐下。咁就去到旅行啦喎。

我:咁又唔好咁講既,份份工都有好有壞。好多野都係你睇我好,我睇你好。但我循例都要講句。仆。你。個。街。啊!邊撚個同你講我份工好撚易做架?

友:下。平時睇你地,好輕鬆炸嘛。

我:輕鬆? 你試下派餐踎上踎落,推餐車推黎推去,推足幾個鐘啊;當你想訓要返工無得訓,唔想訓但又時差迫住訓,幾煎熬啊。
出賣勞力、出賣精神,呢d真係針唔到肉唔痛架。 有時我仲要出賣靈魂陪笑啊,陰公!

友:哈哈。 邊有咁誇啊!

我 (愈講愈激動): 梗係啦!有時啊! 你遇到d仆街上司,真係好想一巴一巴咁車埋佢到。將佢車落地獄,再折番人間,再直接車佢升天啊!
但係。無奈地你要對住佢困獸鬥。當佢行入galley即係廚房既時候,你又要即刻九秒九咁展露個港姐式笑容,然後問佢:係。 有咩幫到你啊?

同佢鳩講一輪之後,間中加幾個罐頭笑聲,再以點頭微笑畫上完美句號。心諗,仆街你仲未走?走啦!

到佢終於走啦,但你一諗到回程仲要對住佢,個心真係離一離啊! 。


友:咁但係你可以唔理佢架。你咁有個性。哈哈

我:你估我想做陪笑架?我夠想唔撚理個仆街啦!問題係,心理變態既人真係好可怕,佢可以一班機上玩鳩死你架!雖然我都可以玩鳩死佢,但會攰架嘛,我仲要推餐車派餐架!笑幾笑搞掂就算啦!

友:咁份份工都有衰上司既 ,又唔洗咁激動。講到尾,都係個個打工仔既生存之道。同埋,你份工咁開心,邊到有咁多變態啊?

我(Turbo ON):: 喂大佬啊! 你知啦,依家做呢工,壓力咁大。心理唔平衡、婚姻生活唔美滿,感情生活一片空白既高齡人士愈黎愈多。佢地無得寄情戀愛,就唯有寄情工作。但一個連私人感情都無地方投放既人,壓下壓下就會變成變態架啦!而呢d人仲寄情工作? 痴線架!
我所遇過既變態各花八門,但都有一個共同點!就係,永遠唔想見到你過得比佢開心!佢想你變到同佢一樣啊!

你可以想象到我同呢d變態返工有幾辛苦啊?係。好。撚。辛。苦。啊!有時要迫住幾個鐘同佢留係galley獨處啊!
仲有啊,我依家講緊既只係同事炸。我仲未講我d摯愛乘客同公司member啊!

友:哈。哈。。。我都覺得你都有d癲啊!不過你做呢份工都有好多得着,係未?成日有得飛!

我:係架!我相信世界上無一份工係易做,有得有失,所以從來都唔會講其他人份工易做。因此,我最大得着未係得到你地班仆街話我份工幾易做囉!

友:。。。。。。。。。


喜歡的話,可以黎我臉書讚好
https://www.facebook.com/Rudemen

留言


請按此登錄後留言。未成為會員? 立即註冊
    快捷鍵:←
    快捷鍵:→