爆粗空少--青春無極限精選

由爆粗空少非一般的嘆世界於 22/10/2015 發表收藏文章

有時候，當我做返乘客。
見到一d同事好有活力，好有精神咁對住乘客，仲好有笑容咁同乘客講好多野。
我就會好感嘆，自己初頭join o既時候，都係咁架。
但唔知點解做下做下耐左，自己就變得好無精力。無左果份熱誠啊。

無他o既。
可能係對得人太多，對得太攰啦。
又或者係間公司太PK，屌得太攰啦。
甚至可能係自己變得老練左，做得太攰啦。
咁當然啦，我唔係唔會笑。只係做得耐左，你就會有個固定o既對應模式，係會笑會真誠。
但係你都係會睇得出，係同一d初入職o既同事有分別架。
佢地就好似係初相識姑姑o既楊過，而你就係娶左黃蓉仔都生左幾件o既郭靖。你既故事已經結束啦！你無得射雕啦，人地已經神雕緊啦！

所以我好希望佢地都可以keep到果團火，搵到呢份工令佢開心而有活力o既原因。

而我，其實有時都會好有活力o既。
不過一年一次囉，就係放完大大假之後返工o既一個禮拜。即係太耐無返工，突然上返機，幻想住一切都好美好o既時候！

不過，只限一個禮拜。
因過左之後，當你回望四周，你仍然身處係一個咁仆街既工作環境。甚至仲差左tim。
你就會俾自己同現實打回原形，繼續返工。
做空少。爆粗。就係咁。唉~