爆粗空少--做空姐空少真係唔係咁簡單(4) 腳骨力精選

由爆粗空少非一般的嘆世界於 23/10/2015 發表收藏文章

曾幾何時，我地有一架地獄機型，叫77G. 依家又有一種能比得上稱上煉獄嘅機，叫33P.相信各位同事聽到呢兩個機種，都明係咩事發生架啦。
77g 嘅J class ?OH NO !
33p 長都never end 嘅EY ? OH SHIT!

嗱各位看官們或者唔明，但其實好簡單兩個字：人手。
唔夠人手，要將原先要做嘅野分俾有限嘅人做，或者一個人要做哂D野。
例如一個場得你一個最細嘅，咁你未要做哂成個場嘅野囉。哇，想當年第一次做77G 得我一個potato係business class,我真做到叫媽媽啊。跑哂成個商務艙，我真係腳都斷啊！做得呢份工就預左隻腳唔係自己架啦！
所以我今日要講講腳骨力！

做呢份工，真係少d腳骨力都唔得。先唔講係未做以上兩種機啦。
平時返工，我地都話：人地搭飛機去美國，但我地係行去美國架。
嗱！唔單單係講笑，而係因為除左休息果幾個鐘同可以偷閒嘅幾個字之外，其餘時間都要企住做野，更加唔洗講中途有客醒有人要咩咩咩忙嘅時候啦。
所以你隻腳少d力呢，就會係通往美國十幾個鐘嘅長征路上PK 架啦。

或者我用個比喻黎講啦。假設我份工就係運動選手玩接力賽。個運動場就係機種，果場可能會多d障礙物,地面難跑d,跑道窄d，你要跑長d等等。一開頭講嘅77G,33P 機型就係咁嘅概念啦。

好啦，就算你跑果正正常常嘅場。咁講下你d隊友，即係同事。俗語有話，不怕神一樣嘅對手，只怕豬一樣嘅隊友。
話明接力賽，如果你撞正果唔知咩係接力，甚至手腳都唔知點樣“用 “嘅隊友呢。
咁你仆街啦，你同其他人要跑埋佢果份。
甚至整個場你要hold 起哂，你要跑哂全場。

哇！但呢樣都唔係慘，最慘嘅係，呢場比賽唔係鬥快，係鬥長命。就算你跑得幾快幾耐，一日果裁判未話停未話到站，你就要繼續跑。
只要有一個觀眾望住你、有一個觀眾呼喚你，你就要繼續跑。

好啦，當你終於跑完可以放鬆下啦。但你就會發現你運動員嘅生涯仲未結束架喎！因為你大後日後日聽日或者等陣，你將會開始下一場比賽。
Final Call 啦，快d繼續接受觀眾嘅呼喚，繼續去接受你嘅命運啦。

Ladies and Gentlemen, 一齊為我歡呼啦。祝福我唔會係長跑路上猝死啦。哈利路亞~