爆粗空少--好啦!好啦!好啦! 精選

有時做呢份工，你會深深體會咩叫 唔洗急最緊要快。特別係當我做商務艙o既時候。
嗱，假設我on ground 整緊welcome drink準備派俾客。你親愛o既老細同你講話：啊，麻煩你帶帶個輪椅客去後面啊。
好啦，咁你就要放底手頭上o既野，帶個客由前面行去後面啦。
好啦。帶完果客，當你諗住轉身射個三分波返番上去o既時候，唔好意思，一大群o既乘客已經get ready 係你後面衝過黎玩美式足球啦！
咁無計啦，你唯有攝下攝下攝下，終於攝到上去！ 返到你個station諗住整埋d野飲啦。突然間，你老細又突然間走過黎，同你講話：啊邊個邊個位o既客想要份報紙啊，麻煩你。
好啦，咁你又唯有再放底你手上o既野，去攞份報紙俾個客啦！
咁俾完果客，行到出去cabin，見到咁多jacket湧埋黎，你又無理由當見唔到架嘛。咁就去掛啦，我地係專業架嘛！
好啦！打開果衣櫃，諗住掛果下。咦！後面企左幾百果客喎。
咁你又無理由阻住唔俾佢地行嫁，我地係專業架嘛！
未唯有閂埋果櫃，等佢地行左先啦。
好啦！佢地走左，當你諗住攞果衣架出黎，你後面又塞左好多人，咁點呢？未又閂返埋佢囉。 嗱，我講緊只係掛一件jacket炸下！ 我都開閂左兩次啦下。
啊！講左咁多，其實我仲未去哂我d welcome drink架下。
突然間，你老細又走過黎，同你講：Oh dear~麻煩你收收個newspaper trolley 啊。
好啦，咁你又要去收佢皮啦。
喂，但等等啊！newspaper 都收得，即係d客就上哂啦，但d welcome drink 仲未 welcome 完d客喎！ 喂！
咁你唯有衝去收好個trolley ，再去攞drink 俾d 客啦！ 今次終於去到啦掛？！
但”叮~噹” Interphone打黎，原來又係你老細，哇！屌！今次又點啊？
啊~問你有幾多客上左商務艙。哦，原來佢無眼o既，定係唔識計數呢？BB
好啦，咁我又再次放底那個被冷落o既 welcome drink ，行出去數俾佢睇啦。咦！ 咪住 ！ 講咁耐，我個partner 去左邊啊？少左果人o既？
哦，原來佢step 1 帶左果輪椅客去後面，就無再返黎啦~真犀利啊！我仲以為佢先係要坐輪椅果個tim ~ hahah =)


Other Links:
instagram: https://instagram.com/a_four_letter_crewtumblr: afourlettercrew.tumblr.com
facebook: www.facebook.com/Rudemen