爆粗空少--做空姐空少真係唔係咁簡單(5) 意志力精選

由爆粗空少非一般的嘆世界於 20/11/2015 發表收藏文章

其實坦白講每份工，當你遇到啲仆街同事無良上司，你都好需要你嘅意志力去支撐着條賤命去賤下去。
但我所講嘅意志力並唔係單單指你精神上嘅。而我想講嘅係肉體上磨練。

派餐收餐行十幾個鐘由香港行到阿美利堅大帝國呢d都不在話下，真正最辛苦嘅一刻：
係做完一輪full service，外面天色昏暗，但未輪到你去休息。好L想訓但係仲要等成幾粒鐘先可以人交更，冇得瞓嘅慘況。

特別係day flight 嘅長途機，因為好少乘客瞓覺，兩餐派發嘅相隔時間較短。first group 休息完返黎大家就開始第二餐嘅Service，second group rest 嘅同事將會做埋第二餐並係落機前嘅幾粒鐘先去休息。相反night flight ，就兩group都訓晒先開始第二餐。
咁本人呢就唔知好彩定唔好彩啦！我次次做親啲day flight ，我個position都係second group先訓喎。咁我唯有安慰自己話哇我可以瞓到落機喎幾好，但其實我都心諗哇我等到落機前先訓實PK啦。
當你做完第一餐之後，first group同事上左去訓。咁你就要開始等四五個鐘。

咁個四五個鐘你會做啲咩呢。就會例如有call light 去應啦、去下杯面呀、吹呀水呀，睇下廁所啊咁樣啦。
有冇嘢做有冇野講都好啦，你都會攰架啦。當你真係好攰但冇得瞓嘅時候，你就會不斷催眠自己話仲有兩個鐘啊仲有一個鐘佢地返嚟嫁啦，但你望一望嗰錶其實只係過咗五分鐘。
咁所謂嘅意志力呢就要喺度大派用場啦，你要點樣抑壓自己嘅睡意同時又可以應付到外面嘅無睡意呢？唔通真係要攞鉸剪吉大脾？

咁我又冇嘅，最多係走去廁所check嘅時候休息左個幾十秒囉。hahahahaXD
咁好啦當你用盡意志力支撐自己真係等到佢哋返黎，諗住有得訓啊唔好意思。Day flight ar，你要做埋下一個service先去瞓啦！

有冇試過做full load 兩個鐘service ，first group rest 五個鐘，call light call 足五個鐘，做足五個鐘。當first group 返嚟，再做兩個鐘service 。Total做足九個鐘嘅體力勞動，先可以去休息。我有啊，究竟我嗰陣係點捱過黎呢？

或者講到呢度你地會問，咁你哋係咪覺得中間有嘢做好似啲時間會易過啲，雖然會攰。
其實對我來講都係一樣，因為嗰時段有時係人類正常要瞓覺嘅時間而冇得瞓覺啊嘛，點都會攰架啦。做得多嘢或者係會更攰，但係問題係我都仲未有得訓啊嘛。做得多與少，我都仲係冇得瞓架。

不過我無論點我都會答有嘢做嘅。因為我答冇嘢做嘅話，又有朋友會同我講：哦咁你哋其實都幾好呀冇嘢做，等瞓覺咋嘛。

係啊。幾好架。你望到我塊面上面嗰兩個可愛嘅黑眼圈就知幾好啦。絕對係瞓得多瞓出嚟㗎啦，啲空姐空少係機上冇嘢做架嘛。呵～

Btw ,未參加抽獎嘅朋友可以去我fb page置頂嘅post 玩下啊，今晚截止啦！