爆粗空少---人on 9則無敵

做呢份工最怕遇着兩種人。一種係傻嘅,一種癲嘅。
咁兩種加埋呢我就稱之為on9嘅。

話說講故時間又黎啦。
上次有位老總係briefing 分享左個故事。佢就話上一班有位尊貴會員投訴 。
因為空姐好大聲咁係landing嘅時候,叫佢唔好企起來身要坐返低,咁令佢好尷尬。

無錯你冇聽錯。佢要投訴自己企左起身,俾人叫佢坐底令佢好尷尬喎。
但佢完全無諗過你係自己令自己embrassing 自己犯賤先架喎。

好啦,算!
你係咪以為老總講返嚟故事係會講話,唔緊要嘅我會全程support你地有關safety嘅 issue 。

唔係喎!佢話咁下次如果有咁嘅情況,你地要有更好嘅方式去處理,我唔想收到咁樣嘅投訴啦。咁就完咗啦!佢亦冇講有咩方法啊!
咁不如我哋諗下啦!

一,就係唔好理個客嘅生死。任由佢landing take off 嘅時候企起身。等佢仆街咁就好啦!

二,cut咗老總你make緊嘅after landing PA,即刻做廣播叫客坐低。或者等你make完個PA,等個客屋企多陣先,之後先做廣播叫佢坐低,如果佢未仆街嘅話。

三,唔理我地嘅安全。解開安全帶,我哋衝過去叫個客坐低。不過,你傻就好啦我唔會陪你癲囉!我條命不之幾重要,你唔座我座啊!

而我就相信以上呢三種方法,都比唔上我直接叫佢坐低更有效囉!

大佬啊!果客on9,你都唔好陪佢on9呀!
你認為d crew無諗過其他方法咩。如果有得用Pa 實會用啦,邊個會想着住制服好似街市咁叫啊。
肯定係突發情況或無更好更快情況下先會想咁做啦!

你估我叫你坐低係真係想令你好尷尬啊?我地都只不過係為了你安全着想,盡我地責任。
就算真係令你尷尬,對唔住都講句真係抵你死。架機未停定架,你覺得你平衡力好好咩?

至於位老總,我唔想再講, 真係膠都費事派俾佢。
聰明嘅大家,呢一刻或者會諗到用body language 叫果客坐低, 咁你未唔會出聲囉。
但唔好意思啊,個老總臨走之前仲講咗句話:大家唔好用手勢叫啲客坐低。
因為我都試過有客人投訴,咁樣太唔尊業。你地應該用更好嘅方法去做。

哇!不得了。又係更好嘅方法!
咁我唔可以用口講,又唔可以用手做, 咁唯有用隻眼望住佢死啦!
有乜方法啊!你都on 9 9嘅!




近排同一d好耐無見既朋友食飯聚餐。
聚餐結束後,我終於明白點解會有senior講:
阿仔。當你做得愈耐呢份工,你就會發現你同身邊o既朋友價值觀,想法好唔同。
因為係果一餐飯入面,大家除左寒喧一番,感嘆好久不見之外。
最常論述既話題就係:
大家邊個賺最多錢?……邊個最勁啊?賺最多?有錢結婚?……
邊個賺得少……有無諗過轉工…….. 唔夠銀………
咁結果呢,我呢位空少就係佢地錢錢錢錢o既話題下放空左好耐。
除左好hea咁和應左句:係啊!空少賺好少架咋,無錢架! 之外。
其餘時間,我就做緊一件自己都好反感既事——就係gathering當中玩手機。
但我真係無心聽落去。係啊!我真係好撚窮啊!
特別今個聖誕佳節,要買乜買乜,我格外覺得自己窮。但咁又點啊?
我做得開心就得啦!夠用就得啦!
坦白講。 呢份工絕對唔係一份賺錢o既工,你要搵大錢一定唔會做落去。
但點解仲會有咁多同事keep住做落去?
我相信除左係因為大家習慣左呢個工作模式走唔到之外,仲有
o既原因係大家係呢一份工入面搵到比賺大錢更重要o既物品。
講到呢到。若果我同佢地講話,我做得開心,有比錢更重要o既事。
咁呢班舊朋友就會話:哦!我知,呢份工多女啊嘛!係未?!
之後,我就只會哈哈笑幾笑,繼續玩我o既手機。
因為大家channel同level都唔同,點講落去啊?
俗d咁話,份份工都有姣婆同脂粉客。你所講o既多女、食女,食仔,留俾佢地啦!
大部分既同事都好尊重而投入自己既o職業工作。
我地用自己o既勞力同精神去賺取你眼中好少o既人工,再用呢份少少人工去過我地自給自足開心o既生活。
無錯啊!我覺得錢真係唔係一切。當我真心想搵大錢,就唔會留係到啦!
我地鍾意去旅行、鍾意去服務別人、鍾意去享受私人自由時間,鍾意去感受不同文化。呢d都係令大家想留底落黎o既原因。
特別係今日平安夜,當我同落機乘客講句Merry Christmas o既時候。
原來我都幾enjoy呢個moment,因為我真係可以分享到快樂俾人 smile 表情符號
雖然只係一句說話,亦雖然班機做到攰死。但始終都好享受呢一刻。
最後,
我好感謝果d一直好支持同體諒我呢份工既好友,仲有大家!
我祝你地,Merry Xmas !!!


Other Links:
instagram: https://instagram.com/a_four_letter_crew
tumblr: afourlettercrew.tumblr.com
facebook: [url=https://www.facebook.com/Rudemen]www.facebook.com/Rudemen[/url

留言


請按此登錄後留言。未成為會員? 立即註冊
    快捷鍵:←
    快捷鍵:→