爆粗空少---做空少做到無時間觀念？精選推薦

由爆粗空少非一般的嘆世界於 27/01/2016 發表收藏文章

嗱，我覺得做呢左份工之後，係我人生中產生左兩大疑問。

一個就係，點解有咁多仆街仲可以繼續係到做野o既呢？仲要係十幾廿年喎！
你話辦工室政治我都明啊，但空姐空少喎！唔係應該睇對人或服務專業度o既咩？
佢擺明正面背面上面下面都係一個仆街黎架，點解佢仲有得留底架？
傳左咁耐”被人炒啦”，結果未又仲係死係到。點解o既？

不過呢個疑問我終於明白。只能說：少年我當時太年輕了。呢份工其實說穿了，同其他工無分別。
就係：佢要你做佢果套，而佢做佢另一套o既工作環境。
一旦你做唔到佢果套，就睇你有無政治背景同手段囉。

最後，未一樣有辦工室政治！
之不過，呢樣就下次再講啦，最近都聽唔少八卦，下次分享啊！
不竟呢d每個人o既選擇黎o既。
而我呢，立場就選擇肯定一定絕對唔會做任何野幫公司做宣傳！
係咁多！

啊，講番正題，我今日想講o既就係我第二大疑問。就係，點解做左呢份工之後，我好似跌左入黑洞，對時間完全無概oo既？
嗱，答唔到星期幾啊？幾月幾日啊？呢d情況，各位同事應該有大共鳴。.
更加唔好講幾時紅日放假啦。

套一句當年trainer同我地講o既說話：
係啊，你地紅日要返黎上堂架！我地就要俾你知道，做呢份工係永遠都無weekend，節日同紅日o既概念架！隨時都要返工架。

除左無日子o既概念之外，我發現時間本身都過得特別快tim喎！
相信各位同事都曾有以下獨白：
就快出roster啦！；
啱啱出完roster，就快出糧啦！；
咦，又出roster？咁就一個月啦！係啊！咁就一個月啦。

怪唔知得，d人話呢份工頭幾年你唔走，就走唔到架啦。一做就會做十幾年架啦！
係喎！依家咁樣睇番，其實十年呢個單位真係好快過炸喎！
飛幾班long haul，同埋d時差左扣右扣，一年過後就三年，三年就五年，五年就十年架啦！
啊diu~唔知我仲有幾多個十年呢？哈哈。

不過話雖如此啊，就算做人對時間幾無概念都好啦。
我都同自己講，唯一唔可以忘記o既，就係點樣做一個人最基本o既概念。
你當初點樣過，別人亦一樣點樣過。講真，每個人都有junioro既時候。
乜都可以忘記，但當初自己點受苦點被人hard time我就一定唔會忘記。唔會忘記，並唔係因為要去恨。
而係只有記住呢d經歷，先會提醒自己日後一定唔能夠以此傷害其他人。
希望，有一日你地見到我，我唔會因為快樂不知時日過，而成為左我口邊所講過o既仆街啦！仲要係做左十幾廿幾喎！=)