爆粗空少-- 出黎啦！Coffee tea Jug!!! 精選

其實我真係好想知公司d人係點諗野o既呢？
將新o既coffee tea decanter當以前o既 coffee tea jug黎用。

都講到明，人地係decanter，係俾你係部咖啡機到裝住d coffee，再倒落個jug到斟出黎啊嘛 。
你又死到要加個蓋果去，活生生話佢已經變左壼(jug)啦，可以倒咖啡架！
問題係，次次攞佢出去斟coffee tea 就會發現。
你就會唱：我是果茶壼~肥又矮啊~ 你是個仆街~抵你死啊~
頂！果decanter 本身就下盤肥美加十分矮架啦
(因為佢唔係高身o既JUG啊嘛！)
想倒個咖啡落果客o既杯到，又唔可以放得太埋，唔係就會撞到個杯！
咁唯有高空發展啦，但個杯底又唔夠深，一太高倒咖啡就彈哂出黎。

仲要本身拎佢出黎倒，手勢唔好個手腕就會整親架啦！
問題都唔係呢幾點，而係你依家每次倒coffee tea，係一定係一定會瀉d coffee 出黎啊！我無一次唔會瀉囉！

點解？因為佢真係唔係一個JUG!
大家可能會覺得少許抽象，不如我用一個生活例子具現化俾你啊！嗱！相信大家屋企都會有茶壼o既，無論中式西式都攞出黎！
攞出黎啦嘛！

好依家，將你茶壼o既壼嘴(出水口)直接打碎佢啦！
正確黎講，係將壼身連到壼嘴果一截長條野啊，成條整爛佢啊！
然後再封番果缺口，咁就完成架啦！

之後你就會問，咁我倒d水入茶壼，點倒番出黎啊？
好問題！ 你啱啱就答左自己啦！
係啊！你答左啦！ 唔明？ ！
未邊到黎邊到去囉！你點倒水入去，未點倒番出黎囉！
唔需要懷疑，亦唔需要驚訝！ 係的的確確如你腦海所想啊！
你或者會話：邊有可能係果蓋到倒番出黎啊？茶壼喎！
係啊！我都想講：以前個JUG係高身就話可以姐，依家係巨形茶壼喎！點係個蓋位倒啊？！
但唔好意思，我每一日都經歷緊呢樣野啊！係真架！
所以我一開頭，未話佢加果蓋俾我當係JUG囉！
依家大家理解我上面點解會咁嬲啦！
茶壼o既蓋啊！或者你叫佢”塞”啦。

你一斟，d coffee就會成個蓋o既周邊溢出黎架！即係會瀉d coffee囉！
講開呢一點，公司仲要特別提醒我地。
果decanter就算有果蓋，你向前向后向左向右四周都可以倒到出黎架，要小心啊！我知！因為你叫緊我用無嘴o既茶壼倒茶啊嘛！
我真係諗唔明邊一個諗果個design出黎架！佢一定係一個天才！
不如咁啊，為左紀念你劃時代o既設計，你屋企唔好用茶壼同jug啦。
直接用機上o既coffee tea decanter未得囉，反正你覺得work！
係未？黎黎黎黎黎黎。你咁叻設計啊嘛！你黎用下囉！


Other Links:
instagram: https://instagram.com/a_four_letter_crew
tumblr: afourlettercrew.tumblr.com
facebook: https://www.facebook.com/Rudemen