爆粗空少–當年今日，論briefing之重要性 精選

曾經有人問我：你地返工briefing 會講d咩？

一開始，我都會好正經咁回答當中o既內容。
例如，注意事項，機上安全等等。

後來，我都改口講話：,
其實無架。 都只不過係俾阿姐阿哥發光發亮，發表偉論o既一個時刻囉。
就相當如學生時代，早會校長講話囉。

有時候，同場加映。仲會有才藝表現、自我介紹、分享趣聞，角色扮演咁囉。
哇，真係成個speed dating 咁啊！

正面d，未即係有免費花生show睇囉。
負面d，未係你係其中一個主角囉。

其實呢，我覺得有sharing 係好o既。
大家互相提點，輕鬆交流，開開心心返工未好囉。

但有d野呢，講得多呢，就過火架啦。
(我成日心諗，點解有d人做左十幾廿年，聽左咁多唔厭，自己講左咁多更加唔會厭o既呢？)
加上我份人就比較着重做多過講o既。
特別係見到d阿哥阿姐係briefing時，講到天花亂墜，要點要點。
但做野時就，三百六十度大反轉，一塌糊塗。

我就真係火都黎架啦！

唔該你啊！當初就唔好浪費大家時間講咁多廢話啦！
我仲未上機就要同你消磨咁多。 俾我做野好無啊？
快d俾我返工啦！如果唔係，我點收工啊？！