有時我會諗on ground chur 清潔姐姐，chur我地快d做check 做preparation，為左快d上客起飛，係真係可以快得幾多呢？
到上左客，又要chur佢地快d放行李，快d坐底，為左快d閂機門走人。
好啦，就算真係閂左門啊，到最後有航空管制，機場繁忙，天雨問題 brabarba 未一樣又要delay？ ！
咁頭先on ground chur 我地做乜9 呢？
或者咁講啊，你唔係真心認為我地o既on ground 準備工作同安全檢查係會令到一班飛機delay o既重要原因啊嘛？ 我地chur返黎快果五分鐘o既時間，都比唔上一句航空管制所延誤果半個鐘啦。
講真，我都未算慘。真心慘係清潔姐姐囉。
有時一上機，見到佢地要係限時內完成成個機艙o既清潔工作，好時吸地抹檯拾垃圾，果果位都要整喎！
我明呢果係佢地既工作本份，但見到佢地咁chur仲要比人嗺，趕做下一班機。 我會多一份包容同理解囉。
所以當見到今年公司攞左果 The Cleanest Cabin，我真係：笑而不語。
下年，我覺得可以角逐下 The Most Rushing Cabin啊。
不竟我地留左咁多腳毛，應該有望啦掛。哈哈
請按此登錄後留言。未成為會員? 立即註冊