爆粗空少--空少唔請病假一年，會點？ 精選 推薦

我有一個空姐好朋友咁多年黎，都叫我一齊去攞呢張勝利卡去換同一班機，諗住一齊飛啦！ (係啊係你啊！講緊你)

結果每一年抽完籤，係啊有卡之外仲要抽籤架。
終於抽到班機，好開心大家一齊飛啦。

仆街，前一個月話你知轉pattern變短stay 或者cancel flight！問你仲要唔要啊？ 我要黎把托咩！
嗱，我唔係怪你啊，朋友！我明你完全無辜。
但你明唔明啊，我睇住自己以前一個天真陽光大男孩。諗住辛辛苦苦成年無請病假，換d靚機，好有成功感。
到依家，我真係唔敢相信以前o既我，係天真定係豬呢？

正所謂，努力唔一定成功。(請無視下一句)
你咁努力，最後都係一場空。
好絕望啊，每年攞每年cancel !!!
不過！我好興幸呢個經驗令我明白，做人真係唔好太上身太上心。
千其唔好放哂果身心入份工，

因為份工未必要俾返你想要o既。甚至被反咬一口。
我地都應該為自己着想一下。覺得病，未請囉！唔好諗咁多。 自己對自己好d，份工唔會對你好架。BB們，唔好諗住你對公司對份工咁好，佢地一定要對你好。
呢個世界唔係必然架，呼~
你咁努力返工攞表現駁快線，可能到最後都係一樣一場空。乜L都無架。
做足本份，唔會少俾你但亦唔會多，同病假一樣。
係啊，我好絕望，病黎架。
所以未Port Sick 囉！啊哈哈哈哈